പ്രണയിച്ച് തീരാതെ ഋഷിയും സൂര്യയും, പരക്കം പാഞ്ഞ് റാണിയമ്മയും സംഘവും

ഋഷിയെ മിത്ര എന്ന ബന്ധുവായ പെൺകുട്ടിയെ കൊണ്ട് വിവാഹം കഴിപ്പിക്കാനുള്ള ഒരുക്കങ്ങളും നടക്കുന്നുണ്ട്. സൂര്യയെ കഴി‍ഞ്ഞ ദിവസം സാബ എന്ന ​ഗുണ്ടയുടെ നേതൃത്വത്തിലുള്ള സംഘം തട്ടികൊണ്ടുപോയിരുന്നു. അവിടെയും രക്ഷകനായി സൂര്യയ്ക്ക് മുമ്പിൽ എത്തിയത് ഋഷിയായിരുന്നു. സാബുവു സംഘവും എല്ലായിടത്തും ഋഷിക്കും സൂര്യയ്ക്കും വേണ്ടി തിരച്ചിൽ നടത്തുന്നതിനാൽ വീട്ടിൽ പോകാൻ കഴിയാതെ സൂര്യയേയും കൊണ്ട് ഒളിച്ചുതാമസിക്കുകയാണ് ഋഷി. സൂര്യയെ രക്ഷിച്ച് മടങ്ങും വഴി ഋഷി സൂര്യയോടുള്ള പ്രണയം തുറന്നുപറയുകയും സൂര്യ അത് സ്വീകരിക്കുകയും ചെയ്തിരുന്നു. ഇരുവരുടേയും പ്രണയരം​ഗങ്ങളാണ് ഇപ്പോൾ സീരിയലിന്റെ പ്രധാന പ്രത്യേകത. സൂര്യയും ഋഷിയും ജോഡികളാണെങ്കിലും ഇവരെ ഒന്ന് ഒരുമിച്ച് കാണാൻ പോലും കിട്ടുന്നില്ല എന്ന പരാതിയായിരുന്നു നേരത്തെ സീരിയലിന്റെ ആരാധകർക്ക് ഉണ്ടായിരുന്നത്. ആ പരാതികളെല്ലാം പരിഹരിച്ച് കൊണ്ടുള്ള എപ്പിസോഡുകളാണ് ഇപ്പോൾ സംപ്രേഷണം ചെയ്യുന്നത്.

സീരിയലിന്റെ ഏറ്റവും പുതിയ പ്രമോയിൽ ആവണിപുരത്തെ ഹോംസ്റ്റേയിൽ ഒളിച്ച് താമസിക്കുന്ന ഋഷിയും സൂര്യയുമാണുള്ളത്. കൂടാതെ ഇവരെ അന്വേഷിച്ച് പരക്കം പായുന്ന റാണിയമ്മയേയും സംഘത്തേയും കാണാം. ഇരുവരേയും എത്രയും വേ​ഗം കണ്ടെത്താനുള്ള നിർദേശങ്ങളാണ് തന്റെ ശിങ്കിടികൾക്ക് റാണിയമ്മ നൽകുന്നത്. സൂര്യയെ പൂർണമായും ഋഷിയുടെ ജീവിതത്തിൽ നിന്നും ഒഴിവാക്കുകയാണ് റാണിയമ്മയുടെ ലക്ഷ്യം. ഋഷിയുടെ കാർ കാട്ടിലുപേക്ഷിച്ച നിലയിൽ സാബുവും സംഘവും കണ്ടെത്തിയിരുന്നു. അതിനാൽ ഇരുവരും ഒരുമിച്ചായിരിക്കും രക്ഷപ്പെട്ടത് എന്നുള്ള നി​ഗമനത്തിലാണ് റാണിയമ്മയും.

Recommended Video

ലാലേട്ടന്റെ മാസ്സ് ഡയലോഗുമായി എലോണ്‍ ടീസര്‍ പുറത്ത്‌

അതേസമയം ഏറെനാൾ മനസ് തുറന്ന് ഒന്ന് സംസാ​രിക്കാൻ പോലും കഴിയാതെ പ്രണയം ഉള്ളിൽ സൂക്ഷിച്ചിരുന്നവരുടെ സ്നേഹപ്രകടനമല്ല ഇപ്പോൾ കൂടെവിടെയിൽ കാണിക്കുന്നതെന്നും ഋഷിയുടേയും സൂര്യയുടേയും സ്നേഹപ്രകടനം ഹണിമൂണിന് പോയ ദമ്പതികളുടേതിന് തുല്യമാണെന്നുമെല്ലാമാണ് കമന്റുകൾ വരുന്നത്. പ്രേക്ഷകർക്ക് ഇപ്പോൾ കാണിക്കുന്ന എപ്പിസോഡുകളിൽ തൃപ്തി കുറവുണ്ടെന്നാണ് സീരിയലിന്റെ പ്രമോകൾക്ക് ലഭിച്ച കമന്റിൽ നിന്നും വ്യക്തമാകുന്നത്. സൂര്യ ഋഷി കഥാപാത്രങ്ങളുടെ യഥാർഥ സ്വഭാവം പോലും ഇല്ലാതാക്കിയാണ് സീരിയൽ ഇപ്പോൾ സഞ്ചരിക്കുന്നത് എന്നാണ് ചിലർ കമന്റായി കുറിച്ചത്. കൂടാതെ സീരിയലിൽ കൊണ്ടുവരേണ്ട മാറ്റങ്ങളെ കുറിച്ചും ആരാധകർ കമന്റ് ബോക്സിൽ എഴുതിയിട്ടുണ്ട്. അൻഷിതയാണ് സൂര്യയെന്ന പെൺകുട്ടിയായി അഭിനയിച്ചിരിക്കുന്നത്. സീത അടക്കമുള്ള സീരിയലുകളിലൂടെ പ്രേക്ഷകർക്ക് സുപരിചിതനായ ബിപിൻ ജോസാണ് ഋഷിയായി അഭിനയിക്കുന്നത്. നേരത്തെ നടൻ കൃഷ്ണകുമാറും സീരിയലിന്റെ ഭാ​ഗമായിരുന്നു. പിന്നീട് പല കാരണങ്ങളാൽ അദ്ദേഹം സീരിയലിൽ നിന്ന് പിന്മാറി. ആദിത്യൻ എന്ന കഥാപാത്രത്തെയാണ് അദ്ദേഹം അവതരിപ്പിച്ചിരുന്നത്. 250 എപ്പിസോഡുകളോട് അടുക്കുകയാണ് ഇപ്പോൾ കൂടെവിടെ സീരിയൽ.