ബിഗ് ബോസ് വോട്ടിംഗ് നില; അപ്രതീക്ഷിത കുതിപ്പ്, മുന്നിലുള്ളത് ഈ താരങ്ങള്‍!

സോഷ്യല്‍ മീഡിയയിലെങ്ങും ഫാന്‍ ആര്‍മികളുടെ വോട്ടഭ്യര്‍ത്ഥനകളും പരസ്പരമുള്ള വിമര്‍ശനങ്ങളുമൊക്കെയാണ്. ഷോ നിര്‍ത്തിവെക്കേണ്ടി വരുമ്പോള്‍ ബിഗ് ബോസ് വീട്ടിലുണ്ടായിരുന്ന താരങ്ങളില്‍ നിന്നുമാണ് വിജയിയെ കണ്ടെത്തേണ്ടത്. ഇത് പ്രകാരം ഇപ്പോള്‍ കിരീടത്തിനായി മത്സര രംഗത്തുള്ളത് മണിക്കുട്ടന്‍, സായ്, ഡിംപല്‍, നോബി, റംസാന്‍, റിതു, കിടിലം ഫിറോസ് എന്നിവരാണ്. രമ്യയും സൂര്യയുമായിരുന്നു ഒടുവിലായി ബിഗ് ബോസ് വീടിനോട് വിട പറഞ്ഞത്.

വോട്ടിംഗ് അവസാനിക്കാന്‍ ഇനി രണ്ട് ദിവസങ്ങള്‍ മാത്രമാണ് ബാക്കിയുള്ളത്. പുറത്തുവരുന്ന അനൗദ്യോഗിക റിപ്പോര്‍ട്ടുകള്‍ പ്രകാരം നിലവില്‍ മുന്നിലുള്ള മത്സരാര്‍ത്ഥി മണിക്കുട്ടനാണ്. ഷോയുടെ തുടക്കം മുതല്‍ തന്നെ മണിക്കുട്ടന് ശക്തമായ ജനപിന്തുണ ലഭിച്ചിരുന്നു. താരത്തിന്റെ പിന്മാറ്റവും തിരിച്ചുവരവുമെല്ലാം ബിഗ് ബോസ് വീടിന് അകത്തും പുറത്തുമെല്ലാം വലിയ ഓളം സൃഷ്ടിക്കുകയും ചെയ്തിരുന്നു. തുടക്കം മുതല്‍ തന്നെ മണിക്കുട്ടന്‍ വോട്ടിംഗില്‍ ലീഡ് ചെയ്യുന്നുണ്ട്.

എന്നാല്‍ എല്ലാ കണക്കുകൂട്ടലുകളും തകര്‍ത്ത് സായ് വിഷ്ണു രണ്ടാം സ്ഥാനത്തേക്ക് എത്തിയിരിക്കുകയാണ്. ഷോയുടെ തുടക്കിലുണ്ടായിരുന്ന നെഗറ്റീവ് ഇമേജിനെ മാറ്റാന്‍ സാധിച്ചതാണ് സായ് വിഷ്ണുവിന് ഗുണമായി മാറിയിരിക്കുന്നത്. സായ് വിഷ്ണുവിന് തൊട്ടുപിന്നാലെ തന്നെയായി ഡിംപലുമുണ്ട്. നേരത്തെ തന്നെ ഷോ വിജയിക്കാനടക്കം സാധ്യതയുള്ള മത്സരാര്‍ത്ഥിയായി പലരും വിലയിരുത്തിയ താരമാണ് ഡിംപല്‍. അതേസമയം വോട്ടിംഗില്‍ ആദ്യ രണ്ടില്‍ തന്നെ ഡിംപല്‍ ഉണ്ടാകുമെന്ന കണക്കുകൂട്ടലുകള്‍ സായ് തിരുത്തുകയും ചെയ്തു.

Recommended Video

ലാലേട്ടന് പകരം ഇനിയാരാകും ബിഗ്‌ബോസിൽ? | FilmiBeat Malayalam

സോഷ്യല്‍ മീഡിയയിലും ഏറ്റവും കൂടുതല്‍ ആരാധകരുള്ള മൂന്ന് പേരാണ് മണിക്കുട്ടനും ഡിംപലും സായിയും. ഇവരില്‍ ഒരാളാകും വിജയിയാവുക എന്നാണ് സോഷ്യല്‍ മീഡിയ പറയുന്നത്. ഇവര്‍ക്ക് പിന്നാലെയായി കിടിലം ഫിറോസ്, റംസാന്‍, അനൂപ്, റിതു മന്ത്ര, നോബി എന്നിവരും ഇടം നേടിയിരിക്കുന്നു. തുടക്കത്തിലുണ്ടായിരുന്ന വലിയ ജനപിന്തുണ നഷ്ടപ്പെടുത്തിയ താരങ്ങളാണ് നോബിയും റംസാനും. അതേസമയം അനൂപ് നല്ല നേട്ടമാണ് ബിഗ് ബോസിലൂടെ സ്വന്തമാക്കിയത്.