ബി​ഗ് ബോസ് ഒഴിവാക്കാൻ മാത്രം തിരക്കിലാണോ കമൽ ഹാസൻ? മറ്റെന്തെങ്കിലും കാരണമാണോ ഈ മാറ്റത്തിനു പിന്നിൽ

ബി​ഗ് ബോസ് തമിഴ് ഏഴാം സീസണിൽ കമൽ ഹാസൻ ഇല്ല. ആരാധകരെ വിഷമത്തിലാഴ്ത്തിയ ഈ വാർത്ത കമൽ ഹാസൻ തന്നെയാണ് തന്റെ സോഷ്യൽ മീഡിയ അക്കൗണ്ടുകളിലൂടെ അറിയിച്ചത്. പുതിയ സീസൺ തുടങ്ങാനിരിക്കെ പുതിയ തീരുമാനവുമായി കമൽ ഹാസൻ എത്തിയത്. ശരിക്കും എല്ലാവരെയും ഞെട്ടിക്കുന്ന വാർത്തയായിരുന്നു ഇത്. ഇതോടെ ഇനിയാര് ബി​ഗ് ബോസ് അവതാരനാവും എന്ന ചർച്ചകളും തുടങ്ങി. കമൽ ഹാസന് പകരം മറ്റൊരാൾ എന്നത് ആരാധകർക്ക് സങ്കൽപിക്കാൻ കഴിയുന്നില്ല.

2017ലാണ് വിജയ് ടിവിയിലൂടെ ബി​ഗ് ബോസ് തമിഴ് ഷോ സംപ്രേഷണം ആരംഭിച്ചത്. ‍ജനങ്ങളെ അത്രയും എന്റർടെയ്ൻ ചെയ്യിക്കുകയും അതേ പോലെ ചിന്തിപ്പിക്കുകയും ചെയ്ത ഷോ തന്നെയാണിത്. കമൽ ഹാസന്റെ ഈ മാറ്റത്തിനു പിന്നിൽ മറ്റെന്തെങ്കിലും കാരണങ്ങളുണ്ടോ എന്നാണ് പൊതുവേ സംസാരം. നിലവിൽ അദ്ദേഹത്തിന് സിനിമകളുടെ തിരക്ക് മൂലമാണ് പിൻമാറുന്നതെന്നാണ് പറയുന്നത്. ഇത്രയും സിനിമകൾ ഒരുമിച്ച് അദ്ദേഹത്തിന് ഷൂട്ട് ചെയ്യാൻ ഉണ്ടോ എന്നാണ് ആളുകൾ ചോദിക്കുന്നത്.

കഴിഞ്ഞ സീസണിൽ കമൽ ഹാസൻ നിരവധി വിവാദങ്ങളിൽ പെട്ടിരുന്നു. അതായത് പ്രദീപ് അന്റണി എന്ന മത്സരാർത്ഥിക്ക് റെഡ് കാർഡ് കൊടുക്കുകയും പ്രദീപ് പുറത്താവുകയും ചെയ്തിരുന്നു. അതിന്റെ പേരിൽ നിരവധി ട്രോളുകളും സോഷ്യൽ മീഡിയയിലൂടെ ഒരുപാട് നെ​ഗറ്റീവ് കമന്റുകളും കമൽ ഹാസൻ നേരിട്ടിരുന്നു. അതിന്റെ പേരിൽ ഉണ്ടായ പ്രശ്നങ്ങൾ കാരണമാണോ കമൽ ഹാസന്റെ ഈ പുതിയ തീരുമാനമെന്നും പലരും ആശങ്കപ്പെടുന്നു. എന്തായാലും അദ്ദേഹം പറഞ്ഞ പോലെ നിരവധി സിനിമകളാണ് ഇനി ഷൂട്ടിം​ഗ് ചെയ്യാനുള്ളത്.

