സിനിമയില്‍ നിന്നും ബോധപൂര്‍വ്വം മക്കളെ മാറ്റിനിര്‍ത്താന്‍ ശ്രമിച്ചു! കാരണം വ്യക്തമാക്കി സേതുപതി

വിജയ് സേതുപതിക്കൊപ്പം മകന്‍

സിന്ധുബാദിന് മുന്‍പ് നാനും റൗഡി താന്‍ എന്ന ചിത്രത്തിലായിരുന്നു വിജയ് സേതുപതിയുടെ മകന്‍ അഭിനയിച്ചിരുന്നത്. വിഘ്‌നേഷ് ശിവന്‍ സംവിധാനം ചെയ്ത ചിത്രത്തിലെ സൂര്യയുടെ പ്രകടനവും ഏറെ ശ്രദ്ധിക്കപ്പെട്ടിരുന്നു. വിജയ് സേതുപതിയുടെ ചെറുപ്പകാലമായിരുന്നു മകന്‍ അവതരിപ്പിച്ചിരുന്നത്. നാനും റൗഡി താന്‍ എന്ന ആദ്യ ചിത്രം കഴിഞ്ഞാണ് മക്കള്‍ സെല്‍വന്റെ മകന്‍ വീണ്ടും സിനിമയില്‍ അഭിനയിച്ചിരിക്കുന്നത്.

മകനെ അഭിനയിപ്പിക്കാന്‍ ആഗ്രഹിച്ചിരുന്നില്ല

അഭിമുഖത്തില്‍ സിന്ധുബാദിനെക്കുറിച്ച് സംസാരിക്കുന്ന സമയത്തായിരുന്നു മകനെക്കുറിച്ചും കുടുംബത്തെക്കുറിച്ചും വിജയ് സേതുപതി തുറന്നുപറഞ്ഞത്. സിനിമയുടെ പ്രശസ്തിയില്‍ നിന്നും താരപരിവേഷത്തില്‍ നിന്നുമെല്ലാം മക്കളെയും കുടുംബത്തെയും വിട്ടുനിര്‍ത്താന്‍ ആഗ്രഹിച്ചിരുന്നതായി സേതുപതി പറയുന്നു. മകനെ സിനിമയില്‍ അഭിനയിപ്പിക്കാന്‍ ആഗ്രഹിച്ചിരുന്നില്ല. സംവിധായകന്‍ അരുണ്‍ കുമാറിന്റെ നിര്‍ബന്ധത്തിന് വഴങ്ങിയായിരുന്നു അവനെ അഭിനയിപ്പിക്കാന്‍ തയ്യാറായത്.

കുടുംബത്തെ ബോധപൂര്‍വ്വം

തന്റെ കുടുംബത്തെ ബോധപൂര്‍വ്വം സിനിമയില്‍ നിന്നും പ്രശസ്തിയില്‍ നിന്നുമൊക്കെ വിട്ടുനിര്‍ത്താന്‍ ശ്രമിച്ചിട്ടുണ്ടെന്നും വിജയ് സേതുപതി പറയുന്നു. സിന്ധുബാദിലെ കഥാപാത്രത്തിന് സൂര്യ ചേരുമെന്ന് അരുണ്‍ കുമാറായിരുന്നു എന്നോട് പറഞ്ഞത്. സൂര്യയുടെ ആദ്യ ചിത്രത്തിലെ പ്രകടനം കണ്ടാണ് അദ്ദേഹം എന്നോട് ഇങ്ങനെ പറഞ്ഞത്. എന്നാല്‍ സൂര്യയുടെ അച്ഛനെന്ന നിലയില്‍ അരുണിനോട് ഒന്നുകൂടി ആലോചിക്കാന്‍ ഞാന്‍ പറഞ്ഞു. അവന് പ്രശസ്തിയും സമ്മര്‍ദ്ദവുമെല്ലാം താങ്ങാനുളള പ്രായപൂര്‍ത്തിയായിട്ടില്ലെന്ന് തന്നെയാണ് എനിക്കും ഭാര്യയ്ക്കു തോന്നിയിരുന്നത്.

സിനിമയിലെ ആ റോളില്‍

സിനിമയിലെ ആ റോളില്‍ വേറെ ആരെങ്കിലും അഭിനയിപ്പിച്ചു കൂടെയെന്ന് ഞാന്‍ ചോദിച്ചെങ്കിലും അരുണ്‍ തീരുമാനത്തില്‍ ഉറച്ചുനില്‍ക്കുകയായിരുന്നു. തുടര്‍ന്ന് സിന്ധുബാദ് സെറ്റില്‍ വെച്ച് പല തവണ ഞാന്‍ സൂര്യയോട് ദേശ്യപ്പെട്ട് ബഹളം വെച്ചിട്ടുണ്ട്. എന്നാല്‍ അരുണിന് അവനെ വലിയ കാര്യമായിരുന്നു. സൂര്യയ്ക്ക് തിരിച്ചും അങ്ങനെ തന്നെ, വിജയ് സേതുപതി പറഞ്ഞു. സിന്ധുബാദില്‍ കളളന്മാരായാണ് സേതുപതിയും സൂര്യയും അഭിനയിച്ചിരുന്നത്.

ആക്ഷന്‍ ത്രില്ലര്‍ ചിത്രത്തില്‍

ആക്ഷന്‍ ത്രില്ലര്‍ ചിത്രത്തില്‍ സേതുപതിക്കൊപ്പം മുഖ്യ വേഷത്തിലാണ് സൂര്യ എത്തിയിരുന്നത്. അഞ്ജലി നായികയായി എത്തിയ ചിത്രത്തില്‍ ലിങ്ക, വിവേക് പ്രസന്ന തുടങ്ങിയവരും പ്രധാന കഥാപാത്രങ്ങളെ അനതരിപ്പിച്ചു. യുവന്‍ ശങ്കര്‍രാജയായിരുന്നും സംഗീതം നിര്‍വ്വഹിച്ചിരുന്നത്. സൂപ്പര്‍ ഡീലക്‌സ് എന്ന ചിത്രത്തിന് ശേഷമായിരുന്നു വിജയ് സേതുപതിയുടെ പുതിയ സിനിമ എത്തിയിരുന്നത്.