റിതുവിന്റെ യക്ഷി അത്ര പോരെന്ന് ഭാനുവും രമ്യയും; ഇതിന്റെ പേരാണ് അസൂയ എന്ന് പ്രേക്ഷകര്‍, ട്രോള്‍ പൂരം

എന്നാല്‍ റിതുവിന്റെ പ്രകടനം അത്ര മികച്ചതായിരുന്നില്ലെന്ന അഭിപ്രായമുള്ള രണ്ടു പേര്‍ ബിഗ് ബോസ് വീട്ടിലുണ്ട്. മജിസിയ ഭാനുവും രമ്യ പണിക്കരുമാണ് ആ രണ്ടു പേര്‍. നേരത്തേയും റിതുവിനോടുള്ള എതിര്‍പ്പ് രമ്യയും ഭാനുവും തുറന്നു പറഞ്ഞിട്ടുണ്ട്. കഴിഞ്ഞ ദിവസത്തെ ക്യാപ്റ്റന്‍സി നോമിനേഷന് പിന്നാലെ നടന്ന സംസാരത്തിലാണ് രമ്യയും ഭാനുവും റിതുവിനെ കുറിച്ച് പറഞ്ഞത്. കിച്ചണില്‍ വച്ചായിരുന്നു സംഭവം.

എനിക്ക് റിതുവിന്റെ പ്രകടനം തീരെ ഇഷ്ടപ്പെട്ടില്ലെന്ന് രമ്യ ഭാനുവിനോട് പറയുകയായിരുന്നു. ഭാനുവും അതു തന്നെ പറഞ്ഞു. എന്ത് യക്ഷിയായിരുന്നുവെന്ന് രമ്യ ചോദിച്ചു. അവള്‍ക്ക് മൂന്ന് പാട്ട് ലഭിച്ചതു കൊണ്ട് പെര്‍ഫോം ചെയ്യാന്‍ പറ്റിയെന്നാണ് രമ്യ പറയുന്നത്. യക്ഷിയും റംസാനും തമ്മില്‍ കളിക്കുന്നതല്ലാതെ നമ്മളുടെ അടുത്ത് വന്നിരുന്നില്ലെന്നും രമ്യ പറഞ്ഞു.

ഒരു തവണ തന്റെ അടുത്ത് വന്ന റിതു ഇവളോ ഇവള്‍ വേണ്ട എന്നു പറഞ്ഞ് പോയെന്നും രമ്യ പറയുന്നു. തന്റെ അടുത്തും അങ്ങനെ ചെയ്തുവെന്ന് ഭാനുവും പറഞ്ഞു. എന്നിട്ട് താന്‍ റിതുവിന് പിന്നാലെ പോവുകയായിരുന്നുവെന്നാണ് ഭാനു പറയുന്നത്. ഒരു തവണ മാത്രമാണ് തന്റെ അരികില്‍ ഇരുന്ന് സംസാരിച്ചതെന്നും അപ്പോഴാണ് താന്‍ എല്ലാവരേയും ഉള്‍പ്പെടുത്തിയതെന്നും രമ്യ പറഞ്ഞു. താന്‍ മനസില്‍ കണ്ട തീം ഒരു കോളനിയുടേതായിരുന്നുവെന്നും രമ്യ പറയുന്നു.

വീഡിയോയ്ക്ക് കമന്റുകളുമായി പ്രേക്ഷകരുമെത്തിയിട്ടുണ്ട്. രമ്യക്ക് റിതു നെ ഇഷ്ടമേയല്ല എന്ന് പലപ്പോഴും തെളിയിച്ചു. അസൂയ ഒട്ടും ഇല്ലാത്ത രണ്ടു പേര്‍. റിതു നന്നായി തന്നെയാണ് ചെയ്തത്.പക്ഷെ പെണ്ണുങ്ങളുടെ ഇടയില്‍ യക്ഷി എത്തിയില്ല. റിതു കൂടുതലും റംസാന്റെ ഒപ്പം ആയിരുന്നു എങ്കിലും യക്ഷി ആയി റിതു തകര്‍ത്തിരുന്നുവെന്നാണ് പ്രേക്ഷകർ പറയുന്നത്.

Recommended Video

അവിടെ നടക്കുന്ന എല്ലാകാര്യങ്ങളും ബിഗ് ബോസ് കാണിക്കുന്നില്ല

ഈ പറയുന്ന രമ്യയുടെ പരിമളം എന്ന റോള്‍ എത്ര മനോഹരം ആക്കാമായിരുന്നു. ഭാനു പിന്നെ നടി അല്ല എന്ന് പറയാം.റിതു കിട്ടിയ റോള്‍ വളരെ മനോഹരം ആക്കിയിട്ടുണ്ട്. ഈ പറയുന്ന നിങ്ങള്‍ എന്ത് ചെയ്തു? പെര്‍ഫോമന്‍സ് മാത്രമല്ല ക്യാരക്റ്റര്‍ വിടാതെ തന്നെ ഫുള്‍ എന്റര്‍ടൈന്‍മെന്റ് ഉണ്ടാക്കി റിതു (ഡ്രസിങ് റൂം ഒഴിച്ചാല്‍ ). ഈ പറയുന്ന മജിസിയ മൈക് മാറ്റികൊണ്ട് നോമിനേഷന്‍ ഡിസ്സ്‌ക്കസ് ചെയ്തതല്ലേ. രമ്യ അവിടെ ഉണ്ടാര്‍ന്നോ ഇപ്പോഴാ കാണുന്നെ തുടങ്ങിയ കമന്റുകളാണ് വീഡിയോയ്ക്ക് ലഭിക്കുന്നത്.