ഇവരെന്താ കലിപ്പനും കാന്താരിയുമാണോ? റംസാന്‍ റിതുവിനെ ഭരിക്കുന്നുവെന്ന് പ്രേക്ഷകര്‍

ഇതേതുടര്‍ന്ന് വലിയ അടിക്കാണ് ബിഗ് ബോസ് വീട് സാക്ഷ്യം വഹിച്ചത്. വാക്കു തര്‍ക്കത്തിനിടെ ഭാനുവും റിതുവും തമ്മില്‍ അടിയായി. റിതു ടാസ്‌ക്കിനിടെ തല്ലിയെന്ന് ആരോപിച്ചായിരുന്നു ഡിംപലും ഭാനുവും കയര്‍ത്തിയത്. നിയന്ത്രണം വിട്ട് പെരുമാറിയ റിതുവിനെ റംസാന്‍ പിടിച്ചുമാറ്റാന്‍ ശ്രമിക്കുകയായിരുന്നു. ഏറെ പാടുപെട്ടാണ് റിതുവിനെ പിന്തിരിപ്പിച്ചത്. പിന്നീട് അഡോണിയും റംസാനും ചേര്‍ന്ന് റിതുവിനെ ഉപദേശിച്ചു.

റിതു ചെയ്തത് ശരിയായില്ലെന്നും ഇങ്ങനെ സംസാരിച്ചാല്‍ ആരും നിന്റെ കൂടെ നില്‍ക്കില്ലെന്നും റംസാന്‍ പറഞ്ഞു. സംസാരിക്കുന്നതിനിടെ റംസാന്‍ റിതുവിനെ അടിച്ചു. റിതുവിന് നന്നായി വേദനയെടുത്തതായി മുഖത്തു നിന്നും വായിച്ചെടുക്കാമായിരുന്നു. പിന്നാലെ എന്തുകൊണ്ടാണ് താന്‍ ദേഷ്യപ്പെട്ടതെന്ന് റംസാന്‍ റിതുവിന് പറഞ്ഞു കൊടുത്തു. ടാസ്‌ക്കിന് ശേഷം റംസാനും റിതുവും പരസ്പരം ഒരുമിച്ചിരുന്ന് പ്രശ്‌നം പരിഹരിച്ചു.

ഇത്രയ്ക്ക് ദേഷ്യം വരുമോ നിനക്ക്. കൈയ്യിലാണ് തല്ലിയതെന്നത് മാത്രമാണ് ഞാന്‍ പരിഗണിച്ചത്. ഇല്ലെങ്കില്‍ കാണാമായിരുന്നുവെന്ന് റിതു തമാശരൂപേണ പറഞ്ഞു. നിനക്കൊരെണ്ണം കിട്ടേണ്ടതുണ്ടായിരുന്നുവെന്നായിരുന്നു റംസാന്റെ മറുപടി. നിനക്കെന്നോട് അങ്ങനെയാണെങ്കില്‍ പിന്നെന്തിനാണ് എല്ലാവരേയും റിതു റിതു എന്നു വിളിക്കുന്നത്. ഇന്ന് രാവിലേയും ഡിംപലിനെ റിതു എന്നു വിളിച്ചുവെന്ന് റിതു പറഞ്ഞു. അത് ഇവിടെ തനിക്ക് കൂടുതല്‍ സൗഹൃദമുള്ള പെണ്‍കുട്ടി നീയാണെന്നും അതുകൊണ്ട് വിളിച്ചു പോവുന്നതാണെന്നും റംസാന്‍ പറഞ്ഞു.

തുടര്‍ന്ന് എന്നെ എന്നല്ല ആരേയും ദേഷ്യത്തില്‍ തല്ലരുതെന്ന് റിതു പറഞ്ഞു. എന്നാല്‍ റിതുവിന്റെ വാക്കുകള്‍ ഉള്‍ക്കൊള്ളാതെ ഞാന്‍ ചെയ്തത് തെറ്റാണെന്നും നീ പറയുന്നത് കേള്‍ക്കാനും പറയാനും താല്‍പര്യമില്ലെന്നും റംസാന്‍ പറഞ്ഞു. നീ കാര്യങ്ങള്‍ വളച്ചൊടിക്കുമെന്നും റംസാന്‍ പറഞ്ഞു. നീ ചെയ്തത് തെറ്റല്ലെന്നും പക്ഷെ വേറൊരാളോട് ഇങ്ങനെ ചെയ്യരുതെന്നും റിതു വീണ്ടും വ്യക്തമാക്കി. പിന്നാലെ ഇരുവര്‍ക്കുമിടയിലെ പിണക്കവും ഇണക്കവുമെല്ലാം സോഷ്യല്‍ മീഡിയയിലും ചര്‍ച്ചയായിരിക്കുകയാണ്.

Recommended Video

Pradeep Chandran Exclusive Interview | നോബിയോ മണിക്കുട്ടനോ ജയിക്കണം FilmiBeat Malayalam

റിതുവിനോടുള്ള റംസാന്റെ പെരുമാറ്റം ശരിയല്ലെന്നും റിതു കാണിക്കുന്ന സ്‌നേഹത്തിന്റേയും സൗഹൃദത്തിന്റേയും അത്രയില്ല റംസാന് തിരികെ എന്നും റംസാന്‍ പലപ്പോഴും റിതുവിനോട് മോശമായി പെരുമാറുന്നുണ്ട്. റംസാന്റേത് അഹങ്കാരമാണെന്നും കമന്റുകള്‍ പറയുന്നു. ഇത്ര ടോക്‌സിക് ആയ സൗഹൃദത്തില്‍ എന്തിനാണ് റിതു തുടരുന്നതെന്നും ചിലര്‍ പറയുന്നു. അതേസമയം സംഭവം റിതു വോട്ടിന് വേണ്ടി റംസാന് പിന്നാലെ കൂടിയതാണെന്ന് മറ്റു ചിലര്‍ പറയുന്നു. ബിഗ് ബോസിലെ കലിപ്പനും കാന്താരിയുമായി റിതുവും റംസാനും മാറുകയാണോ എന്നും ചിലര്‍ തമാശരൂപേണ ചോദിക്കുന്നുണ്ട്.