നട്ടെല്ലില്ലാത്ത വാഴപ്പിണ്ടിയാണ് അവന്‍; മണിക്കുട്ടനെ കുറിച്ച് പൊളി ഫിറോസ്

നിലപാടില്ലാത്ത, കള്ളം പറയുന്ന 13 പേരുടെ മുന്നില്‍ തോറ്റാല്‍ ജീവിതത്തില്‍ പിന്നെ നമുക്ക് ജയിക്കാന്‍ സമയം കിട്ടില്ലെന്നാണ് ഫിറോസ് സജ്‌നയോട് പറഞ്ഞത്. നട്ടെല്ലിന് പകരം വാഴപ്പിണ്ടികളുണ്ടായി നടക്കുന്നവരാണ്. അവരുടെ മുന്നില്‍ ഒരിക്കലും തോല്‍ക്കരുത്. നിന്റെ കണ്ണില്‍ നിന്നും വീഴുന്ന ഓരോ കണ്ണീരും അവരുടെ ചിരിക്ക് കാരണമാകുമെന്നായിരുന്നു കരഞ്ഞു കൊണ്ടിരുന്ന സജ്‌നയോട് ഫിറോസ് പറഞ്ഞത്.

ക്യാപ്റ്റനെന്ന് പറഞ്ഞ് നടക്കുന്ന ഒരുത്തനുണ്ടല്ലോ മണിയന്‍, അവന്‍ പോലും നട്ടെല്ലില്ലാത്ത വാഴപ്പിണ്ടിയാണ്. നിലപാടുകള്‍ മാറ്റി കൊണ്ടിരിക്കുകയാണെന്നും ഫിറോസ് പറഞ്ഞു. കാര്യങ്ങള്‍ കറക്കി തിരിച്ച് വേറെ രീതിയില്‍ കൊണ്ടെത്തിക്കുകയാണെന്നും അങ്ങനെയുള്ളവരുടെ മുന്നില്‍ നമ്മള്‍ കരയാന്‍ പാടില്ലെന്നും ഫിറോസ് പറയുന്നു. ആ കണ്ണീര്‍ തുള്ളികള്‍ വര്‍ അര്‍ഹിക്കുന്നില്ലെന്നും ഫിറോസ് പറഞ്ഞു. നമ്മള്‍ സ്ത്രീകളെ ബഹുമാനിക്കുകയേയുള്ളൂ. നോബി നിന്നെ തെറിവിളിച്ചിട്ടും മാന്യതയുടെ കുപ്പായം ഇട്ടു നടക്കുകയാണെന്നും ഫിറോസ് പറഞ്ഞു.

സ്ത്രീകളെ ബഹുമാനിക്കേണ്ടത് എങ്ങനെയാണെന്ന് തനിക്കറിയാമെന്നും അതാരും തന്നെ പഠിപ്പിക്കേണ്ടതില്ലെന്നും ഫിറോസ് പറഞ്ഞു. നേരത്തെ തന്റെ ദാമ്പത്യത്തെ കുറിച്ച് ഫിറോസ് നടത്തിയ പരാമര്‍ശത്തിനെതിരെ സന്ധ്യ പൊട്ടിത്തെറിച്ചിരുന്നു. ഇവിടെ ആരെങ്കിലും സ്ത്രീകളെ അപമാനിച്ചിട്ടുണ്ടെങ്കില്‍ അത് ഫിറോസാണെന്നും തന്റെ ദാമ്പത്യത്തെ കുറിച്ച് പറയാന്‍ എന്ത് അധികാരമാണ് ഫിറോസിനുള്ളതെന്നും സന്ധ്യ ചോദിച്ചിരുന്നു. ഫിറോസും സജ്‌നയും മറ്റുള്ളവരുടെ വ്യക്തി ജീവിതത്തിലേക്ക് കടന്നുകയറി ആക്രമിക്കുകയാണെന്നാണ് മറ്റ് മത്സരാര്‍ത്ഥികളും പറഞ്ഞത്.

നേരത്തെ ഫിറോസിനെതിരെ മണിക്കുട്ടന്‍ രംഗത്ത് എത്തിയിരുന്നു. ജയിലില്‍ പോയവരുടെ പെര്‍ഫോമന്‍സിനെ ആരും ചെറുതായി കാണുന്നില്ല. മനസ് കൊണ്ട് കൈയ്യടിച്ചിട്ടുണ്ടെന്നും അത് നീ കാണുന്നില്ലായിരിക്കുമെന്നുമാണ് മണിക്കുട്ടന്‍ പറഞ്ഞത്. രണ്ട് അഭിപ്രായം പറയുന്നത് നീയാണെന്നും മണിക്കുട്ടന്‍ പറഞ്ഞു. നോമിനേഷന് ശേഷവും മണിക്കുട്ടന്‍ ഫിറോസിന് അരികിലെത്തി സംസാരിച്ചിരുന്നു. കോയിന്‍ കൊടുക്കേണ്ടത് ഓരോരുത്തരുടേയും ഇഷ്ടമാണെന്നാണ് മണിക്കുട്ടന്‍ പറഞ്ഞത്. നേരത്തെ ഒറ്റപ്പെടല്‍ തന്ത്രമാണ് ഫിറോസ് പ്രയോഗിക്കുന്നതെന്ന് വിലയിരുത്തിയ ശേഷമായിരുന്നു മത്സരാര്‍ത്ഥികള്‍ ഫിറോസിന് അരികിലേക്ക് എത്തിയത്.