വായില്‍ നിന്നും വരുന്ന വാക്കുകള്‍ സൂക്ഷിക്കണം, വാക്കുകള്‍ക്ക് മൂല്യമുണ്ട്; ഫിറോസിനോട് സജ്‌ന

ഇവിടെ ഏറ്റവും നന്നായി ഗെയിം കളിക്കുന്ന വ്യക്തിയാണ് സൂര്യയെന്നും അവള്‍ കളിക്കുന്നത് വൃത്തികെട്ട കളിയാണെന്നും ഫിറോസ് പറഞ്ഞു. ഇതിനെ സജ്‌നയും അംഗീകരിക്കുന്നുണ്ട്. കുറച്ച് മുമ്പ് താനും ഭാനുവും സൂര്യയും തമ്മിലുണ്ടായ സംസാരത്തെ കുറിച്ചും സജ്‌ന മനസ് തുറന്നു. അവള്‍ ചുമ്മാ പറഞ്ഞതാണ് അതിലൊന്നുമില്ലെന്ന് ഭാനു പറഞ്ഞിരുന്നു. എന്നാല്‍ ഇത്രയും ക്യാമറ ഇരിക്കുന്നതല്ലേ നുണ പറയാനാകില്ലെന്ന സൂര്യയുടെ മറുപടി അവളുടെ തന്ത്രമാണെന്നാണ് സജ്‌ന പറയുന്നത്.

പിന്നാലെ കിടിലം ഫിറോസിനെ വിശ്വസിക്കരുതെന്ന് ഫിറോസ് സജ്‌നയോട് പറഞ്ഞു. വനിതാ ദിന ആഘോഷ പരിപാടിയിലെ സ്‌നേഹം കണ്ട് മയങ്ങരുതെന്ന് ഫിറോസ് പറഞ്ഞു. അത് തനിക്കറിയാമെന്നും അതിന് ശേഷം വന്ന് കുത്തിയതോടെ വ്യക്തമായെന്നും സജ്‌ന അഭിപ്രായപ്പെട്ടു. താന്‍ കൂടെ പാട്ടു പാടിയെങ്കിലും കിടിലം ഫിറോസിന്റെ ഉള്ളില്‍ തന്നെ കടിച്ചു കീറാനുള്ള ദേഷ്യമുണ്ടെന്ന് അറിയാമെന്ന് ഫിറോസും പറഞ്ഞു.

എല്ലാവര്‍ക്കും ഇക്കാനോടാണ് പ്രശ്‌നമെന്നും ആ ഒമ്പതു പേരേും ഐ ഗ്രൂപ്പിലുള്ളവരാണെന്നും സജ്‌ന പറഞ്ഞു. പിന്നാലെ ഫിറോസിനെ ഉപദേശിക്കാനും സജ്‌ന തയ്യാറായി. ദേഷ്യം വരുന്നതില്‍ കുഴപ്പമില്ല. പക്ഷെ വാക്കുകള്‍ സൂക്ഷിച്ച് ഉപയോഗിക്കണം. ഇവിടെ വാക്കുകള്‍ക്ക് വലിയ മൂല്യമുള്ളതാണെന്നായിരുന്നു സജ്‌നയുടെ ഉപദേശം. വായില്‍ നിന്നു വരുന്ന വാക്കുകള്‍ ഭയങ്കരമാണ്. അത് നിയന്ത്രിക്കണം. വേറെ എന്തു വേണമെങ്കിലും ആയിക്കോളൂവെന്നും സജ്‌ന പറഞ്ഞു.

താന്‍ പരമാവധി നിയന്ത്രിക്കുന്നുണ്ടെന്നും പക്ഷെ ഇവരെല്ലാം പ്രകോപിപ്പിക്കുകയാണെന്നുമായിരുന്നു ഫിറോസിന്റെ മറുപടി. പ്രതികരിച്ചോളൂ പക്ഷെ വായില്‍ നിന്നും വരുന്ന ചില വാക്കുകള്‍ സൂക്ഷിക്കണമെന്നും അത് ചോദ്യം ചെയ്യപ്പെടുകയും ശിക്ഷ ലഭിക്കുമെന്നും സജ്‌ന മുന്നറിയിപ്പ് നല്‍കി. എന്നാല്‍ തന്റെ വായില്‍ നിന്നും ഒരു വൃത്തികെട്ട വാക്കു പോലും വന്നിട്ടില്ലെന്നും ഫിറോസ് സജ്‌നയ്ക്ക് മറുപടി നല്‍കി.

Recommended Video

മിഷേലിനെ ബിഗ്‌ബോസ് മനപ്പൂർവം പുറത്തക്കിയതോ? | FilmiBeat Malayalam

ഈ ആഴ്ച നോമിനേഷനില്‍ ഉള്‍പ്പെട്ടിരിക്കുന്നത് എയ്ഞ്ചല്‍, ഋതു, മണിക്കുട്ടന്‍, സൂര്യ , ഫിറോസ്- സ്ജന എന്നിവരാണ്. ഏറ്റവും കൂടുതല്‍ വോട്ട് സജ്‌ന-ഫിറോസിന് ആയിരുന്നു, 9 വോട്ടുകളാണ് ലഭിച്ചത്. ആറ് വോട്ടുകളാണ് സൂര്യ നേടിയത്. മണിക്കുട്ടന്‍ ആദ്യമായാണ് നോമിനേഷനിലേക്ക് കടന്നു വരുന്നത്. കഴിഞ്ഞ ആഴ്ച ഏറ്റവു കൂടുതല്‍ വോട്ട് നേടിയ ഡിംപല്‍ ഇത്തവണ സുരക്ഷിതയാണ്.