വിവാഹമോചനം തരില്ല, ദീലിപിനേയും മഞ്ജുവിനേയും പോലെ ആകാന്‍; പൊരുതി നേടിയ ഡിവോഴ്‌സെന്ന് സാധിക

ഞാന്‍ തീരുമാനം എടുക്കാന്‍ വൈകിയെന്നാണ് പറയുന്നത്. വിവാഹത്തിന് മുമ്പ് തന്നെ എനിക്ക് ഒരു ധാരണയുണ്ടായിരുന്നു. എന്നാല്‍, എല്ലാവരും ചിന്തിക്കുന്നത് പോലെ രണ്ട് സ്ഥലങ്ങളില്‍ നിന്നത് കൊണ്ടാകാം പ്രശ്‌നങ്ങള്‍ എന്നാണ് താന്‍ കരുതിയതെന്നും സാധിക പറയുന്നു. വിവാഹം എന്നത് നൂറ് ശതമാനവും താന്‍ എടുത്ത തീരുമാനം ആയിരുന്നു. അതിനാല്‍ അതിന്റെ മുഴുവന്‍ ഉത്തരവാദിത്തവും തന്റെ തലയിലായിരുന്നു. മറ്റാരേയും തനിക്ക് കുറ്റപ്പെടുത്താന്‍ കഴിയില്ലെന്നും സാധിക പറയുന്നു.

ആ ഒരു വര്‍ഷം ആ വ്യക്തി എന്തായിരുന്നുവോ അതായിരുന്നില്ല ഒരുമിച്ച് കഴിഞ്ഞപ്പോള്‍ എന്നാണ് സാധിക അഭിപ്രായപ്പെടുന്നത്. ഒരു പേപ്പറില്‍ ഒപ്പിടുന്നതോടെ മൊത്തത്തില്‍ മാറുകയായിരുന്നുവെന്നും പിന്നെ ഒരുപാട് നിയമങ്ങളും കാര്യങ്ങളും വന്നുവെന്നും നടി പറയുന്നു. എന്നാല്‍ വിവാഹം കഴിയുമ്പോള്‍ മാറും എന്നായിരുന്നു ആദ്യം കരുതിയിരുന്നത്. തന്ഞറെ സുഹൃത്തുവഴി വന്ന ബന്ധമായിരുന്നു. വീട്ടില്‍ സംസാരിച്ചപ്പോള്‍ അവര്‍ ഓക്കെ പറഞ്ഞു. പിന്നീട് ഒരു വര്‍ഷം തങ്ങള്‍ സംസാരിച്ചുവെന്നും പരസ്പരം ഓക്കെ ആണെന്ന് ബോധ്യമായപ്പോഴാണ് ഈ ബന്ധം മതിയെന്ന് പറഞ്ഞതെന്നും സാധിക പറയുന്നു.

ഞാന്‍ ഡിവോഴ്‌സ് തരില്ലെന്നായിരുന്നു ആ വ്യക്തി എപ്പോഴും പറഞ്ഞിരുന്നത്. ദിലീപിനേയും മഞ്ജുവിനേയും പോലെ ആകാന്‍ ശ്രമിക്കുകയാണെന്നും പറയുമായിരുന്നു. ഇത് ഇടയ്ക്കിടെ പറയുമായിരുന്നു. എന്ത് ചെയ്താലും വിവാഹമോചനം തരില്ലെന്നായിരുന്നു ആ വ്യക്തിയുടെ നിലപാടെന്നും താരം പറയുന്നു. ഒരു ബന്ധവും തുടങ്ങുന്നത് വേര്‍പിരിയാന്‍ വേണ്ടിയിട്ടല്ല. ജീവിതകാലം മുഴുവന്‍ കൂടെ നില്‍ക്കാനാണ്. അതിനാല്‍ കൂടെ നില്‍ക്കാന്‍ താന്‍ മാക്‌സിമം അഡ്ജസ്റ്റ് ചെയ്യുമായിരുന്നുവെന്നും സാധിക ഓര്‍ക്കുന്നു. കരിയറിലെ പീക്കിലെത്തി നില്‍ക്കെയായിരുന്നു തന്റെ വിവാഹം. പിന്നീട് വന്ന അവസരം എല്ലാം ഒഴിവാക്കി ജീവിതത്തിന് വേണ്ടി നിന്നയാളാണ് താനെന്നും താരം പറയുന്നു.

നാളുകള്‍ക്ക് ശേഷം ഡിംപലും മണിക്കുട്ടനും ഒരു ഫ്രെയിമില്‍; കാത്തിരിക്കാന്‍ വയ്യെന്ന് ആരാധകര്‍...

Recommended Video

Fraud happening through fake accounts in my name says actress Sadhika Venugopal

അഭിനയവും ജീവിതവും ഒരുമിച്ച് കൊണ്ടു പോകാന്‍ സാധിക്കില്ലെന്നത് കൊണ്ടായിരുന്നു കുടുംബജീവിതം മതിയെന്ന തീരുമാനത്തിലേക്ക് എത്തിയത്. ഇതോടെ കുക്കറി ഷോ മാത്രമായി ചെയ്യുന്നത്. ആദ്യമൊക്കെ അഡ്ജസ്റ്റ് ചെയ്തിരുന്നുവെങ്കിലും താന്‍ ഡൗണ്‍ ആയപ്പോള്‍ ആള് തന്നെ പിന്തുണച്ചില്ലെന്നും സാധിക പറയുന്നു. ഒരു വിവാഹ ബന്ധത്തില്‍ വേണ്ടത് സ്‌നേഹവും കരുതലുമാണ്. ഇടയ്‌ക്കൊരു പരുക്ക് പറ്റിയപ്പോള്‍ പോലും പിന്തുണച്ചില്ലെന്നും അപ്പോള്‍ എന്തിനാണ് ഒരാള്‍ കൂടെ എന്ന് താന്‍ ചിന്തിച്ചുവെന്നും അങ്ങനെയാണ് ഒറ്റയ്ക്ക് മതിയെന്ന് തീരുമാനിക്കുന്നതെന്നും സാധിക പറയുന്നു.