മണിക്കുട്ടന്‍ ജയിച്ചില്ലെങ്കില്‍ മൊട്ടയടിക്കുമെന്ന് ആരാധകന്‍; മൊട്ടയടിക്കണ്ട സുഹൃത്തായാല്‍ മതിയെന്ന് താരം!

നടനായി പ്രേക്ഷകര്‍ക്ക് നേരത്തെ തന്നെ അറിയാമായിരുന്നുവെങ്കിലും ബിഗ് ബോസിലൂടെ ശക്തമായൊരു ആരാധകവൃന്ദത്തെ നേടിയെടുക്കാന്‍ മണിക്കുട്ടന് സാധിച്ചിട്ടുണ്ട്. സോഷ്യല്‍ മീഡിയയിലെങ്ങും ചര്‍ച്ചാവിഷയം മണിക്കുട്ടനാണ്. കഴിഞ്ഞ ദിവസം മണിക്കുട്ടന്‍ ലൈവിലെത്തിയപ്പോള്‍ കാണാനായി നിരവധി പേരായിരുന്നു എത്തിയിരുന്നു. ലൈവില്‍ ഇത്രയും പേരുണ്ടെങ്കില്‍ വോട്ട് വേറെ ലെവല്‍ ആയിരിക്കുമെന്നാണ് ആരാധകര്‍ പറയുന്നത്. ഇതിനിടെ ഒരു ആരാധകന്റെ വീഡിയോ സോഷ്യല്‍ മീഡിയയില്‍ വൈറലായിരുന്നു.

താന്‍ മണിക്കുട്ടനാണ് വോട്ട് ചെയ്തതെന്നും മണിക്കുട്ടന്‍ തന്നെ വിജയിക്കുമെന്നാണ് ആരാധകന്‍ പറയുന്നത്. മണിക്കുട്ടന്‍ ജയിച്ചില്ലെങ്കില്‍ താന്‍ മൊട്ടയടിക്കുമെന്നും യുവാവ് പറയുന്നത്. പിന്നാലെ ഈ വീഡിയോ പങ്കുവച്ചു കൊണ്ട് മണിക്കുട്ടനും രംഗത്ത് എത്തിയിരിക്കുകയാണ്. നന്ദി. ഒരു പാട് സ്‌നേഹം. വളരേ സ്വീറ്റ് ആയ ഒരു വീഡിയോ എന്നാണ് വീഡിയോ പങ്കുവച്ചു കൊണ്ട് മണിക്കുട്ടന്‍ പറയുന്നത്.

ഒരു ഗെയിം ഷോ ആണ് ബിഗ് ബോസ്സ്. അതില്‍ പങ്കെടുത്തു അവസാന 8 ല്‍ വന്നപ്പോള്‍ തന്നെ എല്ലാ കണ്ടെസ്റ്റാന്‍സ്റ്റും വിജയികളായി കഴിഞ്ഞിരിക്കുന്നു. അത് കൊണ്ട് മൊട്ട ഒന്നും അടിക്കണ്ട കേട്ടോ. ഫാന്‍ ആകണ്ട. ഫ്രണ്ട് ആയി എന്നെ കണക്കാക്കിയാല്‍ മതിയെന്നും മണിക്കുട്ടന്‍ ആരാധകനോടായി പറയുന്നു. താരത്തിന്റെ പോസ്റ്റ് സോഷ്യല്‍ മീഡിയയില്‍ വൈറലായി മാറിയിരിക്കുകയാണ്. നിരവധി പേരാണ് താരത്തിന് കൈയ്യടിച്ചു കൊണ്ട് എത്തിയിരിക്കുന്നത്.

Recommended Video

Mani Kuttan response after Bigg Boss got postponed

ശക്തമായ മത്സരമാണ് ബിഗ് ബോസ് വിജയിയാകാന്‍ നടന്നു വരുന്നത്. മണിക്കുട്ടന്‍, ഡിംപല്‍, സായ് വിഷ്ണു, കിടിലം ഫിറോസ്, റംസാന്‍, അനൂപ്, റിതു മന്ത്ര, നോബി എന്നിവര്‍ തമ്മിലാണ് മത്സരം. തങ്ങളുടെ പ്രിയതാരത്തിന് വേണ്ടി വോട്ടുകള്‍ അഭ്യര്‍ത്ഥിച്ചുകൊണ്ട് താരങ്ങള്‍ പോലും രംഗത്ത് എത്തിയിട്ടുണ്ട്. ആരാകും വിജയി എന്നറിയാനായി കാത്തിരിക്കുകയാണ് പ്രേക്ഷകര്‍.