റേറ്റിംഗില്‍ മുന്നില്‍ കുടുംബവിളക്ക് തന്നെ; ഫിറോസ് സജ്‌ന പുറത്താകലും ബിഗ് ബോസിനെ സഹായിച്ചില്ല

പട്ടികയില്‍ ഈ ആഴ്ചയും ഒന്നാമതുള്ളത് കുടുംബവിളക്കാണ്. കഴിഞ്ഞ ആഴ്ച നടന്ന വേദികയും സിദ്ധാര്‍ത്ഥും തമ്മിലുള്ള വിവാഹമാണ് കുടുംബ വിളക്കിനെ ഒന്നാമത് എത്തിച്ചത്. ആ സ്ഥാനം നിലനിര്‍ത്താന്‍ ഈ ആഴ്ചയും കുടുംബവിളക്കിന് സാധിച്ചിട്ടുണ്ട്. ശീതള്‍ നേരിടുന്ന പ്രശ്‌നങ്ങളിലൂടെ കടന്നു പോവുകയാണ് പരമ്പര ഇപ്പോള്‍. തീര്‍ത്തും വ്യത്യസ്തമായ പാതയിലൂടെയാണ് കുടുംബ വിളക്ക് നീങ്ങുന്നത്.

കുടുംബവിളക്കുമായി ശക്തമായ പോരാട്ടം കാഴ്ചവെക്കുന്ന പരമ്പരയാണ് സാന്ത്വനം. എന്നാല്‍ ഈ ആഴ്ചയും ഒന്നാം സ്ഥാനത്തേക്ക് എത്താന്‍ സാന്ത്വനത്തിന് സാധിച്ചില്ല. അതേസമയം യുവാക്കളെ പോലും ആകര്‍ഷിച്ച പരമ്പര കഴിഞ്ഞ ദിവസങ്ങളില്‍ കൂടുതല്‍ രസകരമായി മാറിയിട്ടുണ്ട്. അഞ്ജുവിനെ വണ്ടിയോടിക്കാന്‍ ശിവന്‍ പഠിപ്പിക്കുന്നതാണ് ഇപ്പോള്‍ പ്രധാന ഇതിവൃത്തം. ഈ രസകരമായ രംഗങ്ങള്‍ സാന്ത്വനത്തെ വരും ദിവസങ്ങളില്‍ മുന്നോട്ട് കൊണ്ടു വരുമെന്നാണ് പ്രതീക്ഷിക്കുന്നത്.

കുടുംബ വിളക്കിനും സാന്ത്വനത്തിനും പിന്നാലെ മൗനരാഗമാണ് മൂന്നാം സ്ഥാനത്തുള്ളത്. പോയ ആഴ്ചയും മൗനരാഗം മുന്‍പന്തിയില്‍ തന്നെയുണ്ടായിരുന്നു. വമ്പന്‍ ട്വ്വിസ്റ്റുകളിലൂടെയാണ് മൗനരാഗം കടന്നു പോകുന്നത്. വിക്രമിന്റെ ചതി സോണിയയുടെ അമ്മ തിരിച്ചറിഞ്ഞിരിക്കുകയാണ്. അതിനാല്‍ ഇനിയെന്താണ് സംഭവിക്കുക എന്ന ആകാംഷയിലാണ് പ്രേക്ഷകര്‍. പോയ വാരം ആദ്യ അഞ്ചിലുണ്ടായിരുന്ന പാടാത്ത പൈങ്കിളി ഈ ആഴ്ച പിന്നോട്ട് പോയിട്ടുണ്ട്.

Recommended Video

സൂര്യയെ കുറിച്ച് നാട്ടുകാർ പറയുന്നത് ഇങ്ങനെ | Manikuttan Surya | Public Reaction | Filmibeat

നാലും അഞ്ചും സ്ഥാനത്തുള്ളത് കൂടെവിടെയും അമ്മ അറിയാതെയുമാണ്. കൂടെവിടെയുടെ മുന്നേറ്റം ശ്രദ്ധേയമാണ്. സൂര്യയ്‌ക്കെതിരെയുള്ള തെറ്റിദ്ധാരണയുമായി കഴിയുന്ന ഋഷിയും അദ്ദേഹത്തെ തിരുത്താന്‍ സൂര്യ നടത്തുന്ന ശ്രമങ്ങളിലേക്കുമാണ് കൂടെവിടെ ഇപ്പോള്‍ ശ്രദ്ധ കേന്ദ്രീകരിക്കുന്നത്. അതേസമയം സച്ചിയുടെ എല്ലാ തന്ത്രങ്ങളേയും നിലംപരിശാക്കുകയാണ് അമ്മയറിയാതെയില്‍ അലീന. അതാണ് പരമ്പരയെ ടോപ്പ് ഫൈവില്‍ നിലനിര്‍ത്തുന്നത്.