മണികണ്ഠന്‍ ചിത്രത്തില്‍ വിജയ് സേതുപതിയാണ് നായകന്‍

കാക്കാ മുട്ടൈ എന്ന ചിത്രത്തിന് ശേഷം സംവിധായകന്‍ മണികണ്ഠന്‍ അടുത്ത ചിത്രത്തിന് ഒരുങ്ങുന്നു. ചിത്രത്തില്‍ വിജയ് സേതുപതിയാണ് നായകനാവുന്നു.

ചിത്രത്തിന്റെ ഷൂട്ടിംഗ് സെപ്തംബറില്‍ ആരംഭിക്കും. കാക്കാ മുട്ടൈ എന്ന ചിത്രത്തിന്റെ അതേ സ്‌റ്റൈലിലാകും ഈ ചിത്രവും ഒരുക്കുക.കരാറൊപ്പിട്ടിരിക്കുന്ന മറ്റ് ചിത്രങ്ങള്‍ പൂര്‍ത്തിയാക്കിയ ശേഷമാകും വിജയ് ഈ ചിത്രത്തില്‍ അഭിനയിക്കുക.

ചെന്നൈ പട്ടണത്തിന്റെ പശ്ചാത്തലത്തിലാണ് ചിത്രം ഒരുങ്ങുന്നത്. ശക്തമായൊരു സന്ദേശം നല്‍കുന്ന ചിത്രത്തില്‍ ഗാനങ്ങളുമുണ്ടാകുമെന്നും അദ്ദേഹം കൂട്ടിച്ചേര്‍ത്തു.

ഗോപുരം ഫിലിംസിന്റെ ബാനറില്‍ മാധുരി അമ്പുവാണ് ചിത്രം നിര്‍മിക്കുന്നത്. മറ്റ് അഭിനേതാക്കളും അണിയറ പ്രവര്‍ത്തകരും ആരൊക്കെയാണെന്ന് പുറത്തുവിട്ടിട്ടില്ല.