'തേച്ചത് ഞാന്‍ തന്നെയായിരുന്നു'; ആദ്യ പ്രണയകഥ പറഞ്ഞ് മജിസിയ

'ഞാനും ചെറുപ്പത്തില്‍ ഭയങ്കര ബോയിഷ് ആയിരുന്നു. ബോയിഷ് എന്നു പറഞ്ഞാല്‍ ചെക്കന്മാരെ പിടിച്ച് അടിക്കും കല്ലെടുത്ത് എറിഞ്ഞിട്ട് ഓടിപ്പോകും അങ്ങനൊയൊക്കെ ചെയ്യുമായിരുന്നു. പഠിച്ചതൊരു ഇസ്ലാമിക് സ്‌കൂളിലായിരുന്നു. ക്ലാസിലെ പെണ്‍കുട്ടികളൊക്കെ ഭയങ്കര നാണം കുണുങ്ങികളായിരുന്നു. പക്ഷെ ഞാന്‍ അങ്ങനെയായിരുന്നില്ല. ആണ്‍പിള്ളേര്‍ക്കെല്ലാം എന്നെ പേടിയായിരുന്നു. രണ്ട് തൊട്ട് പത്തു വരെ ഒരേ സ്‌കൂളിലായിരുന്നു' മജിസിയ പറയുന്നു.

ഞങ്ങളുടെ സ്‌കൂളിനൊരു പ്രത്യേകതയുണ്ടായിരുന്നു. ഇംഗ്ലീഷ് മീഡിയം സ്‌കൂളായിരുന്നു. എങ്കിലും പത്താം ക്ലാസിലേക്ക് മലയാളം മീഡിയത്തില്‍ നിന്നും ചില കുട്ടികളെ പ്രിപ്പയര്‍ ചെയ്ത് ഞങ്ങളുടെ സ്‌കൂളിലേക്ക് കൊണ്ടു വരുന്ന രീതിയുണ്ടായിരുന്നു. അങ്ങനെ പത്താം ക്ലാസില്‍ പഠിക്കുമ്പോള്‍ തടിച്ചിട്ടുള്ളൊരു പയ്യന്‍ വന്നു. നൂലുണ്ട എന്നായിരുന്നു വിളിക്കുക.

അവന്‍ എന്നെ കാണുമ്പോള്‍ ഹായ്, ബൈ ഒക്കെ പറയും. എന്നെ എപ്പോഴും നോക്കും. ജനലില്‍ കൂടെ കൈവിരലൊക്കെ ഇങ്ങനെ ഓടിക്കുമായിരുന്നു. എനിക്ക് നല്ല ദേഷ്യം വരുമായിരുന്നു. ഞാന്‍ പോടാ നൂലുണ്ടേ എന്ന് വിളിക്കുമായിരുന്നു. കല്ലെടുത്ത് എറിയുമായിരുന്നു. എന്നെ സംബന്ധിച്ച് അന്ന് ലവ് എന്താണെന്ന് അറിയില്ലായിരുന്നു. അതൊക്കെ സിനിമയിലും സീരിയലിലും പാട്ടിലുമൊക്കയേ കണ്ടിട്ടുള്ളൂ.

അന്ന് കുട്ടികളൊക്കെ പരസ്പരം ലെറ്ററൊക്കെ കൊടുക്കുമായിരുന്നു. എനിക്കത് ഭയങ്കര ഇറിറ്റേഷനായിരുന്നു. എന്റെ ഫ്രണ്ട്‌സ് ആയിരിക്കും ചിലപ്പോള്‍. പക്ഷെ ഞാനവരെ ചീറ്റ് ചെയ്ത് ടീച്ചറെ കൊണ്ട് പിടിപ്പിക്കുമായിരുന്നു. അങ്ങനെ അവരുടെ റിലേഷന്‍ഷിപ്പൊക്കെ ഞാന്‍ പൊളിക്കുമായിരുന്നു. അങ്ങനെയിരിക്കെ പാരന്റ്‌സ് മീറ്റിങ് വന്നു. എന്റെ പ്രണയം കുളമാക്കിയത് ഞാന്‍ തന്നെയായിരുന്നു. തേച്ചത് ഞാന്‍ തന്നെയായിരുന്നു.

Recommended Video

Bigg Boss Malayalam : ഈ ഊളനെ ആരാ ബിഗ്‌ബോസിൽ എടുത്തേ..എന്തൊരു ദുരന്തം

ഉമ്മ മീറ്റിങ്ങിന് വന്നപ്പോള്‍ ഈ പയ്യന്‍ എന്നെ നോക്കാറുണ്ട് എന്നെ ഇഷ്ടമാണെന്ന് ഞാന്‍ ഉമ്മയോട് പറഞ്ഞു. ഉമ്മ ആ പയ്യനോട് എന്തോ പോയി പറഞ്ഞു. പിന്നെ അവന്‍ എന്നെ നോക്കാതായി. എന്നെ നോക്കി ചിരിക്കാറുമില്ലാതായി. പിന്നെ എനിക്കും അവനെ ഇഷ്ടമായിരുന്നു എന്നെനിക്ക് മനസിലായി. പക്ഷെ അവന്‍ നോക്കാതെ ആയപ്പോള്‍ എനിക്ക് ഭയങ്കര മിസ്സിങ് ആയി. പത്താം ക്ലാസ് കഴിഞ്ഞു. അവനെ ഞാന്‍ എല്ലാ സ്‌കൂള്‍ ഗ്രൂപ്പിലും നോക്കും. അവനിപ്പോ എവിടെയാണെന്നോ എന്താണെന്നോ അറിയില്ല.

''അതായിരുന്നു എന്റെ ആദ്യത്തെ പ്രണയം. ഇത്രയും മനോഹരമായ ലവ് ഞാന്‍ പിന്നീട് അനുഭവിച്ചിട്ടില്ല. നിഷ്‌കളങ്കമായിരുന്നു അത്. പ്രണയമൊന്നുമില്ലെന്ന് കരുതിയിരുന്ന എന്റെ മാറ്റത്തിന് കാരണമായിരുന്ന പ്രണയമായിരുന്നു അത്'' മജിസിയ പറയുന്നു.