നീ ആരാ ലേഡി ബിഗ് ബോസോ? ജാസ്മിനോട് ലക്ഷ്മി പ്രിയ; മുഖമടച്ച് മറുപടി നല്‍കി ജാസ്മിന്‍!

റിയാസ് എന്തുകൊണ്ട് നോമിനേഷിലേക്ക് പോകാന്‍ തയ്യാറായില്ലെന്നും സൂരജ് എന്തിനാണ് സ്വയം ഏറ്റെടുത്തതെന്നുമായിരുന്നു റിയാസിനോടായി ലക്ഷ്മി പ്രിയ ചോദിച്ചത്. ഈ സമയം ജാസ്മിന്‍ ഇടപെടുകയായിരുന്നു. സൂരജിന്റെ സ്‌പേസാണിതെന്നും അവനെ സംസാരിക്കാന്‍ അനുവദിക്കണമെന്നും ജാസ്മിന്‍ പറഞ്ഞു. ഇതോടെ ലക്ഷ്മി പ്രിയയുടെ നിയന്ത്രണം നഷ്ടമാവുകയായിരുന്നു.

എക്‌സ്‌ക്യൂസ് മീ ജാസ്മിന്‍, നീ പറയുന്നത് കേട്ട് മിണ്ടാതിരിക്കാനല്ല ഞങ്ങള്‍ വന്നിരിക്കുന്നത്. ഞങ്ങള്‍ക്കും പറയാനുണ്ട്. ഇതൊരു ഡിബേറ്റാണ്. ഇവിടെ സംസാരിക്കുന്ന ആളോടും മോഡറേറ്ററോടും ചോദിക്കാനുണ്ടാകുമെന്ന് ലക്ഷ്മി പ്രിയ പറഞ്ഞു. പിന്നാലെ ഇരുന്നിടത്തു നിന്നും എഴുന്നേറ്റു കൊണ്ട് ലക്ഷ്മി പ്രിയ ജാസ്മിന് നേരെ പൊട്ടിത്തെറിക്കുകയായിരുന്നു.

ജാസ്മിന് കുറച്ച് കൂടുന്നുണ്ട്. ഞാന്‍ പേഴ്‌സണലായി പറയുകയാണ് എനിക്ക് ജാസ്മിന്റെ പെരുമാറ്റം ഇഷ്ടപ്പെടുന്നില്ല. ജാസ്മിന്‍ എന്താ ഇവിടുത്തെ ലേഡി ബിഗ് ബോസ് ആണോ? നീ മിണ്ടാതിരിക്ക്, നിനക്ക് നിന്റെ സ്‌പേസില്‍ സംസാരിക്കാം. സൂരജിന്റെ സ്‌പേസില്‍ സംസാരിക്കരുതെന്ന് ജാസ്മിന്‍ പറഞ്ഞു. താന്‍ പറഞ്ഞത് സൂരജിനെ സംസാരിക്കാന്‍ വിടണമെന്നാണെന്ന് ജാസ്മിന്‍ ആവര്‍ത്തിച്ചു. പിന്നാലെ ഇരുവരും മറ്റുള്ളവര്‍ ചേര്‍ന്ന് പിരിച്ചു വിട്ടു.

സൂരജിന്റെ സംവാദം കഴിഞ്ഞതും ജാസ്മിന്‍ എഴുന്നേറ്റ് നിന്ന് സംസാരിക്കാന്‍ ആരംഭിക്കുകയായിരുന്നു. സൂരജ് സംസാരിച്ച് കഴിഞ്ഞിട്ട് പറയാം എന്ന് കരുതിയതാണ്. മേലാല്‍ എന്റെ നേര കൈ ചൂണ്ടി സംസാരിക്കരുത്. ഞാന്‍ നിങ്ങളോട് സംസാരിക്കുന്നത് നിര്‍ത്തിയത് എനിക്ക് റെസ്‌പെക്ട് ഉള്ളത് കൊണ്ടാണ്. തെറ്റിനെ തെറ്റ് കൊണ്ട് നേരിടുന്നത് ശരിയാണെന്ന് ഞാന്‍ കരുതുന്നില്ല. ഞാനാകെ പറഞ്ഞത് ഇത് സൂരജിന്റെ സ്‌പേസാണ്. അവന്‍ സംസാരിക്കട്ടെ എന്നാണ്. ഇവിടെ നടന്ന ഇന്ററാക്ഷന്‍ നിങ്ങളും റിയാസും തമ്മിലായിരുന്നു. സൂരജിന്റെ സംസാരം ഇന്ററപ്പ്റ്റഡ് ആയെന്നും ജാസ്മിന്‍ പറഞ്ഞു.

അവിടെയിരുന്നിട്ട് ജാസ്മിന്‍ മിണ്ടാതിരിക്കെന്ന് പറഞ്ഞാല്‍ ഞാന്‍ കേള്‍ക്കും, പക്ഷെ മേലാല്‍ ഇങ്ങനെ എഴുന്നേറ്റ് നിന്ന് വിരല്‍ ചൂണ്ടി സംസാരിക്കരുത്. ഞാന്‍ എന്റെ ദേഷ്യം നിയന്ത്രിച്ചതാണ്. ഞാന്‍ ഡയലോഗ് അടിക്കാനൊന്നും നിന്നിട്ടില്ല. മേലാല്‍ ഇതാവര്‍ത്തിക്കരുതെന്ന് ജാസ്മിന്‍ വ്യക്തമാക്കി. പിന്നാലെ ലക്ഷ്മി മറുപടി പറയാന്‍ ശ്രമിച്ചെങ്കലിും എല്ലാവരും ചേര്‍ന്ന് രണ്ടു പേരേയും നിയന്ത്രിക്കുകയായിരുന്നു. നിങ്ങള്‍ പുറത്തിറങ്ങിയിട്ട് സംസാരിക്കൂ എന്നായിരുന്നു മറ്റുള്ളവര്‍ പറഞ്ഞത്.

Recommended Video

വന്നു പറഞ്ഞാൽ റോബിനെ ഞാൻ കെട്ടിച്ചുകൊടുക്കും | Bigg Boss Malayalam Dilsha's Brother Reveals

സ്ഥിരമായി നോമിനേഷനില്‍ വരുന്നവരാണ് ലക്ഷ്മി പ്രിയയും ജാസ്മിനും. ബിഗ് ബോസ് വീട്ടില്‍ ഫെമിനിസ്റ്റ്, കുലസ്ത്രീ എന്നിങ്ങനെ വിശേഷിപ്പിക്കപ്പെടുന്ന രണ്ട് ധ്രുവങ്ങളിലുള്ളവര്‍. ഇരുവരും തമ്മില്‍ വന്നനാള്‍ മുതല്‍ പരസ്പരം രംഗത്തെത്തിയിട്ടുണ്ട്. എന്തായാലും ഇത്തവണ ഇരുവരും നോമിനേഷിലില്ല. ഇതുവരെ നോമിനേഷനില്‍ വരാതെ രക്ഷപ്പെട്ടു നിന്നിരുന്ന സുചിത്രയും വളരെ കുറച്ച് തവണ മാത്രം നോമിനേഷനില്‍ വന്നിട്ടുള്ള അഖില്‍, സൂരജ് എന്നിവരും വിനയും എത്തിയതോടെ ആരാധകര്‍ കാത്തിരുന്നൊരു ലൈനപ്പായി മാറിയിരിക്കുകയാണ് ഇത്.