കല്യാണം ആരോടും പറഞ്ഞില്ല, മൂകാംബികയ്ക്ക് പോകുന്നുവെന്നാണ് പറഞ്ഞത്; കാരണം പറഞ്ഞ് യമുന

അങ്ങനെ ദേവേട്ടന്‍ ഒരാഴ്ചയ്ക്ക് മുന്നേയാണ് പറയുന്നത് ഇന്ന ദിവസം കെട്ടാമെന്ന്. ഞാന്‍ ലൊക്കേഷനിലല്ലേ. തിയ്യതി അടുത്തപ്പോഴേക്കും ഞാന്‍ സംവിധായകനോട് മക്കളേയും കൊണ്ട് മൂകാംബികയ്ക്ക് പോകണം തൊഴാന്‍ എന്ന് പറഞ്ഞു. അവര്‍ക്കും വെക്കേഷനാണ് രണ്ട് ദിവസം ഗ്യാപ്പ് കിട്ടിയാല്‍ നന്നായിരിക്കുമെന്ന് പറഞ്ഞു. അങ്ങനെ അഡജ്സ്റ്റ് ചെയ്ത് ഒപ്പിച്ചു.

അവര്‍ പോലും ഞെട്ടിപ്പോയി. ഞാന്‍ കല്യാണം കഴിഞ്ഞ് സെറ്റില്‍ വന്ന് ഇരിക്കുകയാണ്. അപ്പോഴും ആരും അറിഞ്ഞിട്ടില്ല. പത്ത് മണിയായപ്പോള്‍ യൂട്യൂബ് ചാനലുകൡ വന്നു തുടങ്ങി. യമുന ചേച്ചി ഇതെന്താണെന്ന് ചോദ്യം വന്നു തുടങ്ങ. കോളുകളും വന്നു തുടങ്ങി. അങ്ങനെയാണ് അറിയുന്നത്. അവര്‍ക്കെല്ലാം സര്‍പ്രൈസായി. പിന്നെ ആലോചിക്കുമ്പോള്‍ അതൊക്കെ രസമാണ്. ജീവിതത്തില്‍ ചില ചലഞ്ചുകളൊക്കെ വേണ്ടേ.

നമ്മളുടെ ജീവിതമാണ്. നമ്മളുടെ ചോയ്‌സ്. ചുറ്റും നില്‍ക്കുന്ന ആരും ഒന്നും കൊണ്ടു തരാന്‍ പോകുന്നില്ല. കൊവിഡ് സമയത്ത് ഞാനും എന്റെ മക്കളുമായി ഒതുങ്ങിക്കൂടിയ സമയത്ത് ഒരാള്‍ പോലും വിളിച്ച് നിങ്ങള്‍ ആഹാരം കഴിച്ചോ എന്ന് ചോദിച്ചിട്ടില്ല. കോടികള്‍ സമ്പാദിച്ചുവച്ചവര്‍ പോലും തകര്‍ന്നു പോയി. എത്രയോ പേര്‍ ആത്മഹത്യ ചെയ്തു. ഈ ഇന്‍ഡസ്ട്രിയില്‍ നമ്മളെ പോലൊരാള്‍ സര്‍വൈസ് ചെയ്തുവെന്നത് വലിയ കാര്യമാണ്.

ഇന്‍ഡസ്ട്രിയില്‍ വലിയ സൗഹൃദങ്ങളില്ല. എന്താവാശ്യത്തിനും വിളിക്കുന്നവരുണ്ട്. പക്ഷെ ആഴത്തിലുള്ള സൗഹൃദങ്ങളില്ല ഇന്‍ഡസ്ട്രിയിലെന്നും യമുന പറയുന്നുണ്ട്. രണ്ടു വര്‍ഷം മുന്‍പ് ആയിരുന്നു യമുനയുടെ രണ്ടാം വിവാഹം. ആദ്യ വിവാഹത്തില്‍ ജനിച്ച രണ്ട് പെണ്‍മക്കളുടെ സാന്നിധ്യത്തിലായിരുന്നു യമുന വീണ്ടും വിവാഹിതയായത്. യമുന തന്നെയാണ് വിവാഹ വിശേഷം പുറംലോകത്തെ അറിയിച്ചത്. സോഷ്യല്‍ മീഡിയയിലൂടെ തന്റെ ഭര്‍ത്താവ് ദേവനെ പരിചയപ്പെടുത്തുകയും ചെയ്തിരുന്നു.

അതേസമയം, ഇന്ന് യമുനയെ പോലെ തന്നെ പ്രേക്ഷകർക്ക് സുപരിചിതനാണ് ദേവനും. ഈയ്യടുത്ത് അവസാനിച്ച സീ കേരളം ചാനലിൽ സംപ്രേക്ഷണം ചെയ്തിരുന്ന ഞാനും എന്റാളും എന്ന ഷോയില്‍ മത്സരാർത്ഥികളായി ദേവനും യമുനയും എത്തിയിരുന്നു. ഇതോടെയാണ് ദേവനും പ്രേക്ഷകരുടെ പ്രിയങ്കരനായത്. മിനിസ്‌ക്രീനിലെ താരങ്ങൾ തങ്ങളുടെ പങ്കാളികൾക്കൊപ്പം പങ്കെടുക്കുന്ന ഷോയിലെ മികച്ച കപ്പിൾ ആയിരുന്നു ഇവർ.

നേരത്തെ, ഷോയില്‍ വച്ച് തന്നെ തങ്ങളുടെ വിവാഹത്തെ കുറിച്ച് യമുനയും ദേവനും സംസാരിച്ചിരുന്നു. ഒരു സ്ഥലക്കച്ചവടവുമായി ബന്ധപ്പെട്ടാണ് ദേവനും യമുനയും പരസ്പരം കണ്ടുമുട്ടുന്നത്. തുടർന്നുള്ള സൗഹൃദം വിവാഹത്തിലേക്ക് എത്തുകയായിരുന്നു. അതേസമയം, ഒരു മുട്ടക്കറിയാണ് തന്നെ വീഴ്ത്തിയത് എന്ന് ദേവൻ തമാശയായി ഒരിക്കല്‍ ദേവന്‍ പറഞ്ഞതും വെെറലായിരുന്നു. സീരിയല്‍ രംഗത്ത് സജീവ സാന്നിധ്യമായി തുടരുകയാണ് യമുന.