'ബിഗ് ബോസിലെ ചങ്കുകള്‍'; മണിക്കുട്ടനും സായിയും; ജയിച്ചാല്‍ എന്ത് പറയും? അനൂപ് പറയുന്നു

മണിക്കുട്ടനുമായുള്ള സൗഹൃദത്തെ കുറിച്ച് എന്തെങ്കിലും പറയണമെന്ന ചോദ്യത്തിന് മണിക്കുട്ടനൊപ്പമുള്ള ചിത്രമായിരുന്നു അനൂപ് നല്‍കിയ മറുപിട. തങ്ങള്‍ സഹോദരന്മാരാണെന്നും താരം കുറിച്ചു. ലോക്ക്ഡൗണ്‍ കഴിഞ്ഞാല്‍ പോകാന്‍ ആഗ്രഹമുള്ളൊരു ഇടത്തെ കുറിച്ചുള്ള ചോദ്യത്തിന് അമ്പലം എന്നായിരുന്നു അനൂപിന്റെ മറുപടി. മറ്റൊരു ആരാധകന്റെ ചോദ്യം സായ് വിഷ്ണുവിനെ കുറിച്ചായിരുന്നു. സായിയെ കുറിച്ച് എന്താണ് അഭിപ്രായം എന്നായിരുന്നു ചോദ്യം.

സായിയുമായുള്ള വാട്‌സ്്ആപ്പ് ചാറ്റിന്റെ സ്‌ക്രീന്‍ഷോട്ടായിരുന്നു അനൂപ് മറുപടിയായി പങ്കുവച്ചത്. ഡാ താടി എന്ന തന്റെ മെസേജും ഇതിന് സായ് നല്‍കിയ മുത്തേ എന്ന മറുപടിയുമായിരുന്നു സ്‌ക്രീന്‍ഷോട്ടിലുണ്ടായിരുന്നത്. ബിഗ് ബോസ് മിസ് ചെയ്യുന്നുണ്ടെന്നും അനൂപ് പറഞ്ഞു. കിടിലം ഫിറോസിനെ കുറിച്ച് പറയാന്‍ പറഞ്ഞപ്പോള്‍ ഇക്ക എന്നായിരുന്നു അനൂപിന്റെ മറുപടി. ബിഗ് ബോസില്‍ വച്ച് ഇഷയ്ക്ക് നല്‍കിയ ബര്‍ത്ത് ഡേ സര്‍പ്രസ് ചേച്ചിയ്ക്ക് ഇഷ്ടമായോ എന്നായിരുന്നു മറ്റൊരാള്‍ക്ക് അറിയാനുണ്ടായിരുന്നത്. ഇഷ്ടായി ഇഷ്ടായി എന്നായിരുന്നു അനൂപിന്റെ ഉത്തരം.

ഇഷ്ടപ്പെട്ട നടന്‍ മോഹന്‍ലാല്‍ ആണെന്നും നടി മഞ്ജു വാര്യര്‍ ആണെന്നും അനൂപ് പറയുന്നുണ്ട്. സീരിയല്‍ താരങ്ങളായി ശ്രീറാം രാമചന്ദ്രന്‍, സൂരജ് സണ്‍ എന്നിവരെ കുറിച്ചും അനൂപ് സംസാരിക്കുന്നുണ്ട്. ധന്യയെക്കുറിച്ച് ചോദിച്ചപ്പോള്‍ സുന്ദരിയും സുശീലയും സര്‍വോപരി സുഭാഷിണിയും എന്നായിരുന്നു അനൂപ് നല്‍കിയ മറുപടി. ബിഗ് ബോസ് വിജയിക്കുകയാണെങ്കില്‍ പ്രേക്ഷകരോട് എന്താകും പറയുക എന്നായിരുന്നു മറ്റൊരാളുടെ ചോദ്യം.

Recommended Video

bigg boss malayalam season 3: fans requested to asianet for conduct soon grand finale

ജീവിതം കൊണ്ട് നന്ദി പറയും എന്നായിരുന്നു ഇതിന് അനൂപ് നല്‍കിയ മറുപടി. വാക്കുകളേക്കാള്‍ പ്രവൃത്തി കൊണ്ട് തെളിയിക്കുമെന്നും അനൂപ് വ്യക്തമാക്കി. പിന്നേയും ആരാധകരുടെ നിരവധി ചോദ്യങ്ങള്‍ക്ക് അനൂപ് മറുപടി നല്‍കുന്നുണ്ട്. മയിലിനെ ഉണ്ടാക്കുന്ന വീഡിയോ പങ്കുവെക്കുമോ എന്ന് ചോദിച്ചയാള്‍ക്ക് മയിലിന് പകരം പ്രാവിനെ ഉണ്ടാക്കിയത് കാണിച്ചു കൊടുക്കുകയും ചെയ്തു അനൂപ്. വര്‍ഷങ്ങള്‍ക്ക് മുമ്പ് ബാലചന്ദ്രമേനോനൊടൊപ്പം എടുത്ത ചിത്രവും താരം പങ്കുവച്ചിട്ടുണ്ട്. ഈ ചിത്രം സംവിധായകനും ഷെയര്‍ ചെയ്തിട്ടുണ്ട്.