നല്ലവനായ ഉണ്ണിയുടെ മുഖംമൂടി അഴിഞ്ഞു വീണു; റംസാന്റെ ചെരുപ്പേറ് ന്യായീകരിച്ച നോബിയ്‌ക്കെതിരെ പ്രേക്ഷകര്‍

ഇതോടെ സായിയും റംസാനും പരസ്പരം കയര്‍ക്കുകയും മറ്റുള്ളവര്‍ അതേറ്റുപിടിക്കുകയുമൊക്കെ ചെയ്തു. വാക് പോര് മുറുകുന്നതിനിടെ റംസാന്‍ തന്റെ കാലിലെ ചെരുപ്പ് ഊരി കൈയ്യില്‍ പിടിക്കുകയും സായിയെ പ്രകോപിപ്പിക്കുകയുമൊക്കെ ചെയ്തു. ഇതിന് ശേഷം തീര്‍ത്തും അപ്രതീക്ഷിതമായി റംസാന്‍ ചെരുപ്പ് എടുത്ത് എറിയുകയായിരുന്നു. സായിയുടെ അരികിലുണ്ടായിരുന്ന മണിക്കുട്ടന്റെ തലയ്ക്ക് മുകളിലൂടെയാണ് ചെരുപ്പ് കടന്നു പോയത്.

ഇതോടെ മണിക്കുട്ടന്‍ റംസാന്റെ അരികിലേക്ക് വന്നു. റംസാന്‍ മണിക്കുട്ടനോട് സംസാരിക്കുന്നതിനിടെ കിടിലം ഫിറോസ് അവിടേക്ക് വരികയും പിന്നീടത് മണിക്കുട്ടനും കിടിലം ഫിറോസും തമ്മിലുള്ള വഴക്കായി മാറുകയായിരുന്നു. ഇതിനിടെ റംസാന് പിന്തുണയുമായി നോബി മാര്‍ക്കോസ് എത്തി. റംസാന്‍ കാല് വിയര്‍ത്തിനാല്‍ ചെരുപ്പ് മാറ്റിയെറിയുകയായിരുന്നുവെന്ന വാദമാണ് നോബി ആദ്യം ഉന്നയിച്ചത്.

പിന്നീട് ദേഹത്ത് കൊണ്ടില്ലല്ലോ എന്നായി നോബി. ഇതോടെ നോബിയും മണിക്കുട്ടനും തമ്മില്‍ വാക് പോരായി. ദേഹത്ത് കൊണ്ടില്ലല്ലോ എന്നായിരുന്നു നോബിയുടെ വാദം. ദേഹത്ത് കൊണ്ടില്ലെന്ന് കരുതി അത് തെറ്റല്ലാതാകുമോ എന്നായി മണിക്കുട്ടന്‍. ഇരുവരും തമ്മില്‍ പിന്നീട് നടന്നത് ശക്തമായ വാക് പോരാണ്. ചെരുപ്പെറിഞ്ഞ റംസാനെ പിന്തുണച്ചതോടെ നോബിയുടെ മുഖംമൂടി അഴിഞ്ഞ വീണെന്ന് മണിക്കുട്ടന്‍ വാദിച്ചു.

ഈ സംഭവം സോഷ്യല്‍ മീഡിയയിലും ചര്‍ച്ചയായി മാറിയിരിക്കുകയാണ്. ഇതുവരെ ബിഗ് ബോസ് വീട്ടിലെ നല്ലവനായ ഉണ്ണിയായി അറിയപ്പെട്ടിരുന്ന നോബിയുടെ യഥാര്‍ത്ഥ മുഖം പുറത്തു വന്നുവെന്നാണ് സോഷ്യല്‍ മീഡിയ പറയുന്നത്. നോബി ചെയ്തത് ശരിയായില്ലെന്നും റംസാനെ പിന്തുണയ്ക്കുന്നത് തെറ്റാണെന്നുമാണ് സോഷ്യല്‍ മീഡിയ പറയുന്നത്. നിരവധി പേരാണ് കമന്റുകൡലൂടേയും പോസ്റ്റുകളിലൂടേയും നോബിയ്‌ക്കെതിരെ രംഗത്ത് എത്തിയിരിക്കുന്നത്.

Recommended Video

സൂര്യയെ കുറിച്ച് നാട്ടുകാർ പറയുന്നത് ഇങ്ങനെ | Manikuttan Surya | Public Reaction | Filmibeat

സത്യം പറഞ്ഞാല്‍ ചെരിപ്പ് മണികുട്ടന്റ് ദേഹത്ത് തട്ടിയാണ് താഴെ വീണത്. ചെയ്തത് തെറ്റാണ് അതിനെ ന്യായീകരിക്കുന്നത് വലിയ തെറ്റ്. ഈ ന്യായികരിച്ച നോബി ആണ് തലയണയുടെ കാര്യം പറഞ്ഞു നോമിനേറ്റ് ചെയ്യിത്തത്. കൊണ്ടാലും കൊണ്ടില്ലെങ്കിലും ചെയ്തത് തെറ്റ് അല്ലെ..എറിഞ്ഞവന്‍ മാപ്പ് പറഞ്ഞു. കണ്ടു നിന്ന ഊളക്കള്‍ക്ക് ആണ്, എന്നെല്ലാമാണ് കമന്റുകള്‍ ലഭിക്കുന്നത്.