സൂര്യയുടെ പാട്ടിന് കാരണമായ മീശ വടിച്ച് മണിക്കുട്ടന്‍; ഇയാള്‍ക്ക് വേണ്ടിയെന്ന് താരം!

മണിക്കുട്ടന്റെ മീശയെ കുറിച്ചുള്ള സൂര്യയുടെ പാട്ട് വളരെ പ്രശസ്തമാണ്. എന്നാല്‍ ഇന്നലെ മണിക്കുട്ടനെത്തിയത്. തന്റെ കൊമ്പന്‍ മീശ വടിച്ച് ക്ലീന്‍ ഷേവ് ലുക്കിലായിരുന്നു താരത്തിന്‍്‌റെ വരവ്. ആദ്യം കണ്ട സഹതാരങ്ങള്‍ ചോദിച്ചത് ബോയ് ഫ്രണ്ടില്‍ അഭിനയിച്ചിട്ട് വരികയാണോ എന്നായിരുന്നു. പിന്നാലെ സോഷ്യല്‍ മീഡിയയിലും മണിക്കുട്ടന്റെ മേക്കോവര്‍ ചര്‍ച്ചയായി മാറിയിരുന്നു.

അതേസമയം മണിക്കുട്ടന്റെ ഈ രൂപമാറ്റത്തിന് പിന്നിലൊരു കാരണമുണ്ട്. തീര്‍ത്തും അപ്രതീക്ഷിതമായിരുന്നു അത്. തന്റെ ലുക്ക് മറ്റൊരു താരത്തിന് വേണ്ടിയായിരുന്നു മണിക്കുട്ടന്‍ മാറ്റിയത്. ബിഗ് ബോസ് വീട്ടിലെ തന്റെ ആത്മമിത്രമായ ഡിംപലിന്റെ ആഗ്രഹ പ്രകാരമാണ് മണിക്കുട്ടന്‍ തന്റെ മീശയെടുത്തത്. ബിഗ് ബോസ് വീട്ടില്‍ നിന്നും ഡിംപല്‍ പോയത് മുതല്‍ താന്‍ അവളെ വല്ലാതെ മിസ് ചെയ്യുന്നുണ്ടെന്ന് മണിക്കുട്ടന്‍ പറഞ്ഞിരുന്നു.

എന്റെ മീശയല്‍പ്പം കുറയ്ക്കണമെന്ന് ഡിംപല്‍ പലപ്പോഴും ആവശ്യപ്പെട്ടിരുന്നു. ഇനി അധികനാള്‍ ഇല്ല ഇവിടെ. അതുകൊണ്ട് ഡിംപലിന്റെ ആഗ്രഹം പോലെ ചെയ്യാമെന്ന് കരുതിയെന്നായിരുന്നു മണിക്കുട്ടന്‍ പറഞ്ഞത്. സുഹൃത്ത് ആഗ്രഹിച്ചാല്‍ നമ്മള്‍ തല വരെ എടുക്കും, പിന്നെയല്ലേ മീശ എന്നായിരുന്നു മണിക്കുട്ടന്‍ പറഞ്ഞത്. ക്യാമറയ്ക്ക് മുന്നിലെത്തിയായിരുന്നു തന്റെ ലുക്ക് മാറ്റത്തിന് പിന്നിലെ കാരണം താരം വെളിപ്പെടുത്തിയത്.

Recommended Video

സൂര്യയെ കുറിച്ച് നാട്ടുകാർ പറയുന്നത് ഇങ്ങനെ | Manikuttan Surya | Public Reaction | Filmibeat

അതേസമയം കഴിഞ്ഞ ദിവസം ബിഗ് ബോസ് വീട്ടില്‍ നിന്നും ആരും പുറത്തായിരുന്നില്ല. കൊവിഡ് സാഹചര്യം പരിഗണിച്ച് എവിക്ഷന്‍ വേണ്ടെന്ന് തീരുമാനിക്കുകയായിരുന്നുവെന്നാണ് മോഹന്‍ലാല്‍ അറിയിച്ചത്. എന്നാല്‍ കഴിഞ്ഞ ആഴ്ച എവിക്ഷന്‍ പട്ടികയിലുണ്ടായിരുന്നവര്‍ തന്നെയാകും ഈ ആഴ്ചയും എവിക്ഷനെ നേരിടുക. മണിക്കുട്ടന്‍, റംസാന്‍, സായ് വിഷ്ണു, രമ്യ, റിതു മന്ത്ര, സൂര്യ എന്നിവരാണ് എവിക്ഷനെ നേരിടാനിരിക്കുന്നത്.

വളരെ വൈകാരികമായൊരു എപ്പിസോഡായിരുന്നു ഇന്നലെ ബിഗ് ബോസ് വീട്ടില്‍ അരങ്ങേറിയത്. മാതൃദിനത്തോട് അനുബന്ധിച്ച് നടന്ന ടാസ്‌ക്കില്‍ താരങ്ങള്‍ തങ്ങളുടെ അമ്മമാരെ കുറിച്ചാണ് സംസാരിച്ചത്. അമ്മയെ കുറിച്ച് സംസാരിക്കുമ്പോള്‍ മിക്കവരും കണ്ണീരണിയുന്നത് കണ്ടു.