സീസണ്‍ 3 അത്ര പോര, ട്രിക്ക് ചോദിച്ച് ആരെങ്കിലും വന്നോ? മറുപടികളുമായി ആര്യ

ബിഗ് ബോസ് മലയാളം സീസണ്‍ 3 കാണാറുണ്ടോ എന്നായിരുന്നു ഒരാളുടെ ചോദ്യം. ഉണ്ടെന്ന് ആര്യ മറുപടി നല്‍കി. ബിഗ് ബോസ് ഹിന്ദിയുടേയും ഫാനാണ് താനെന്നും ആര്യ പറയുന്നുണ്ട്. കഴിഞ്ഞ ദിവസം ബിഗ് ബോസ് ഹിന്ദി സീസണ്‍ 14ന്റെ വിജയിയെ പ്രഖ്യാപിച്ചിരുന്നു. ഇതിനെ കുറിച്ചും ആര്യ നേരത്തെ ഇന്‍സ്റ്റഗ്രാമിലൂടെ പ്രതികരിച്ചിരുന്നു.

അതേസമയം ബിഗ് ബോസ് മലയാളം സീസണ്‍ 3 ആരംഭിച്ചപ്പോള്‍ ആരെങ്കിലും ആര്യയുടെ അടുത്ത് ട്രിക്കുകള്‍ ചോദിച്ചു വന്നിരുന്നുവോ എന്നായിരുന്നു മറ്റൊരാള്‍ക്ക് അറിയേണ്ടിയിരുന്നത്. എ്‌നനാല്‍ ആരും വന്നില്ല. ഞങ്ങള്‍ അങ്ങനെ ചെയ്യാറില്ലെന്നായിരുന്നു ആര്യയുടെ മറുപടി. അത്തരത്തില്‍ ചിന്തിക്കരുത്. ബിഗ് ബോസ് വീട്ടില്‍ ഒരു ട്രിക്കും വര്‍ക്കാകില്ലെന്നും ആര്യ തറപ്പിച്ചു പറയുന്നു.

പിന്നേയും ധാരാളം ചോദ്യങ്ങളുണ്ടായിരുന്നു ആരാധകര്‍ക്ക്. ബിഗ് ബോസ് മലയാളം സീസണ്‍ 2വില്‍ ആര്യയുടെ കൂടെയുണ്ടായിരുന്ന ഫുക്രിവിനെ കുറിച്ച് എന്താണ് പറയാനുള്ളതെന്നായിരുന്നു അടുത്ത ചോദ്യം. നല്ല അസല്‍ തല തെറിച്ചവന്‍ എന്നായിരുന്നു ആര്യ നല്‍കിയ രസകരമായ മറുപടി. സീസണ്‍ 2വിലെ ഏറ്റവും ഇഷ്ടപ്പെട്ട മത്സരാര്‍ത്ഥി ആരെന്ന ചോദ്യത്തിന് ഞാന്‍ തന്നെയെന്നായിരുന്നു ആര്യയുടെ മറുപടി.

സീസണ്‍ 2 അടിപൊളിയായിരുന്നുവെന്നും എന്നാല്‍ സീസണ്‍ 3 അത്ര പോരെന്നുമായിരുന്നു മറ്റൊരാള്‍ പറഞ്ഞത്. ഇതിനും ആര്യയ്ക്ക് വ്യക്തമായ ഉത്തരമുണ്ട്. തുടങ്ങിയിട്ടല്ലേയുള്ളൂ, ഒരാഴ്ചയല്ലേ ആയുള്ളൂ. ഒരുപാട് പോകാനുണ്ട്. കുറച്ച് സമയം കൊടുക്കൂ. എന്നായിരുന്നു ആര്യ നല്‍കിയ മറുപടി.

സീസണ്‍ 2വിലെ ഏറ്റവും പ്രിയപ്പെട്ട ഓര്‍മ്മ എന്തെന്നു ചോദിച്ചപ്പോള്‍ ഒരുപാടുണ്ട്. എങ്കിലും ഏറ്റവും പ്രിയപ്പെട്ട ഓര്‍മ്മ ഖുഷിയുടെ വീഡിയോ പ്ലേ ചെയ്തതാണെന്നായിരുന്നു ആര്യയുടെ ഉത്തരം.

Bigg Boss Malayalam : അമിട്ട് പൊട്ടിച്ച് മിഷേൽ.. ഇനി അടിയുടെ പൂരം

സീസണ്‍ 2വില്‍ കൂടെയുണ്ടായിരുന്ന എല്ലാവരും നല്ല സുഹൃത്തുക്കളായിരുന്നുവെന്നും എന്നാല്‍ ഏറ്റവും അടുത്ത സുഹൃത്ത് വീണയാണെന്നും ആര്യ പറഞ്ഞു. താരത്തിന്റെ മറുപടികള്‍ സോഷ്യല്‍ മീഡിയയുടെ ശ്രദ്ധ നേടുകയാണ്. ബിഗ് ബോസിന് പുറമെയുള്ള ചോദ്യങ്ങള്‍ക്കും ആര്യ മറുപടി നല്‍കുന്നുണ്ട്. അതേസമയം, മേപ്പടിയാന്‍ എന്ന ചിത്രത്തിലാണ് ആര്യ ഇപ്പോള്‍ അഭിനയിക്കുന്നത്. സ്റ്റാര്‍ട്ട് മ്യൂസിക് എന്ന പരിപാടിയുടെ അവതാരകയുമാണ്.