സൂര്യ തനിക്ക് ആരാണ്? ഒടുവില്‍ മണിക്കുട്ടന്‍ മനസ് തുറന്നു

അതേസമയം മണിക്കുട്ടന് പിന്നാലെ നടന്ന് എലിമിനേഷനില്‍ നിന്നും രക്ഷപ്പെടാനുള്ള സൂര്യയുടെ നാടകമാണ് പ്രണയമെന്നും ചിലര്‍ പറയുന്നത്. മണിക്കുട്ടന്‍ തന്റെ നിലപാട് വ്യക്തമാക്കണമെന്നും ചിലര്‍ പറയുന്നുണ്ട്. ഇന്നലെ നടന്ന മോണിംഗ് ആക്ടിവിറ്റിയില്‍ സൂര്യ തനിക്ക് ആരാണെന്ന മനസ് തുറന്നിരിക്കുകയാണ് മണിക്കുട്ടന്‍. തനിക്കുണ്ടായിരുന്ന പെണ്‍ സൗഹൃദങ്ങളെ കുറിച്ചും മണിക്കുട്ടന്‍ മനസ് തുറക്കുന്നുണ്ട്.

''എന്റെ സുഹൃത്ത് വലയം എടുത്തു നോക്കിയാല്‍ ആണ്‍കുട്ടികള്‍ മാത്രമേയുള്ളൂ. പെണ്‍കുട്ടികളില്ല. അത് മാറിയത് ഞാന്‍ ഇവിടെ വന്നപ്പോഴാണ്. ഇവിടെ വന്നതോടെ ആ വിടവ് മാറി കിട്ടി. ഇവിടെയുള്ള ഓരോ പെണ്‍കുട്ടിയുമായി നല്ല സൗഹൃദമാണ്. ഞാന്‍ സ്‌കൂളില്‍ പഠിക്കുമ്പോള്‍ ഉച്ചയ്ക്ക് ചോറു കൊണ്ടു പോകാറില്ല. ഇവരു കൊണ്ടു വരും. എന്നിട്ടത് ഒരു ഇലയിലിടും. അതില്‍ നിന്നും കുഴച്ച് തിന്നുകയോ വാരി തരികയോ ഒക്കെയായിരുന്നു. അത് പിന്നെ കിട്ടിയത് ഇവിടെയാണ്''.

സൂര്യ ഇവിടെയുളളവരില്‍ ഏറ്റവും നല്ല സുഹൃത്താണ്. അവളൊരു കവിതയെഴുതി തന്നു. ആവശ്യമുള്ള സമയത്ത് കെയറിംഗ് തരുന്നുണ്ട്. പക്ഷെ സൂര്യയുമായുള്ള സൗഹൃദം മുന്നോട്ട് കൊണ്ടു പോകുമ്പോള്‍ എനിക്ക് ചിലപ്പോള്‍ ഒരു പേടി വരാറുണ്ട്. കാരണം നമ്മള്‍ എവിടെയെങ്കിലും സംസാരിച്ച കൊണ്ടിരിക്കുമ്പോള്‍ ആരെങ്കിലും ആഹ് എന്ന് ചിരിച്ചിട്ട് പോകും. ഇത് കാരണമാണ് എനിക്ക് പല സുഹൃത്തുക്കളേയും നഷ്ടമായത്.

നമ്മള്‍ എന്തെങ്കിലും സംസാരിച്ചു കൊണ്ടിരിക്കുമ്പോള്‍ ആരെങ്കിലുമൊക്കെ വന്ന് ആ എന്താ ഇവിടെ ഓ മണിക്കുട്ടന്റെ കൂടെയാണോ എന്ന് ആക്കിയിട്ട് പോകും. ഇങ്ങനെയായപ്പോല്‍ പലപ്പോഴും എന്തിനാണൊരോ പ്രശ്‌നങ്ങളുണ്ടാക്കുന്നത് എന്ന് കരുതി അവര്‍ തന്നെ ഒഴിഞ്ഞ് മാറും. പണ്ടൊരു കൂട്ടുകാരിയുണ്ടായിരുന്നു. അതിനിടയിലൊരു പ്രണയം വന്നു പിന്നെ ആ ഫ്രണ്ട്ഷിപ്പേ അടിച്ചു പിരിഞ്ഞു. ആ വീട്ടില്‍ പോലും കയറാന്‍ പറ്റാത്ത അവസ്ഥയായി. സൂര്യ എന്റെ നല്ല സുഹൃത്താണ് മണിക്കുട്ടന്‍ പറഞ്ഞു.

Recommended Video

സണ്ണിക്കൊപ്പമുള്ള റൊമാന്റിക് അനുഭവങ്ങൾ. | Gouri G Kishan and Sunny Wayne | Filmibeat Malayalam

പിന്നാലെ കമന്റുമായി സോഷ്യല്‍ മീഡിയ എത്തിയിരിക്കുകയാണ്. സൂര്യയ്ക്ക് ഉത്തരം കിട്ടി. ഇനിയെങ്കിലും മണികുട്ടനെ വെറുതെ വിട്ടാല്‍ മതിയാരുന്നു. പാവപെട്ട മണി എന്തൊക്കെ രീതിയില്‍ പറയുന്നു. ഇനിയെങ്കിലും മണിക്കുട്ടനെ വെറുതെ വിട്ടൂടെ സൂര്യ. ഇനി മനസിലായില്ല എങ്കില്‍ സൂര്യക്ക് വേറെ പദ്ധതി ആണ്. സൂര്യയെ സുഹൃത്തായി കാണുന്നത് തന്നെയാണ് മണിക്കുട്ടാ ഞങ്ങള്‍ക്കും ഇഷ്ട്ടം. സൂര്യയുടെ ടപ് ടപ് ഇനിയെങ്കിലും മാറിയാല്‍ മതിയാരുന്നു. ഇനി എങ്കിലും ഒന്ന് സമാധാനം കൊടുക്ക്..ഇതില്‍ കൂടുതല്‍ വ്യക്തമാക്കി ഇനി മണിക്കുട്ടന് പറയുവാന്‍ കഴിയില്ല എന്നെല്ലാമാണ് വീഡിയോയ്ക്ക് പ്രേക്ഷകര്‍ നല്‍കുന്ന കമന്റുകള്‍.