രമ്യ പറഞ്ഞത് പറയാന്‍ പാടില്ലാത്തത്, ആശ്വസിപ്പിക്കാന്‍ വരുന്നവരെ പോലും അപമാനിക്കുന്നത്: പ്രേക്ഷകര്‍

എന്തായാലും സംഭവം ഇപ്പോള്‍ സോഷ്യല്‍ മീഡിയയില്‍ ചര്‍ച്ചയായിരിക്കുകയാണ്. രമ്യയുടെ വാക്കുകള്‍ ശരിയായില്ലെന്നാണ് സോഷ്യല്‍ മീഡിയ പറയുന്നത്. ബിഗ് ബോസ് മലയാളം ഒഫീഷ്യല്‍ ഗ്രൂപ്പില്‍ ബിലാല്‍ എബ്രാം പങ്കുവച്ചൊരു കുറിപ്പാണ് ഇപ്പോള്‍ ശ്രദ്ധ നേടുന്നത്. കുറിപ്പ് വായിക്കാം തുടര്‍ന്ന്.

ഇത്രയ്ക്ക് ചീപ്പ് ആയിരുന്നോ ആര്‍ട്ടിസ്റ്റ് രമ്യ.
ഒരു പെണ്ണിനെ കുറിച്ച് അവള്‍ക്ക് ആണുങ്ങള്‍ ആശ്വസിപ്പിചാലെ ആശ്വാസം വരൂ എന്ന് പറഞ്ഞ നിനക്ക് എന്ത് യോഗ്യതയാണ് പൊളി ഫിറോസിനെ പുറത്താക്കാന്‍ ഉള്ളത്. നിന്റെ വെറുപ്പിക്കല്‍ കാരണം നീ ആശ്വസിപ്പിക്കണ്ടാ എന്നു പറഞ്ഞതിന് അര്‍ത്ഥം അവര്‍ക്ക് ആണുങ്ങള്‍ ആശ്വസിപ്പിച്ചാലേ വിഷമം മാറു എന്നല്ല മണിക്കുട്ടന്‍ പറഞ്ഞതുപോലെ നിന്നെ അവര്‍ ആശ്വസിപ്പിക്കാന്‍ അടുപ്പിച്ചില്ല എന്ന് പറയാമായിരുന്നു.

അതിനുപകരം അവിടെയുള്ള ആണുങ്ങള്‍ക്ക് പോലും അപമാനം ആകുന്ന രീതിയിലുള്ള പരാമര്‍ശം മോശമായി. ഒരാള്‍ സങ്കടപ്പെട്ട് ഇരിക്കുമ്പോള്‍ ആണോ പെണ്ണോ എന്ന് നോക്കാതെ ആശ്വസിപ്പിക്കുന്നത് ഇത്ര വലിയ തെറ്റാണോ.. നീ പറഞ്ഞത് ശരിയാണ് കഴിഞ്ഞ ആഴ്ചയില്‍ ഒരുപാട് പേര്‍ സങ്കടപ്പെട്ട് ഇരുന്നപ്പോള്‍ ആശ്വസിപ്പിച്ചത് നീയാണ്.

ആഴ്ചയിലെ ക്യാപ്റ്റന്‍ നീ തന്നെയാണ് നിന്റെ ഉത്തരവാദിത്വമാണ് അവിടെയുള്ളവരെ ഗെയിമിലേക്ക് തിരിച്ചുകൊണ്ടുവരിക എന്നുള്ളത്. താന്‍ ആശ്വസിപ്പിക്കാന്‍ വരണ്ട എന്നു പറഞ്ഞതിന് ആശ്വസിപ്പിക്കാന്‍ വരുന്നവര്‍ക്ക് പോലും അപമാനമാകുന്ന രീതിയിലുള്ള പരാമര്‍ശം വളരെ മോശമായി എന്നു പറഞ്ഞാണ് കുറിപ്പ് അവസാനിക്കുന്നത്. നിരവധി പേരാണ് മറുപടിയുമായി എത്തിയിരിക്കുന്നത്.

Recommended Video

Bigg Boss Malayalam :ഏഷ്യാനെറ്റ് രമ്യയെ കളത്തിലിറക്കിയതിന് പിന്നിലെ രഹസ്യം | FilmiBeat Malayalam

അതേസമയം ബിഗ് ബോസ് വീട് മറ്റൊരു എവിക്ഷന് വേണ്ടി തയ്യാറെടുക്കുകയാണ്. ഇന്ന് താരങ്ങളെ കാണാനായി മോഹന്‍ലാല്‍ എത്തും. രമ്യ, സായ് വിഷ്ണു, മണിക്കുട്ടന്‍, റംസാന്‍, സൂര്യ, റിതു മന്ത്ര എന്നിവരാണ് ഈ ആഴ്ച എവിക്ഷനെ നേരിടുന്നത്. എന്നാല്‍ പുറത്ത് വരുന്ന റിപ്പോര്‍ട്ടുകള്‍ പറയുന്നത് രമ്യ പണിക്കര്‍ പുറത്തായെന്നാണ്. അതേസമയം ഇത്തവണ ഡബിള്‍ എവിക്ഷന്‍ ആണെന്നും ചിലര്‍ അഭിപ്രായപ്പെടുന്നുണ്ട്. അങ്ങനെയെങ്കില്‍ രമ്യയോടൊപ്പം മറ്റൊരാള്‍ കൂടി പുറത്താകാന്‍ സാധ്യതയുണ്ടെന്നും സോഷ്യല്‍ മീഡിയ പറയുന്നു.