'മണിയെ എനിക്ക് ഇഷ്ടമാണ്'; മലക്കം മറിഞ്ഞ് കിടിലം ഫിറോസ്, പേടിയായോ എന്ന് പ്രേക്ഷകര്‍!

ഇതിനിടെ ഇന്നലെ സന്ധ്യയോട് കിടിലം ഫിറോസ് പറഞ്ഞ വാക്കുകള്‍ ശ്രദ്ധ നേടുകയാണ്. വീക്കിലി ടാസ്‌ക്കിന് ശേഷം പലരും തന്നില്‍ നിന്നും അകന്നുവെന്നാണ് കിടിലന്‍ ഫിറോസ് പറയുന്നത്. ഈ ടാസ്‌ക്ക് കഴിഞ്ഞപ്പോള്‍ നാലോ അഞ്ചോ പേരാണ് ഒറ്റയടിക്ക് എന്നില്‍ നിന്നങ്ങ് മാറിപ്പോയതെന്നാണ് കിടിലന്‍ പറഞ്ഞത്. ആരൊക്കെയാണെന്ന് സന്ധ്യ ചോദിച്ചപ്പോള്‍ അനൂപ്, ഡിംപല്‍, സായ്, മണി എന്നിവരുടെ പേരുകളായിരുന്നു കിടിലം ചൂണ്ടിക്കാണിച്ചത്. നാലു പേര്‍ക്കുമെതിരെ കടുത്ത ആരോപണങ്ങളായിരുന്നു കഴിഞ്ഞ ദിവസങ്ങളില്‍ കിടിലന്‍ നടത്തിയത്.

''ഞാന്‍ വിചാരിച്ചത്, ദേവാസുരം ടാസ്‌ക് നടക്കുമ്പോള്‍, വൈരമുത്തു ടാസ്‌ക് നടക്കുമ്പോള്‍ എന്നെ എന്തെല്ലാം പറഞ്ഞതാണ്. പക്ഷെ ടാസ്‌ക് കഴിഞ്ഞപ്പോള്‍ അതെല്ലാം അങ്ങ് തീര്‍ന്നു. ഞാന്‍ ആ ധൈര്യത്തിലാണ് ഡിംപുവിനോടും സായിയോടും അനൂപിനോടുമൊക്കെ ആ ഭാഷയില്‍ നിന്നത്. കാര്യം എന്തൊക്കെ പറഞ്ഞാലും എനിക്ക് മണിയോട് ഒരു ഇഷ്ടമുണ്ട്. അവന്‍ പലയിടത്തും പോയി ചാടാന്‍ പോകുമ്പോള്‍ ഞാനാണ് പറഞ്ഞ് നിര്‍ത്താറുള്ളത്. ഡേയ് വേണ്ട എന്ന്'' കിടിലം ഫിറോസ് പറയുന്നു.

അറിയില്ലായിരുന്നുവോ ഇത് ഈയൊരു ഡയറക്ഷനിലേ പോകൂവെന്ന് സന്ധ്യ കിടിലം ഫിറോസിനോട് ചോദിക്കുന്നുണ്ട്. സത്യം പറഞ്ഞാല്‍ എനിക്ക് അറിയില്ലായിരുന്നു എന്നായിരുന്നു അദ്ദേഹത്തിന്റെ മറുപടി. അവരും നമ്മളെ നോക്കി ഇതിലും കഷ്ടമായിട്ടുള്ള കാര്യം പറഞ്ഞതാണെന്ന് സന്ധ്യ പറഞ്ഞു. അതിഭീകരമായ കാര്യങ്ങള്‍ പറഞ്ഞിട്ടുണ്ടെന്ന് കിടിലനും അഭിപ്രായപ്പെട്ടു.എനിക്ക് ഹ്യുമിലിയേഷന്‍ പ്രശ്‌നമല്ല. ഞാന്‍ എന്തു പറഞ്ഞുവെന്നതല്ല എന്റെ പ്രശ്‌നം. അവര്‍ നമ്മളെ അതിഭീകരമായിട്ട് പറഞ്ഞു. പക്ഷെ നമ്മള്‍ അതിനെ അങ്ങനെ എടുത്തില്ലല്ലോ എന്നും കിടിലന്‍ ഫിറോസ് കൂട്ടിച്ചേര്‍ത്തു.

Recommended Video

സൂര്യയെ കുറിച്ച് നാട്ടുകാർ പറയുന്നത് ഇങ്ങനെ | Manikuttan Surya | Public Reaction | Filmibeat

അതേസമയം റംസാനൊപ്പം അഡോണിയെ ജയിലിലേക്ക് അയച്ചതിന് പിന്നിലുള്ള ഗ്രൂപ്പിസവും കഴിഞ്ഞ ദിവസം വ്യക്തമായിരുന്നു. റംസാന് അടുപ്പമുള്ളയാളെ അയക്കുക എന്നതായിരുന്നു ലക്ഷ്യമെന്ന് സന്ധ്യയും കിടിലനും തമ്മിലുള്ള ചര്‍ച്ചയില്‍ തുറന്നു പറയുകയാണ്. തങ്ങളുടെ ഗ്രൂപ്പിലുള്ള റംസാന്റെ ഇഷ്ടം നോക്കുകയായിരുന്നുവെന്നും സന്ധ്യ പറയുന്നുണ്ട്. നന്നായി പെര്‍ഫോം ചെയ്തിട്ടും റംസാനൊപ്പം അഡോണിയെ ജയിലിലേക്ക് അയച്ചത് പ്രേക്ഷകരേയും അമ്പരപ്പിച്ച സംഭവമായിരുന്നു.