ഈ ദിവസം സന്തോഷം മാത്രല്ല, ആ നഷ്ടം കൂടെ ഓര്‍മ്മപ്പെടുത്തുന്നു; മോനൂട്ടന്റെ പുനര്‍ജന്മം: ലിന്റു റോണി

ടെലിവിഷന്‍ പ്രേക്ഷകര്‍ക്ക് സുപരിചിതരായ താരമാണ് ലിന്റു റോണി. പരമ്പരകളിലൂടെയാണ് ലിന്റു താരമാകുന്നത്. സ്ത്രീധനത്തിലൂടെയാണ് ലിന്റു ജനപ്രീയമായി മാറുന്നത്. പരമ്പരയില്‍ രഹാന എന്ന കഥാപാത്രത്തെയാണ് ലിന്റു അവതരിപ്പിച്ചത്. ഇപ്പോള്‍ അഭിനയത്തില്‍ നിന്നും വിട്ടു നില്‍ക്കുകയാണ് ലിന്റു. താരം ഭര്‍ത്താവിനോടൊപ്പം ലണ്ടനില്‍ സ്ഥിരതാമസമാക്കിയിരിക്കുകയാണ്.

എങ്കിലും സോഷ്യല്‍ മീഡിയയില്‍ വളരെ സജീവമാണ് ലിന്റു. തന്റെ യൂട്യൂബ് ചാനലിലൂടേയും ഇന്‍സ്റ്റഗ്രാം റീലുകളിലൂടേയുമെല്ലാം സജീവമാണ് ലിന്റു. നിരന്തരം വിശേഷങ്ങള്‍ പങ്കുവെക്കാറുണ്ട് ലിന്റു. താരത്തിന്റെ വീഡിയോകള്‍ വൈറലായി മാറാറുണ്ട്. ഇപ്പോഴിതാ ലിന്റു പങ്കുവച്ച പോസ്റ്റ് സോഷ്യല്‍ മീഡിയയില്‍ വൈറലായി മാറുകയാണ്. വികാരഭരിതമായ കുറിപ്പാണ് താരം പങ്കുവച്ചിരിക്കുന്നത്.

തന്റെ ജന്മദിനത്തെക്കുറിച്ചാണ് ലിന്റു പങ്കുവെക്കുന്നത്. ജൂലൈ നാല് തന്റെ പിറന്നാളും അച്ഛനും അമ്മയുടേയും വിവാഹ വാര്‍ഷിക ദിവസവുമാണെന്ന് ലിന്റു പറയുന്നു. അതേസമയം തന്റെ സഹോദരന്റെ ഓര്‍മ്മകള്‍ കൂടി ഈ ദിവസം തന്നെ തേടിയെത്തുന്നതായി ലിന്റു പറയുന്നു. തന്റെ ആദ്യത്തെ കുഞ്ഞാണ് സഹോദരന്‍ മോനൂസ് എന്നാണ് ലിന്റു നേരത്തെ പറഞ്ഞിട്ടുള്ളത്. നിന്നെ ഓര്‍ക്കാത്ത ഒരു നിമിഷം പോലും ജീവിതത്തില്‍ ഇല്ലെന്നാണ് ലിന്റു പറയുന്നത്. തനിക്ക് ജനിക്കുന്നത് ആണ്‍കുഞ്ഞാണെങ്കില്‍ സഹോദരന്റെ പേരിടുമെന്നും ലിന്റു നേരത്തെ പറഞ്ഞിരുന്നു.

