തജം തകജം ട്രോളുകളോട് സന്ധ്യയ്ക്ക് പറയാനുള്ളത്; വൈറലായി താരത്തിന്റെ മറുപടി

ബിഗ് ബോസ് മലയാളത്തെ കുറിച്ചുള്ള വീഡിയോകളിലൂടെ ശ്രദ്ധ നേടിയ വ്‌ളോഗര്‍ രേവതിയ്ക്ക് നല്‍കിയ അഭിമുഖത്തിലാണ് ട്രോളുകളെ കുറിച്ച് സന്ധ്യ മനസ് തുറന്നത്. പുറത്തായതിന് പിന്നാലെ ക്രൂവിലുള്ളവരോട് തന്നെ താന്‍ എന്തെങ്കിലും നെഗറ്റീവ് പ്രതികരണം തന്നെക്കുറിച്ച് ഉണ്ടോയെന്ന് ചോദിച്ചിരുന്നുവെന്നും ഇല്ലെന്നായിരുന്നു അവര്‍ പറഞ്ഞിരുന്നതെന്നും സന്ധ്യ പറയുന്നു. പുറത്ത് വന്ന താന്‍ തനിക്ക് ലഭിച്ച തജം തകജം എന്ന ഇരട്ട പേരൊക്കെ കണ്ടുവെന്നും എന്നാല്‍ തന്നെ വിളിക്കാനെങ്കിലും നൃത്തത്തിലെ ഒരു ചൊല്ല് അവര്‍ പറയുന്നതില്‍ സന്തോഷമേയുള്ളൂവെന്നും സന്ധ്യ പറഞ്ഞു.

അതേസമയം ആരാകും ബിഗ് ബോസ് വിജയി എന്ന ചോദ്യത്തിന് കഴിഞ്ഞ ദിവസം മറ്റൊരു അഭിമുഖത്തില്‍ സന്ധ്യ നല്‍കിയ മറുപടി ശ്രദ്ധ നേടിയിരുന്നു. മണിക്കുട്ടന്‍ വിജയിക്കുമെന്നായിരുന്നു സന്ധ്യ പറഞ്ഞത്. മണിക്കുട്ടന്‍ നല്ല പ്ലെയര്‍ ആണെന്നും ആളുകള്‍ക്ക് മണിക്കുട്ടനെ ഇഷ്ടമാണെന്നും സന്ധ്യ പറഞ്ഞു. അതേസമയം ബിഗ് ബോസ് വീട്ടിലെ കിടിലം പ്ലെയര്‍ ആരെന്ന ചോദ്യത്തിന് സന്ധ്യ നല്‍കിയ ഉത്തരം ഡിംപല്‍ എന്നതായിരുന്നു. ബിഗ് ബോസ് വീട്ടില്‍ നിന്നും തനിക്ക് ലഭിച്ച ജീവിതകാലത്തേക്കുള്ള സുഹൃത്തായി സന്ധ്യ പറയുന്ന പേര് ഭാഗ്യലക്ഷ്മിയുടേതാണ്.

ബിഗ് ബോസ് വീട്ടിലെ ഫിലോസഫര്‍ കിടിലം ഫിറോസ് ആണെന്നും പഞ്ചാര അനൂപാണെന്നും സന്ധ്യ പറഞ്ഞു. അതേസമയം സായ് വിഷ്ണുവാണ് മാറ്റങ്ങള്‍ വന്ന മത്സരാര്‍ത്ഥിയെന്നും അത് നല്ല ഗെയിമര്‍ ആയത് കൊണ്ടാണെന്നും സന്ധ്യ കൂട്ടിച്ചേര്‍ത്തു. ബിഗ് ബോസ് വീട്ടിലെ മാനുപ്പുലേറ്റര്‍ ആരെന്ന ചോദ്യത്തിന് സൂര്യ എന്നായിരുന്നു സന്ധ്യ നല്‍കിയ മറുപടി. ബിഹൈന്‍ഡ് വുഡ്‌സിനോടായിരുന്നു സന്ധ്യയുടെ പ്രതികരണം.

Recommended Video

ആരാണീ ബിഗ്ഗ് ബോസ് 3യിലെ സന്ധ്യ മനോജ് ? | FilmiBeat Malayalam

അതേസമയം ആരാകും ബിഗ് ബോസ് മലയാളം സീസണ്‍ 3യുടെ വിജയി എന്നറിയാനായി കാത്തിരിക്കുകയാണ് പ്രേക്ഷകര്‍. അപ്രതീക്ഷിതമായി ബിഗ് ബോസ് നിര്‍ത്തി വെക്കേണ്ടി വന്നപ്പോള്‍ ഉണ്ടായിരുന്ന മത്സരാര്‍ത്ഥികളില്‍ നിന്നുമാണ് വിജയിയെ കണ്ടെത്തേണ്ടത്. മണിക്കുട്ടന്‍, ഡിംപല്‍, സായ് വിഷ്ണു, റംസാന്‍, കിടിലം ഫിറോസ്, റിതു മന്ത്ര, അനൂപ്, നോബി എന്നിവരാണ് മത്സര രംഗത്തുള്ളത്. വോട്ടിംഗിലൂടെയാണ് വിജയിയെ കണ്ടെത്തുന്നത്. ഇതിനായുള്ള വോട്ടിംഗ് അവസാനിച്ചിരുന്നു. ഇനി ഫല പ്രഖ്യാപനമാണുള്ളത്.