മകന്റെ പുരസ്‌കാര നേട്ടം കണ്‍നിറഞ്ഞ് പകര്‍ത്തി നടന്‍ ഭാസ്‌ക്കര്‍! 96 താരം ആദിത്യയുടെ വീഡിയോ വൈറല്‍

ആദിത്യയ്‌ക്കും ഗൗരിയ്ക്കും പുരസ്കാരം

96 ലെ വിജയ് സേതുപതിയുടെ ചെറുപ്പക്കാലം മികവുറ്റതാക്കിയതിനായിരുന്നു ആദിത്യയ്ക്ക് പുരസ്‌കാരം ലഭിച്ചിരുന്നത്. ആദിത്യയ്‌ക്കൊപ്പം കുട്ടിജാനുവായി ശ്രദ്ധേയ പ്രകടനം നടത്തിയ ഗൗരി ജി കിഷനും മികച്ച പുതുമുഖ നടിക്കുളള പുരസ്‌കാരം ലഭിച്ചിരുന്നു. തമിഴിലെ പ്രമുഖ മാധ്യമങ്ങളിലൊന്നായ ബിഹൈന്‍വുഡ്‌സിന്റെ ചലച്ചിത്ര പുരസ്‌കാര ചടങ്ങിലായിരുന്നു ഇരുവര്‍ക്കും അവാര്‍ഡ് ലഭിച്ചിരുന്നത്. അവാര്‍ഡ് ദാനചടങ്ങില്‍ 96 സിനിമയുടെ ടീം എത്തിയിരുന്നു.

റാമും ജാനുവും

ഗൗരിയെയും ആദിത്യയെയും ഒരുമിച്ചായിരുന്നു അവാര്‍ഡ് വാങ്ങാനായി ക്ഷണിച്ചിരുന്നത്. ആദിത്യ പുരസ്‌കാരം വാങ്ങി സംസാരിക്കുന്നതിനിടെ ആയിരുന്നു പിതാവ് എസ് എസ് ഭാസക്കര്‍ മകന്റെ പുരസ്‌കാര നേട്ടം വീഡിയോയില്‍ പകര്‍ത്തിയിരുന്നത്. ആദ്യ പുരസ്‌കാരം വാങ്ങാന്‍ സ്‌കൂള്‍ ഓഡിറ്റോറിയത്തില്‍ തന്റെ കുഞ്ഞ് കയറുന്ന എല്ലാ ആകാംക്ഷയും ഈ അച്ഛനില്‍ പ്രകടമായിരുന്നു. സംസാരിക്കുന്നതിനിടെ അച്ഛന്‍ വീഡിയോയില്‍ പകര്‍ത്തുന്നത് ആദിത്യയും വീക്ഷിക്കുന്നുണ്ടായിരുന്നു.

വീഡിയോ കാണൂ

96 എന്ന ചിത്രം

വിജയ് സേതുപതിയെ നായകനാക്കി സി പ്രേംകുമാര്‍ സംവിധാനം ചെയ്ത ചിത്രമായിരുന്നു 96. മദ്രാസ് എന്റര്‍പ്രൈസസിന്റെ ബാനറില്‍ നന്ദ ഗോപാലാണ് ചിത്രം നിര്‍മ്മിച്ചിരുന്നത്. ഒരു റൊമാന്റിക്ക് ഡ്രാമയായി ഒരുക്കിയ ചിത്രത്തില്‍ താരങ്ങളുടെയെല്ലാം പ്രകടനം ഏറെ ശ്രദ്ധിക്കപ്പെട്ടിരുന്നു. ഹൈസ്‌ക്കൂളില്‍ ഒരുമിച്ച് പഠിച്ച രണ്ട് പേര്‍ 22 വര്‍ഷങ്ങള്‍ക്ക് ശേഷം വീണ്ടും കാണുന്നതും തുടര്‍ന്നുണ്ടാകുന്ന സംഭവ വികാസങ്ങളുമാണ് ചിത്രം പറഞ്ഞത്.

സിനിമ മുഴുവനായി

സിനിമ മുഴുവനായി ചിത്രം കാണുന്ന പ്രേക്ഷകര്‍ക്ക് ഒരു നൊസ്റ്റാള്‍ജിക്ക് ഫീല്‍ തന്നിരുന്നു. പ്രേക്ഷകരെല്ലാം തന്നെ മികച്ച അഭിപ്രായമായിരുന്നു 96നെക്കുറിച്ച് സോഷ്യല്‍ മീഡിയകളില്‍ എല്ലാം കുറിച്ചിരുന്നത്. ചിത്രത്തിലെ പാട്ടുകളും ചായാഗ്രഹണവും ഏറെ ശ്രദ്ധിക്കപ്പെട്ടിരുന്നു. തൈക്കുടം ബ്രിഡ്ജിലൂടെ ശ്രദ്ധേയനായ ഗോവിന്ദ് വസന്തയായിരുന്നു 96നു വേണ്ടി സംഗീതമൊരുക്കിയിരുന്നത്.