സുഹൃത്തിന്റെ ജ്വല്ലറിയില്‍ നിന്നുമെടുത്ത സ്വര്‍ണമാണ്, പേടിച്ചിട്ടല്ല പോസ്റ്റ് നീക്കിയത്; മറുപടിയുമായി വീണ

ധാരാളം ആഭരണങ്ങള്‍ അണിഞ്ഞു കൊണ്ട് നില്‍ക്കുന്ന വീണയുടെ ചിത്രങ്ങളായിരുന്നു സോഷ്യല്‍ മീഡിയ ചൂണ്ടിക്കാണിച്ചത്. ഇതോടെ വീണ തന്റെ കുറിപ്പ് പിന്‍വലിക്കുകയായിരുന്നു. എന്നാല്‍ പിന്നീട് ലൈവിലെത്തി താന്‍ പോസ്റ്റ് പിന്‍വലിച്ചതിന്റെ കാരണവും വിവാഹത്തെ കുറിച്ചുമെല്ലാം വീണ ലൈവിലൂടെ വിശദമാക്കുകയായിരുന്നു. കുറിപ്പ് പിന്‍വലിച്ചത് ആരേയും പേടിച്ചിട്ടില്ലെന്ന് വീണ പറഞ്ഞു. മറ്റ് വിഷയങ്ങളുമായി ബന്ധപ്പെട്ട് ഇതിലും വലിയ ഭീഷണി ഇതിന് മുമ്പും ഉണ്ടായപ്പോള്‍ പോസ്റ്റ് പിന്‍വലിച്ചിട്ടില്ലെന്നും താരം പറഞ്ഞു.

തന്റെ മകനെ കുറിച്ച് കമന്റുകള്‍ വന്നതോടെയാണ് പോസ്റ്റ് നീക്കം ചെയ്തതെന്നാണ് വീണ പറഞ്ഞത്. വിവാഹത്തിന് 44 ദിവസം മുമ്പ് അച്ഛനും ആറ് മാസം മുമ്പ് അമ്മയും മരിച്ചു. സ്വന്തമായി അധ്വാനിച്ച് ഉണ്ടാക്കിയ കുറച്ച് സ്വര്‍ണമായിരുന്നു തനിക്കുണ്ടായിരുന്നതെന്നും വീണ പറഞ്ഞു. അച്ഛന്റേയും അമ്മയുടേയും ആഗ്രഹവും അന്നത്തെ നാട്ടുനടപ്പും കാരണം ഒരുപാട് സ്വര്‍ണം ധരിക്കണമെന്ന് തനിക്കുണ്ടായിരുന്നുവെന്നും താരം വ്യക്തമാക്കുന്നു.

അതിനായി സുഹൃത്തിന്റെ ജ്വല്ലറിയില്‍ നിന്നും ഒരു ദിവസത്തേക്കായി സ്വര്‍ണം എടുത്തതായിരുന്നുവെന്നാണ് വീണ പറുന്നത്. ഇക്കാര്യം ഭര്‍ത്താവിന്റെ വീട്ടുകാര്‍ക്കും അറിയാം. അന്നത്തെ തന്റെ ഭ്രമം കൊണ്ടാണ് അങ്ങനെ ചെയ്തത്. അതിലിപ്പോള്‍ പശ്ചാത്താപമുണ്ട്. ഏഴ് വര്‍ഷം കൊണ്ട് തനിക്ക് മാറ്റം വന്നിട്ടുണ്ട്. സ്വര്‍ണം ചോദിച്ച് വരുന്ന പുരുഷന്മാരെ പെണ്‍കുട്ടികള്‍ വേണ്ടെന്ന് തന്നെ പറയണമെന്നാണ് തന്റെ നിലപാടെന്ന് വീണ വ്യക്തമാക്കുകയും ചെയ്തു. താരത്തിന്റെ വീഡിയോയ്ക്ക് സോഷ്യല്‍ മീഡിയയില്‍ നിന്നും പിന്തുണ ലഭിക്കുന്നുണ്ട്.

Recommended Video

ബിഗ്‌ബോസിനെ പറ്റി വീണക്ക് പറയാനുള്ളത് | Veena Nair Exclusive Interview | Oneindia Malayalam

പെണ്‍കുഞ്ഞുങ്ങളെ പഠിക്കാന്‍ അനുവദിക്കൂ. യാത്ര ചെയ്യാന്‍ അനുവദിക്കൂ. സഹിക്കൂ, ക്ഷമിക്കൂ എന്നു പറഞ്ഞ് പഠിപ്പിക്കലല്ല വേണ്ടത്. ഉള്ളതും ഇല്ലാത്തതുമായ പണം കൊണ്ട് സ്വര്‍ണവും പണവും ചേര്‍ത്ത് കൊടുത്തയക്കല്‍ തെറ്റാണെന്ന് എത്ര തവണ പറയണം. പ്രിയപ്പെട്ട പെണ്‍കുട്ടികളെ കല്യാണത്തിനായി സ്വര്‍ണം വാങ്ങില്ലെന്ന് നിങ്ങള്‍ പറയൂ. സ്ത്രീധനം ചോദിക്കുന്നവരെ ജീവിതത്തില്‍ വേണ്ടെന്ന് പറയൂ. പഠിപ്പും ജോലിയും പിന്നെ അതിലേറെ സന്തോഷവും സമാധാനവുമാണ് വലുതെന്ന് പറയൂ. കല്യാണമല്ല ജീവിതത്തിന്റെ ഒരേയൊരു ലക്ഷ്യം. എന്നായിരുന്നു വീണ പിന്‍വലിച്ച കുറിപ്പ്.