മണി രത്നം സംവിധാനം ചെയ്യുന്ന ത​ഗ് ലൈഫാണ് ഇനി റിലീസ് ചെയ്യാൻ ഒരുങ്ങുന്നത്. ചിത്രത്തിന്റെ നിർമ്മാണവും കമൽഹാസൻ തന്നെയാണ്. മാത്രമല്ല കഥ എഴുതിയത് മണി രത്നവും കമൽഹാസനും ചേർന്നാണ്. ഇതൊരു മൾട്ടി സ്റ്റാർ ചിത്രമാണ്. ചിമ്പു, അശോക് സെൽവൻ എന്നിവരാണ് മറ്റു പ്രധാന വേഷത്തിലെത്തുന്നത്. ഈ വർഷം തന്നെ ചിത്രം റിലീസ് ചെയ്യും.

അടുത്തത് വിക്രം 2. അതുമായി ബന്ധപ്പെട്ട് കഴിഞ്ഞ ദിവസം ഒരു കുഞ്ഞിനൊപ്പം ഉലക നായകൻ പുതിയൊരു ലുക്കിൽ ഇരിക്കുന്ന ചിത്രം പോസ്റ്റ് ചെയ്തിരുന്നു. വിക്രം 2 ന്റെ ഷൂട്ടിം​ഗ് സെറ്റിൽ ഇരിക്കുന്നതാണെന്ന് ഫോട്ടോയിലൂടെ വ്യക്തമാണ്. ലോകേഷ് കനകരാജിന്റെ കൂലി എന്ന ചിത്രത്തിനു ശേഷമായിരിക്കും വിക്രം 2 റിലീസ് ചെയ്യുന്നത്.

പ്രമുഖ സ്റ്റണ്ട് ഡയറക്ടർ അൻപറിവ് സംവിധാനം ചെയ്യുന്ന സിനിമയിൽ കമൽഹാസൻ തന്നെയാണ് നായകൻ. ഈ ചിത്രവും കമൽഹാസൻ തന്നെയാണ് നിർമ്മിക്കുന്നത്. എന്നാൽ ഷൂട്ടിം​ഗ് അടുത്ത വർഷമാണ് ആരംഭിക്കുന്നത്. അതുപോലെ തന്നെ കൽകി 2, ഇന്ത്യൻ 3 എന്നീ ചിത്രങ്ങളും കമൽ ഹാസന്റേതായി റിലീസിനുണ്ട്. ഇതിൽ കൽകിയുടെ രണ്ടാം ഭാ​ഗത്തിലാണ് കമൽ ഹാസനു കൂടുതൽ പ്രാധാന്യം ലഭിക്കുന്നത്. അതിനാൽ അതിന്റെ ഷൂട്ടിം​ഗ് ഇനി തുടങ്ങും.

ഇന്ത്യൻ 3 ഷൂട്ടിം​ഗ് പൂർത്തിയായതാണ്. എന്നാൽ അതിന്റെ പ്രൊമോഷൻ വർക്കുകൾക്കായി തനിക്ക് സമയം വേണമെന്നായിരുന്നു കമലിന്റെ ആവശ്യം. ഇത്രയും സിനിമകൾ കമലിന് ചെയ്യാനിരിക്കുമ്പോൾ ബി​ഗ് ബോസ് ചെയ്യാനുള്ള സമയം ഉണ്ടാവില്ല എന്നാണ് അദ്ദേഹം പറയുന്നത്. കൊവിഡ് കാലത്ത് അദ്ദേഹത്തിന് അസുഖം ബാധിച്ചപ്പോൾ കുറച്ച് എപ്പിസോഡുകളിൽ രമ്യാ കൃഷ്ണനായിരുന്നു അവതാരികയായി എത്തിയത്. അതിനാൽ രമ്യാ കൃഷ്ണൻ പുതിയ അവതാരികയാകുമോ എന്ന് സംശയമുണ്ട്. ഒപ്പം ചിമ്പുവിന്റേയും ശരത്കുമാറിന്റേയും പേരുകൾ ഉയരുന്നുണ്ട്.