തനിക്കെതിരെ ഇത്രയും പേര്‍ വോട്ട് ചെയ്തത് കാണാന്‍ ഭംഗിയുള്ളത് കൊണ്ട്: റിതു മന്ത്ര

താന്‍ എന്തായാലും പുറത്താക്കാനുള്ളവരുടെ പട്ടികയില്‍ ഉണ്ടാകുമെന്ന് അറിയാമായിരുന്നുവെന്നാണ് റിതു പറയുന്നത്. നോമിനേഷന്‍ റിസല്‍ട്ടുകള്‍ വന്നതിന് ശേഷം അഡോണിയോട് സംസാരിക്കുകയായിരുന്നു റിതു. എന്നാല്‍ ഇത്രയും പേര്‍ വോട്ട് ചെയ്യുമെന്ന് കരുതിയിരുന്നില്ലെന്നും റിതു പറയുന്നു. എന്തുകൊണ്ടായിരിക്കും തനിക്കെതിരെ ഇത്രയും പേര്‍ വോട്ട് ചെയ്‌തെന്നും റിതു പറയുന്നുണ്ട്.

തനിക്കെതിരെ വോട്ട് ചെയ്തവര്‍ കൂടുതലും സ്ത്രീകളാണെന്നാണ് റിതു പറയുന്നത്. ഇതിനുള്ള കാരണമായി റിതു പറയുന്നത് കുശുമ്പാണ്. റിതുവിന്റെ ഈ വാദത്തെ അഡോണി അംഗീകരിക്കുകയും ചെയ്തു. സ്ത്രീ മത്സരാര്‍ത്ഥികളെ കുറയ്ക്കുകയാണ് ലക്ഷ്യമെന്നാണ് അഡോണി പറയുന്നത്. ചേച്ചിയെ കാണാന്‍ ലുക്കുണ്ട്. ഒരുപാട് ആരാധകരുണ്ടാകുമെന്നും അഡോണി പറഞ്ഞു.

ഇത് സമ്മതിച്ചു കൊണ്ട് റിതുവും സംസാരിക്കുന്നുണ്ടായിരുന്നു. നല്ല ആള്‍ക്കാരും ഭംഗിയുള്ളവരും ആകുമ്പോള്‍ ഒഴിവാക്കാന്‍ മറ്റുള്ളവര്‍ ശ്രമിക്കുമെന്ന് റിതു പറയുന്നു. കഴിഞ്ഞ ദിവസം നമ്മള്‍ ഇവിടെ പാട്ടൊക്കെ പാടി തകര്‍ത്തല്ലോയെന്നും റിതു ചോദിക്കുന്നുണ്ട്. പിന്നീട് വീട്ടിന് ഉള്ളില്‍ വച്ച് അനൂപ്, റംസാന്‍ എന്നിവരോട് സംസാരിക്കുമ്പോഴും ഇതേക്കുറിച്ച് റിതു പറയുന്നുണ്ട്.

തന്നെ നോമിനേറ്റ് ചെയ്തത് ആരൊക്കെയാണെന്ന് അറിയാമെന്നാണ് റിതു പറയുന്നത്. കഴിഞ്ഞ ദിവസം പാട്ടൊക്കെ പാടി രംഗം കൊഴുപ്പിച്ചിരുന്നു. അപ്പോള്‍ തന്നെ താന്‍ ഉറപ്പിച്ചിരുന്നുവെന്നും റിതു പറയുന്നു. ഇതോടെ താന്‍ കൂടുതല്‍ കരുത്തോടെ തന്റെ ശക്തികാണിച്ചു കൊടുക്കുമെന്നും റിതു പറഞ്ഞു. അതേസമയം നോമിനേറ്റ് ചെയ്യപ്പെട്ടതില്‍ ടെന്‍ഷനില്ലെന്നും റിതു പറയുന്നു. മോഡലിങ് രംഗത്ത് ഇതുപോലെയുള്ള കാര്യങ്ങള്‍ നേരിട്ടിട്ടുള്ളതാണെന്ന് റിതു പറയുന്നു.

Recommended Video

Bigg Boss Malayalam : ഡിംബലിനെ ചതിക്കാൻ ഋതു മന്ത്ര | Filmibeat Malayalam

എലിമിനേഷനുള്ള വോട്ടിങ്ങില്‍ റിതുവിന് കൂടുതല്‍ വോട്ട് ലഭിച്ചപ്പോള്‍ കിടിലം ഫിറോസ്, ലക്ഷ്മി ജയന്‍, ഡിംപല്‍, സന്ധ്യ മനോജ്, സായ് വിഷ്ണു, അഡോണി, ഭാഗ്യലക്ഷ്മി എന്നിവരും നോമിനേറ്റ് ചെയ്യപ്പെട്ടു. മറ്റുള്ളവര്‍ ഈ ആഴ്ച സുരക്ഷിതരാണ്. എന്തൊക്കെയായിരിക്കും എലിമിനേഷന് മുന്നോടിയായി ബിഗ് ബോസില്‍ നടക്കുക എന്നത് കണ്ടു തന്നെ അറിയേണ്ടതാണ്.

ഫിറോസ് ഖാന്‍, ഭാര്യ സജ്‌ന, അഡാര്‍ ലവ് താരം മിഷേല്‍ എന്നിവര്‍ കൂടി ബിഗ് ബോസിലെത്തിയിരിക്കുകയാണ്. ഇതോടെ രംഗങ്ങള്‍ കൂടുതല്‍ രസകരമായി മാറിയിരിക്കുകയാണ്. കഴിഞ്ഞ ദിവസം മിഷേല്‍ ഡിംപലിനെതിരെ രംഗത്ത് എത്തിയിരുന്നു.