ആ ഇഷ്ടം നഷ്ടപ്പെടുമോ എന്ന് പേടിയുണ്ട്, സഹായിക്കണം; ബിഗ് ബോസിനോട് മണിക്കുട്ടന്‍

ഇതേ തുടര്‍ന്നാണ് ബിഗ് ബോസ് മണിക്കുട്ടനെ കണ്‍ഫെഷന്‍ റൂമിലേക്ക് വിളിപ്പിച്ചത്. കണ്‍ഫെഷന്‍ റൂമിലെത്തിയ മണിക്കുട്ടന്‍ തന്റെ മനസ് തുറന്നു. ''അന്‍പത് ദിവസം ആയിട്ടുള്ളൂ. എനിക്ക് പിടികിട്ടുന്നില്ല. തിരിച്ചിറങ്ങുമ്പോള്‍ എന്താണ് എന്ന്. ബിഗ് ബോസ് ഷോയില്‍ നൂറു ദിവസം നില്‍ക്കാനായാല്‍ എനിക്ക് ഒരുപാട് സന്തോഷം ആയിരിക്കും. പക്ഷെ കാശിനേക്കാളും, പേരിനെയും പ്രശസ്തിയേക്കാളും ഞാന്‍ വിശ്വസിക്കുന്ന ചില പ്രത്യശാസ്ത്രങ്ങളും ജീവിത രീതികളും ഉണ്ട്. വളരെ ചെറിയ ജീവിതമാണ് ഞാന്‍ എപ്പോഴും ആഗ്രഹിച്ചിരുന്നതും''. മണിക്കുട്ടന്‍ പറയുന്നു.

''അതിനിടക്ക് ഒരു സംഭവം ഇപ്പോള്‍ സൂര്യയുടെ കേസ് ബിഗ് ബോസിന് അറിയാവുന്നത് ആണല്ലോ. ലെറ്റര്‍ തന്നതടക്കം ഞാന്‍ വളരെ രഹസ്യമാക്കി വച്ചിരുന്നതാണ്. ആ കുട്ടിയെ ആരും കളിയാക്കരുതെന്ന് കരുതി. കഴിഞ്ഞ ദിവസം അവിടെ പറഞ്ഞ് ക്ലിയറാക്കിയ കാര്യമാണ്. പക്ഷെ പെട്ടെന്നൊരു ട്വിസ്റ്റ് സംഭവിക്കുകയാണ്. ഇന്നലെ ഉച്ചയ്ക്ക് പറയുകയാണ് ഞാന്‍ മണിക്കുട്ടനെ സ്‌നേഹിച്ചിട്ടും സുഹൃത്താണെന്നാണ് പറയുന്നത് സ്‌നേഹം തിരിച്ചു കിട്ടുന്നില്ല എന്നൊക്കെയാണ് പറയുന്നത്. എന്റെ ജീവിതം എങ്ങോട്ടാണ് പോയ്‌ക്കൊണ്ടിരിക്കുന്നതെന്ന് മനസിലാകുന്നില്ല''.

''കഴിഞ്ഞ 15 വര്‍ഷമായി എനിക്ക് സിനിമ മാത്രമേ അറിയൂ. വേറെ പലതും ട്രൈ ചെയ്‌തെങ്കിലും ഒന്നും ശരിയായില്ല. സിനിമയാണ് എന്റെ പാഷന്‍. ഇങ്ങനെയുള്ള അത് നഷ്ടപ്പെടുമോ എന്ന പേടിയുണ്ട്. മുന്നോട്ടുള്ള യാത്ര ഭയങ്കര പ്രശ്‌നമാണ്. എങ്ങനെയെങ്കിലും ബിഗ് ബോസ് എന്നെയൊന്ന് സഹായിക്കണം'' എന്ന് മണിക്കുട്ടന്‍ അഭ്യര്‍ത്ഥിച്ചു. പിന്നാലെ ബിഗ് ബോസ് മണിക്കുട്ടനെ ആശ്വസിപ്പിക്കുകയും ആശംസകള്‍ നേരുകയും ചേര്‍ന്നു.

ക്യാപ്റ്റന്‍സി ടാസ്‌ക് ആയാലും മറ്റുള്ളത് ആയാലും ഇവിടെ ക്യാമറയില്‍ പതിയുന്നതും പ്രേക്ഷകര്‍ കാണുന്നതും ആരോഗ്യപരമായ കാര്യങ്ങളാണ്. മത്സരത്തിനിടയില്‍ വിജയിക്കാനായി മാനസികവും ശാരീകവുമായ തന്ത്രങ്ങള്‍ എതിരാളികളുടെ ഭാഗത്തു നിന്നും ഉണ്ടായേക്കാം. അതിലൊന്നും തളരാതെ മുമ്പ് നിങ്ങളിലുണ്ടായിരുന്ന പോരാട്ട വീര്യവും മത്സര ബുദ്ധിയും നിലനിര്‍ത്തി കൊണ്ടും വര്‍ധിപ്പിച്ചു കൊണ്ടും മികച്ച രീതിയില്‍ മുന്നോട്ട് പോവുക. എന്നായിരുന്നു ബിഗ് ബോസ് പറഞ്ഞത്.