ഇതെന്ത് നീതി, ഇതെന്ത് ന്യായം; സജ്‌നയെ തല്ലിയ സായ് വിഷ്ണുവിനെതിരെ നടപടി വേണമെന്ന് പ്രേക്ഷകര്‍

ശേഖരിച്ച രത്‌നങ്ങള്‍ പോലീസില്‍ നിന്ന് ഒളിച്ചു വയ്ക്കുന്നതിനെ തുടര്‍ന്നാണ് സായ് വിഷ്‌നുവിന്റെ കൈകളില്‍ രത്‌നങ്ങള്‍ എത്തുന്നത്. ഇത് തടയാന്‍ പോലീസുകാരിയായ സജ്‌ന ശ്രമിക്കുകയായിരുന്നു. ഇതിനിടെ തുടര്‍ന്നാണ് പ്രശ്‌നം വഷളായത്. സായ് വിഷ്ണു തല്ലി ദേഹോപദ്രവം ഏല്‍പ്പിച്ചുവെന്നാണ് സജ്‌നയുടെ വാദം. താന്‍ കുതറിയോടാന്‍ മാത്രമാണ് ശ്രമിച്ചതെന്നും തനിക്ക് എതിരെ സജ്‌ന ഇങ്ങോട്ട് വരികയായിരുന്നുവെന്നാണ് സായ് വിഷ്ണു പറയുന്നത്.

ഇതേ തുടര്‍ന്നാണ് സായ് വിഷ്ണുവിനെതിരെ സജ്‌ന ബിഗ് ബോസിന് അരികിലെത്തിയത്. ഇരുവരേയും ബിഗ് ബോസ് കണ്‍ഫെഷന്‍ റൂമിലേക്ക് വിളിക്കുകയായിരുന്നു. സായ് വിഷ്ണുവിനോട് മറ്റുള്ളവരോട് പെരുമാറുന്ന രീതിയില്‍ മാറ്റം വരുത്തണമെന്നും ദേഷ്യം കുറക്കണമെന്നും പറഞ്ഞ ബിഗ് ബോസ് ഇരുവരോടും ഹസ്തദാനം ചെയ്യാനും ആവശ്യപ്പെട്ടിരുന്നു. എന്നാല്‍ ഇപ്പോള്‍ ബിഗ് ബോസിന്റെ നടപടിക്കെതിരെ സോഷ്യല്‍ മീഡിയയില്‍ വിമര്‍ശനം ഉയരുകയാണ്.

സായ് വിഷ്ണു സജ്‌നയെ മര്‍ദ്ദിച്ചുവെന്നത് ബോധ്യപ്പെട്ടതാണ്. ബിഗ് ബോസും സായ് വിഷ്ണുവും ഇത് സമ്മതിക്കുന്നുണ്ട്. എന്നാല്‍ താക്കീത് നല്‍കുക മാത്രമാണ് ബിഗ് ബോസിന്റെ ഭാഗത്തു നിന്നുമുണ്ടായ നടപടി. ദേഹോദ്രപവം ചെയ്യരുതെന്ന നിയമമിരിക്കെ സായ് വിഷ്ണു ചെയ്തതിനെ അംഗീകരിക്കാന്‍ സാധിക്കുന്നതല്ലെന്നും ശക്തമായ നടപടി തന്നെ സായ് വിഷ്ണുവിനെതിരെ വേണമെന്ന് പ്രേക്ഷകര്‍ പറയുന്നു.

ബിഗ് ബോസ് മലയാളം ഫാന്‍ ഗ്രൂപ്പുകളിലെല്ലാം ഇന്നലത്തെ അടി ചര്‍ച്ചയായിട്ടുണ്ട്. സ്ത്രീകളോട് മോശമായി പെരുമാറുകയും മോശം ഭാഷയും ഉപയോഗിക്കുന്ന വ്യക്തിയാണ് സായ് വിഷ്ണു. സജ്‌നയെ മര്‍ദ്ദിച്ചതിന്റെ തെളിവ് എല്ലാവരും കണ്ടതാണ്. സജ്‌നയുടെ ദേഹത്ത് പരുക്കുകളുമുണ്ട്. അങ്ങനെയിരിക്കെ കേവലം സമവായം മതിയാകില്ലെന്നും നടപടി വേണമെന്നും സോഷ്യല്‍ മീഡിയ ആവശ്യപ്പെടുന്നു.

Recommended Video

ഫിറോസ് പറഞ്ഞത് പച്ചക്കള്ളം..സായ് എന്താന്ന് ഈ അമ്മ പറയും | Filmibeat Malayalam

ഇതേ വിഷയം ആവശ്യപ്പെട്ട് നേരത്തെ ഫിറോസ് ഖാനും രംഗത്ത് എത്തിയിരുന്നു. ബിഗ് ബോസിനോടുള്ള ബഹുമാനം ഒന്നു കൊണ്ട് മാത്രമാണ് താന്‍ പ്രതികരിക്കാത്തത്. തന്റെ രക്തം തിളക്കുകയാണെന്നായിരുന്നു ഫിറോസ് ഖാന്‍ പറഞ്ഞത്. സായ് വിഷ്ണുവിനെതിരെ നടപടി സ്വീകരിക്കണമെന്നും ഫിറോസ് ഖാന്‍ വ്യക്തമാക്കി. എന്തായിരിക്കും വിഷയത്തില്‍ ബിഗ് ബോസിന്റെ നടപടിയെന്നത് കണ്ടറിയേണ്ടതാണ്.