അവരുടെ അണിയറില്‍ എന്തോ വന്‍ പ്ലാനുണ്ട്, ഒരു കൊടുങ്കാറ്റ്; മണിക്കുട്ടനോട് സൂര്യ

എന്തോ ഒരു പ്ലാന്‍ അണിയറയില്‍ ഉണ്ട്. എന്താണെന്ന് അറിയില്ല. കാരണം ഞാന്‍ ഫുഡ് കഴിക്കാന്‍ വിളിച്ചിട്ട് വന്നില്ല. ഇന്നലെ ഇതിനേക്കാള്‍ വലിയ അടി നടന്നിട്ട് സജ്‌ന ഫുഡ് കഴിച്ചല്ലോ. ഇന്ന് രാവിലെ പറഞ്ഞു ഫുഡ് കഴിക്കില്ലെന്ന്. അയ്യോ അങ്ങനെ പറയരുതേ കഴിക്കണം എന്ന് രമ്യ പറയുന്നുണ്ടായിരുന്നു. എന്നാണ് സൂര്യ പറയുന്നത്. ഇവര്‍ തന്നെ പറഞ്ഞതല്ലേ ഭക്ഷണത്തോട് ദേഷ്യം കാണിക്കരുതെന്ന് മണിക്കുട്ടനും ചൂണ്ടിക്കാണിച്ചു. ഭാഗ്യലക്ഷ്മി സത്യാഗ്രഹം നടത്തിയ സംഭവമായിരുന്നു മണിക്കുട്ടന്‍ പരാമര്‍ശിച്ചത്.

നിര്‍ബന്ധിച്ചപ്പോള്‍ ഫിറോസ് തന്റെ സ്റ്റൈലില്‍ (കൈ കൊണ്ടുള്ള ആക്ഷന്‍) നീ കരയുമ്പോള്‍ എല്ലാവരും ചിരിക്കുകയാണ്. അതിന്റെ ഒന്നും കാര്യമില്ല. നീ വന്ന് കഴിക്ക്. ഞാനും വരാം എന്നു പറഞ്ഞു. എന്തോ വലിയൊരു കൊടുങ്കാറ്റുണ്ട് അവരുടെ ഉള്ളില്‍. ഇപ്പോള്‍ ആരോടും മിണ്ടുന്നില്ലല്ലോ. ആരുടേയും മുഖത്ത് തന്നെ നോക്കുന്നില്ലെന്നും സൂര്യ പറഞ്ഞു.

ഈ സംഭവത്തിന് പിന്നാലെ മണിക്കുട്ടന്‍ ഫിറോസിനും സജ്‌നയ്ക്കും അരികിലെത്തി സംസാരിച്ചിരുന്നു. എന്തെങ്കിലും വിഷമമുണ്ടോ എന്തിനാണ് മാറി നടക്കുന്നതെന്ന് മണിക്കുട്ടന്‍ ചോദിച്ചിരുന്നു. തനിക്ക് വിഷമമൊന്നുമില്ല. തന്നെ വിഷമിപ്പിക്കാന്‍ ഇവിടെയുള്ള ആര്‍ക്കും കഴിയില്ല. സജ്‌നയുടെ കാര്യത്തിലാണ് വിഷമമുള്ളതെന്നായിരുന്നു അപ്പോള്‍ പൊളി ഫിറോസ് നല്‍കിയ മറുപടി.

Recommended Video

Bigg Boss Malayalam :ഏഷ്യാനെറ്റ് രമ്യയെ കളത്തിലിറക്കിയതിന് പിന്നിലെ രഹസ്യം | FilmiBeat Malayalam

കഴിഞ്ഞ ദിവസം ബിഗ് ബോസ് താരങ്ങളെല്ലാം തങ്ങളുടെ ഉള്ളിലുണ്ടായിരുന്ന ദേഷ്യം പുറത്തെടുത്തിരുന്നു. തനിക്കെതിരെ ഫിറോസ് ഉയര്‍ത്തിയ ആരോപണങ്ങളെ കുറിച്ച് സൂര്യയും സംസാരിച്ചിരുന്നു. പൊട്ടിത്തെറിച്ചു കൊണ്ടായിരുന്നു സൂര്യ സംസാരിച്ചത്. പുറത്ത് താന്‍ ഇങ്ങനെ അല്ലെന്ന് പറയാന്‍ സജ്‌ന തന്നെ ഒരിക്കല്‍ പോലും കണ്ടിട്ടില്ലെന്നും തനിക്ക് ഇഷ്ടമുള്ള വസ്ത്രമാണ് ധരിക്കുന്നതെന്നുമായിരുന്നു സൂര്യ പറഞ്ഞത്. കുറേ നാളായി ഇത് സഹിക്കുന്നുവെന്നും സൂര്യ പറഞ്ഞു. സൂര്യയുടെ കലിപ്പ് ഭാവം എല്ലാവരേയും അമ്പരപ്പിക്കുന്നതായിരുന്നു.