ബിഗ് ബോസ് വീട്ടിലെ പഞ്ചാര, മാനുപ്പുലേറ്റര്‍; ആരാകും വിജയി? സന്ധ്യ മനോജ് തുറന്നു പറയുന്നു

ഷോയിലുണ്ടായിരുന്ന എന്താണ്ട് എല്ലാവരുമായി ഇപ്പോഴും ബന്ധമുണ്ട്. പുറത്ത് വന്നപ്പോള്‍ തന്നെ നേരത്തെ പുറത്തായവരുമായി ബന്ധപ്പെട്ടിരുന്നു. ഇപ്പോള്‍ ബാക്കിയുള്ളവരുമായും ബന്ധമുണ്ട്. നൂറ് ശതമാനം ആയിട്ടുമില്ലെന്നും സന്ധ്യ പറഞ്ഞു. ബിഗ് ബോസ് വീട്ടിലെ കിടിലം പ്ലെയര്‍ ആരെന്ന ചോദ്യത്തിന് സന്ധ്യ നല്‍കിയ ഉത്തരം തീര്‍ച്ചയായും ഡിംപല്‍ എന്നായിരുന്നു. ആരാണ് മാനുപ്പുലേറ്റര്‍ എന്നതായിരുന്നു അടുത്ത ചോദ്യം. ഇതിന് സന്ധ്യ നല്‍കിയ ഉത്തരം രസകരമായിരുന്നു. സൂര്യയുടെ പേരായിരുന്നു സന്ധ്യ പറഞ്ഞത്. ഒരു സാഹചര്യത്തില്‍ അറ്റെന്‍ഷന്‍ എടുക്കുന്ന, ത്രസ്റ്റ് നല്‍കുന്ന വ്യക്തിയാണ് സൂര്യയെന്നും സന്ധ്യ പറഞ്ഞു.

ജെനുവിന്‍ ആരെന്ന ചോദ്യത്തിന് സന്ധ്യ നല്‍കിയ ഉത്തരം റംസാന്റെ പേരായിരുന്നു. ദ ഫിലോസര്‍ ആയി സന്ധ്യ പറഞ്ഞ പേര് കിടിലം ഫിറോസിന്റേതായിരുന്നു. ബിഗ് ബോസ് വീട്ടിലെ ഫേക്ക് വ്യക്തി ആരെന്നായിരുന്നു മറ്റൊരു ചോദ്യം. ഇതിന് വ്യത്യസ്തമായൊരു മറുപടിയായിരുന്നു സന്ധ്യ നല്‍കിയത്. ഓരോ ആഴ്ചയും മാറ്റങ്ങള്‍ വന്നൊരു വ്യക്തിയാണ് സായ് വിഷ്ണുവെന്നായിരുന്നു സന്ധ്യ പറഞ്ഞത്. എന്നാല്‍ പുറത്ത് വന്ന ശേഷമാണ് അത് നല്ലൊരു മാറ്റമാണെന്ന് മനസിലായതെന്നും അതുകൊണ്ടാണ് സായ് നല്ല പ്ലെയര്‍ ആകുന്നതെന്നും സന്ധ്യ പറഞ്ഞു.

ബിഗ് ബോസ് വീട്ടിലെ പഞ്ചാര ആരെന്ന ചോദ്യത്തിന് അനൂപ് കൃഷ്ണന്‍ എന്നായിരുന്നു സന്ധ്യ നല്‍കിയ മറുപടി. ബിഗ് ബോസ് വീട്ടില്‍ അനൂപ് മറ്റുള്ളവരോട് കാണിക്കുന്ന കരുതലിനെ കുറിച്ച് നേരത്തേയും പലരും സംസാരിച്ചിരുന്നു. ബിഗ് ബോസ് വീട്ടില്‍ നിന്നും ലഭിച്ച, ജീവിതത്തിലേക്കുള്ള സുഹൃത്ത് ആരെന്നായിരുന്നു അടുത്ത ചോദ്യം. ഇതിന് സന്ധ്യ പറഞ്ഞത് ഭാഗ്യലക്ഷ്മിയുടെ പേരായിരുന്നു. ആരാകും ബിഗ് ബോസ് വിജയിയാകാന്‍ സാധ്യത എന്ന എല്ലാവരും കാത്തിരിക്കുന്ന ചോദ്യത്തിന് മണിക്കുട്ടന്റെ പേരായിരുന്നു സന്ധ്യ പറഞ്ഞത്.

Recommended Video

Bigg Boss Malayalam Season: Why Manikuttan Will Win The Season 3 Title With A Big Margin?

പുറത്തു വന്നതിന് ശേഷമുള്ള തന്റെ അനുഭവത്തിന്റെ അടിസ്ഥാനത്തിലാണ് ഇത് പറയുന്നത്. മണിക്കുട്ടനെ എല്ലാവര്‍ക്കും ഇഷ്ടമാണെന്നും അതിനാലാണ് മണിക്കുട്ടന്‍ ജയിക്കുമെന്ന് പറയുന്നതെന്നും സന്ധ്യ പറഞ്ഞു. ബിഗ് ബോസ് മലയാളം സീസണ്‍ 3 വിജയിയായി പലരും പറയുന്ന പേരാണ് മണിക്കുട്ടന്റേത്. ഇതിനോടകം തന്നെ വലിയൊരു ആരാധകവൃന്ദത്തെ ഷോയിലൂടെ നേടാന്‍ മണിക്കുട്ടന് സാധിച്ചിരുന്നു. വോട്ടിംഗിലും മണിക്കുട്ടന്‍ ആണ് മുന്നിലെന്നാണ് റിപ്പോര്‍ട്ടുകള്‍ പറയുന്നത്. സായ് വിഷ്ണു, ഡിംപല്‍ എന്നിവരും മുന്നില്‍ തന്നെയുണ്ടെന്നും റിപ്പോര്‍ട്ടുകള്‍ സൂചിപ്പിക്കുന്നു.