കിടിലന്റെ തന്ത്രത്തില്‍ വീണോ അതോ മണിയടിച്ച് രക്ഷപ്പെടാനോ? മണിക്കുട്ടന് എന്തു പറ്റിയെന്ന് പ്രേക്ഷകര്‍

മണിക്കുട്ടന്റെ മാറ്റം ഇരട്ടത്താപ്പാണെന്നും മാസ്‌ക് അഴിഞ്ഞു വീഴുന്നതാണ് കണ്ടതെന്നുമാണ് വിമര്‍ശകര്‍ പറയുന്നത്. മണിക്കുട്ടന്‍ മണിയടിച്ച് മുന്നോട്ട് പോകാന്‍ ശ്രമിക്കുകയാണെന്നും ചിലര്‍ പറയുന്നു. അതേസമയം കിടിലം ഫിറോസ് പറഞ്ഞ അഞ്ച് പേരുടെ ഗ്രൂപ്പിസം തന്ത്രത്തില്‍ വീണുവോ എന്നും ചിലര്‍ ചോദിക്കുന്നുണ്ട്. എന്നാല്‍ ആ ഗെയിമിന് താനില്ലെന്ന് മണിക്കുട്ടന്‍ ഡിംപലിനോട് വ്യക്തമാക്കിയിരുന്നു.

മീശമാത്രേ ഉള്ളു. ഇപ്പോള്‍ അയല്‍ക്കൂട്ടത്തിലാണ്. മര്യാദക്ക് കളിച്ചോണ്ടിരുന്നതാ. പുല്‍ത്തകിടിയുടെ തലയിണ മന്ത്രം ഏറ്റു എന്നായിരുന്നു ഒരു കമന്റ്. മണികുട്ടന് ഇന്ന് എന്ത്പറ്റി? സന്ധ്യയോട് മാസ്സ് ഡയലോഗ് പറയുകയും സന്ധ്യ ആ ടാസ്‌കില്‍ ചെയ്ത് മോശമായി എന്ന് മറ്റുള്ളവരോട് പറയുകയും ചെയ്ത മണികുട്ടന് ജയില്‍ നോമിനേറ്റ് ചെയ്യാന്‍ ആരുമില്ലത്രേ. ക്യാപ്റ്റന്‍സി ടാസ്‌ക് റംസാന് വിട്ടുകൊടുക്കാം എന്ന് റംസാനോട് പറയുന്നു. ഇതുവരെ കണ്ട മണിക്കുട്ടന്‍ അല്ലെന്നായിരുന്നു മറ്റൊരു പ്രതികരണം.

ഇമേജ് നോക്കി തമ്മില്‍ അടിപ്പിച്ചു വ്യക്തിത്വം ഇല്ലാത്ത മണിക്കുട്ടന്‍ ആണ് ശരിക്കും ഫേക്ക്. സ്വന്തമായി ഒരു നിലപാട് പോലും പറയാന്‍ ചങ്കൂറ്റം കാണിക്കാത്തവനെ ഒക്കെ പൊക്കി നടക്കാന്‍ ആണ് ആളുകള്‍ കൂടുതല്‍. എങ്ങും തൊടാതെ ആരെയും പിണക്കാതെ ഈ ഗെയിം വിജയിക്കാന്‍ കഴിയും എന്നാണോ ഇയാള്‍ വിചാരിച്ചിരിക്കുന്നത്. നിലപാട് ഇല്ലായ്മായുടെ ആള്‍ രൂപം അതാണ് ഇപ്പോള്‍ കാണുന്ന മണിക്കുട്ടന്‍ വെറും പുച്ഛം മാത്രം, മണിക്കുട്ടന്റെ മാസ്‌ക് അഴിഞ്ഞു വീണ ദിവസം ആയിരുന്നു ഇന്നു. എല്ലാവരേം സുഖിപ്പിച്ചു എത്രകാലം മുന്നോട്ട് പോകും ഇങ്ങനെ തുടങ്ങിയ പ്രതികരണങ്ങളാണ് സോഷ്യല്‍ മീഡിയയില്‍ ഉയരുന്നത്.

അതേസമയം മണിക്കുട്ടനെ പിന്തുണച്ചും ചിലര്‍ രംഗത്ത് എത്തിയിട്ടുണ്ട്. കിടിലം ഫിറോസിന്റെ ഗെയിം പ്ലാനിനൊപ്പം നില്‍ക്കാന്‍ താനില്ലെന്ന് മണിക്കുട്ടന്‍ വ്യക്തമാക്കിയതാണെന്ന് ചിലര്‍ ചൂണ്ടിക്കാണിക്കുന്നു. ഡിംപലുമായുള്ള സംസാരത്തിനിടെ മണിക്കുട്ടന്‍ ഇത് വ്യക്തമാക്കിയിരുന്നു.

Recommended Video

ബിഗ്‌ബോസിനെ പറ്റി വീണക്ക് പറയാനുള്ളത് | Veena Nair Exclusive Interview | Oneindia Malayalam

തന്നെ പോലെ കൂടെ മത്സരിച്ച എല്ലാവര്‍ക്കും പരുക്ക് പറ്റിയത് ആ മനുഷ്യന്‍ കണ്ടതാണ് എല്ലാം കണ്ട് നടന്നിട്ടും കണ്ടില്ല എന്ന് പറഞ്ഞു കണ്ണടയ്ക്കാന്‍ എംകെയ്ക്കു കഴിഞ്ഞു കാണില്ല എല്ലാവരും മാക്‌സിമം എഫേര്‍ട്ട് എടുത്ത് തന്നെയാണ് ഗെയിം കളിച്ചത് പിന്നെ സന്ധ്യ യോട് ഉള്ള ഇഷ്യു നോക്കുവാണേല്‍ വഴക്ക് ഉണ്ടായി എന്നും പറഞ്ഞു നോമിനേറ്റ് ചെയ്യാണോ? അവിടെ കുറെ പേര് പേഴ്‌സണല്‍ ആയിട്ട് എടുത്ത് നോമിനേറ്റ് ചെയ്യുന്നുണ്ട് എംകെ അത് ചെയ്തില്ല അതാണോ എംകെ ചെയ്ത തെറ്റ് പിന്നെ കുറെ പേര് പൊന്തി വന്നിട്ടുണ്ട് നെഗറ്റീവ് പറയാന്‍ ആയിട്ട് ആദ്യമായ് നോമിനേറ്റ് ചെയ്തില്ല എന്ന ഒരു കാരണം കിട്ടിയപ്പോ അതിനെ ഇങ്ങനെ വളച്ചു ഒടിച്ചു എന്തൊക്കെയാ പറയുന്നത് എന്ത് പേടിയാണ് മക്കളെ എന്നായിരുന്നു പിന്തുണയുമായെത്തിയ ഒരാളുടെ പ്രതികരണം.