ലക്ഷ്മി, റിതു, സന്ധ്യ; ബിഗ് ബോസില്‍ നിന്നും പുറത്ത്? എലിമിനേഷന്‍ രഹസ്യം പുറത്ത്!

ഭാഗ്യലക്ഷ്മി, കിടിലം ഫിറോസ്, റിതു മന്ത്ര, സായ് വിഷ്ണു, അഡോണി, ഡിംപല്‍, ലക്ഷ്മി ജയന്‍, സന്ധ്യ മനോജ് എന്നിവരാണ് എലിമിനേഷനിലേക്ക് നോമിനേറ്റ് ചെയ്യപ്പെട്ടവര്‍. മത്സരാര്‍ത്ഥികള്‍ തന്നെയാണ് വോട്ടിങ്ങിലൂടെ പുറത്തേക്ക് പോകുന്നവരെ തിരഞ്ഞെടുത്തത്. ഏഴ് വോട്ടുകളുമായി മുന്നിലുള്ളത് റിതു മന്ത്രയാണ്. ആരായാരിക്കും പുറത്താക്കപ്പെടുക എന്ന ആകാംഷയിലാണ് ബിഗ് ബോസ് പ്രേക്ഷകര്‍.

ഇന്നലെ സായ് വിഷ്ണുവിന്റെ ജന്മദിനമായിരുന്നു. അതിനാല്‍ ആരാണ് പുറത്ത് പോവുക എന്ന് ഇന്ന് പറയുന്നില്ലെന്നു പറഞ്ഞാണ് മോഹന്‍ലാല്‍ ഇന്നലെ മടങ്ങിയത്. ഇന്നത്തെ എപ്പിസോഡിലാണ് ആരായിരിക്കാം ബിഗ് ബോസ് വീടിനോട് ആദ്യം ഗുഡ് ബൈ പറയുക എന്നറിയുക. ബിഗ് ബോസില്‍ നിന്നും പുറത്താകുന്നത് ആരൊക്കെയാണെന്ന കാര്യത്തില്‍ സോഷ്യല്‍ മീഡിയയില്‍ ചില പ്രചരണങ്ങള്‍ നടക്കുകയാണ് ഇപ്പോള്‍.

മൂന്ന് പേരുടെ പേരുകളാണ് സോഷ്യല്‍ മീഡിയ ചൂണ്ടിക്കാണിക്കുന്നത്. ലക്ഷ്മി ജയന്‍, സന്ധ്യ മനോജ്, റിതു മന്ത്ര എന്നിവരുടെ പേരുകളാണ് സോഷ്യല്‍ മീഡിയ പറയുന്നത്. ബിഗ് ബോസ് മലയാളം സീസണ്‍ 3യിലെ മത്സരാര്‍ത്ഥികളെ കുറിച്ചുള്ള വിവരങ്ങളുടെ സ്‌ക്രീന്‍ ഷോട്ട് പങ്കുവച്ചു കൊണ്ടാണ് സോഷ്യല്‍ മീഡിയയിലെ പ്രചരണം. ഇതില്‍ റിതു, സന്ധ്യ, ലക്ഷ്മി ജയന്‍ എന്നിവര്‍ പുറത്താക്കപ്പെട്ടുവെന്നാണ് കാണുന്നത്.

ഇതോടെ മൂന്നു പേര്‍ ഒരുമിച്ച് പുറത്താക്കപ്പെട്ടുവെന്നാണ് സോഷ്യല്‍ മീഡിയ പറയുന്നത്. ഇതോടെ ബിഗ് ബോസ് ആരാധകര്‍ ആശങ്കയിലായിരിക്കുകയാണ്. പ്രചരിക്കുന്നത് സത്യമാണോ, എങ്ങനെയാണ് ഇത്രയും രഹസ്യ സ്വഭാവമുള്ള ഷോയുടെ വിവരങ്ങള്‍ പുറത്തായത് എന്നെല്ലാമാണ് ആരാധകര്‍ ചിന്തിക്കുന്നത്. മൂന്ന് പേര്‍ ഒരേസമയം പുറത്താക്കപ്പെടുന്നു എന്നതും വിശ്വസിക്കാന്‍ സാധിക്കാത്താതെയാണ് ആരാധകര്‍ വാര്‍ത്തകളെ കാണുന്നത്.

അതേസമയം, കഴിഞ്ഞ എപ്പിസോഡില്‍ ലക്ഷ്മി പറഞ്ഞ വാക്കുകളും ശ്രദ്ധിക്കപ്പെട്ടിരുന്നു. തനിക്ക് അത്ര പെട്ടെന്ന് ആളുകളുടെ പിന്തുണ ലഭിക്കുമോ എന്ന കാര്യത്തില്‍ സംശയമുണ്ടെന്നായിരുന്നു ലക്ഷ്മി മോഹന്‍ലാലിനോട് പറഞ്ഞത്. നേരത്തെ ലക്ഷ്മി ജയനായിരിക്കും ആദ്യം പുറത്താകുന്നതെന്ന തരത്തിലുള്ള ചര്‍ച്ചകളും സോഷ്യല്‍ മീഡിയയില്‍ സജീവമായിരുന്നു. ആരൊക്കെയായിരിക്കും രക്ഷപ്പെടുക, ആരായിരിക്കും പുറത്താക്കപ്പെടുക എന്നറിയുന്നതിനായി ഇന്നു രാത്രി വരെ കാത്തിരിക്കണം.