''ജുലൈ 4 എന്നത് ഒരു സ്‌പെഷ്യല്‍ ദിനമാണ്. എന്റെ ജന്മദിനം എന്നതിലുപരിയായി. എന്റെ മാതാപിതാക്കളുടെ വിവാഹ വാര്‍ഷികദിനാണ്. നിര്‍ഭാഗ്യവശാല്‍ ഇത് എന്നെ അഞ്ച് വര്‍ഷം മുമ്പ് ഇതേ ദിവസം ഞങ്ങള്‍ക്ക് നഷ്ടപ്പെട്ട മോനൂസിനെ ഓര്‍മ്മപ്പെടുത്തുന്നു. എന്തിരുന്നാലും ഈ വര്‍ഷം ഞങ്ങള്‍ക്ക് സ്വര്‍ഗത്തില്‍ നിന്നൊരു സെപ്ഷ്യല്‍ സമ്മാനം ലഭിച്ചു. എന്റെ മകന്‍ കുഞ്ഞ് ലെവി. ജീവിതം നമ്മെ വ്യത്യസ്തമായ യാത്രകളിലൂടെ കൊണ്ടു പോകുമ്പോള്‍ എനിക്ക് ജന്മദിനാശംസകള്‍ നേര്‍ന്നവര്‍ക്ക് ഞാന്‍ നന്ദി പറയുന്നു'' ലിന്റു പറയുന്നു.

ഈ യാത്രയിലെല്ലാം എനിക്ക് പിന്നിലെ ശക്തമായ കരുത്തായി, നെടുംതൂണായി നിന്നത് എന്റെ ഭര്‍ത്താവാണ്. അദ്ദേഹത്തിന്റെ സ്‌നേഹവും പിന്തുണയും എന്നെ എല്ലാദിവസവും പ്രചോദിപ്പിക്കുന്നു. റോണി മാത്യു ഈപ്പന്‍, നിങ്ങള്‍ അരികിലുണ്ടായിരിക്കുന്നതില്‍ ഞാന്‍ നന്ദിയുള്ളവളാണ്. എന്നെ ഞാനാക്കിയ എന്റെ മാതാപിതാക്കളോട് നന്ദി പറയുന്നു. സര്‍പ്രൈസ് നല്‍കിയ ട്വിങ്കിളിനും സാനുവിനും നന്ദി.പെട്ടെന്ന് വന്ന് കണ്ട സുഹൃത്തുക്കള്‍ക്കും നന്ദി പറയുന്നതായി ലിന്റു അറിയിച്ചു.

എനിക്കൊപ്പം സമയം ചെലിവിട്ടവര്‍ക്ക് നന്ദി. ജിഷ, ജിത്തു, ജോണ്‍ ആഡം എല്ലാവരുടേയും സ്‌നേഹത്തിന് നന്ദി. എന്റെ ഉയര്‍ത്ത താഴ്ചകളില്‍ ഒപ്പമുണ്ടായിരുന്ന മഞ്ജുവിന് നന്ദി. ഒരു വയസ് കൂടി കൂടുമ്പോള്‍ കൂടുതല്‍ ജ്ഞാനിയാകാനും, നല്ല അമ്മായാകാനും സോഷ്യല്‍മീഡിയയിലടെ എല്ലാവരേയും പ്രചോദിപ്പിക്കാനും സാധിക്കട്ടെ. അടുത്ത വര്‍ഷം കുഞ്ഞ് ലെവി എന്നെ ആശംസിക്കുന്നത് കേള്‍ക്കുന്നതിനായി കാത്തിരിക്കുന്നുവെന്ന് പറഞ്ഞാണ് ലിന്റു കുറിപ്പ് അവസാനിപ്പിക്കുന്നത്.

പിറന്നാള്‍ ആഘോഷത്തില്‍ നിന്നുമുള്ള ചിത്രങ്ങളും ലിന്റു പങ്കുവച്ചിട്ടുണ്ട്. തന്റെ സഹോദരനൊപ്പമുള്ള ചിത്രങ്ങളും താരത്തിന്റെ പോസ്റ്റിലുണ്ട്. താരത്തിന്റെ പോസ്റ്റിന് കമന്റുമായി ധാരാളം പേരാണ് എത്തിയിരിക്കുന്നത്.