ഇവര്‍ പഴം പുഴുങ്ങിയത് പോലെ ഇരിക്കുകയാണെന്ന് നവീന്‍; ലക്ഷ്മിയ്ക്ക് യോഗ്യതയില്ലെന്ന് അഖില്‍

ഫിനാലെയിലേക്ക് എത്താന്‍ യോഗ്യതയില്ലെന്ന് കരുതുന്ന രണ്ട് പേരെ പറയുമോ എന്നാണ് മോഹന്‍ലാല്‍ താരങ്ങളോടായി പറയുന്നത്. പിന്നാലെ താരങ്ങള്‍ നടത്തിയ പ്രതികരണങ്ങളാണ് പ്രൊമോ വീഡിയോയില്‍ അവതരിപ്പിക്കുന്നത്. ഞെട്ടിക്കുന്നതാണ് ചിലരുടെ പ്രതികരണങ്ങള്‍. ബിഗ് ബോസ് വീട്ടില്‍ പുറമെ കാണുന്നത് പോലെ ശാന്തമല്ല കാര്യങ്ങള്‍ എന്നാണ് ഈ ടാസ്‌ക് വ്യക്തമാക്കുന്നത്.

ഞാന്‍ റോബിനെ പറയുമെന്നാണ് ധന്യ പറയുന്നത്. ധന്യയും റോബിനും നേരത്തെ തന്നെ ഭിന്നതയുള്ളവരാണ്. ഇരുവരും പരസ്യമായും രഹസ്യമായുമെല്ലാം പരസ്പരം വിമര്‍ശനങ്ങള്‍ ഉന്നയിച്ചിട്ടുള്ളവരാണ്. വാല്യു ഉണ്ട് പക്ഷെ ലക്ഷ്യ ബോധമില്ലെന്ന് അപര്‍ണ പറയുന്നത്. അപര്‍ണ ആരുടെ പേരാണ് പറഞ്ഞതെന്നത് വ്യക്തമല്ല. അതേസമയം ലക്ഷ്മി ചേച്ചിയെ പറയുമെന്ന് അഖില്‍ പറയുന്നു, നല്ല സുഹൃത്തായ ലക്ഷ്മിയുടെ പേര് അഖില്‍ പറയുന്നത് ശരിയ്ക്കും പ്രേക്ഷകരെ ഞെട്ടിക്കുമെന്നുറപ്പാണ്. ഒട്ടും പേടിക്കണ്ടാത്ത ഒരാളാണ് പക്ഷെ പേടിയാണെന്ന് സൂരജ് പറയുന്നു. ഇത് ആരെക്കുറിച്ചുള്ളതാണെന്ന് കണ്ടറിയണം.

അതേസമയം, രണ്ടു പേര്‍ക്കും ഒരേ കാരണങ്ങളാണെന്ന് ദില്‍ഷ പറയുന്നു. ബ്ലെസ്ലിയുടെ പേര് പറയുമെന്ന് ഡെയ്‌സി പറയുന്നു. ഡെയ്‌സിയും ബ്ലെസ്ലിയും നിരന്തരം അടിയുണ്ടാക്കുന്നവരാണ്. കഴിഞ്ഞ ദിവസവും ഇരുവരും തമ്മില്‍ വഴക്കുണ്ടായിരുന്നു. മാനസികമായി വളരെ സ്‌ട്രോംഗ് ആണ്, പക്ഷെ എന്ന് ലക്ഷ്മി പ്രിയ പറയുന്നതും വീഡിയോയിലുണ്ട്. എനിക്ക് ഇവരെ രണ്ട് പേരെ തന്നെയാണ് തോന്നിയിരിക്കുന്നത്. കാരണം അവര്‍ ഇങ്ങനെ പഴം പുഴുങ്ങിയത് പോലെ ഇരിക്കുകയാണെന്ന് നവീന്‍ പറയുന്നു. എന്നാല്‍ നവീന്‍ ഇത്ര രൂക്ഷമായി വിമര്‍ശിച്ചത് ആരെയൊക്കെയാണന്നത് കണ്ടറിയണം.

അതേസമയം ആരാണ് ഇന്ന് പുറത്തിറങ്ങുക എന്നറിയാനായി കാത്തിരിക്കുകയാണ് ആരാധകര്‍. ഒമ്പത് പേരാണഅ ഇത്തവണ എവിക്ഷനെ നേരിടാനായി നില്‍ക്കുന്നത്. റോബിന്‍, ദില്‍ഷ, ബ്ലെസ്ലി, ജാസ്മിന്‍, ലക്ഷ്മി പ്രിയ, അപര്‍ണ, റോണ്‍സണ്‍, നവീന്‍ എന്നിവരാണ് നോമിനേഷന്‍ പട്ടികയിലുള്ളത്. ഇന്നലത്തെ എപ്പിസോഡില്‍ റോണ്‍സണും അപര്‍ണയും സുരക്ഷിതരായിരുന്നു. മൂന്നാമതായി വിധി അറിയാന്‍ വന്ന നവീനെ മടക്കി അയച്ച ബിഗ് ബോസ് തീരുമാനം നാളെ അറിയിക്കാമെന്നായിരുന്നു ഇന്നലെ പറഞ്ഞത്.

കല്യാണത്തിന്റെ പിറ്റേ ദിവസം ആ കാര്യം വ്യക്തമായി; ഭാര്യ രമയെ കുറിച്ച് ജഗദീഷ് പറയുന്നതിങ്ങനെ

അതേസമയം പുറത്ത് വരുന്ന റിപ്പോര്‍ട്ടുകള്‍ പ്രകാരം നവീനും ഡെയ്‌സിയുമാണ് ബിഗ് ബോസ് വീടിനോട് യാത്ര പറഞ്ഞത്. ബിഗ് ബോസ് വീട്ടിലെ നിറ സാന്നിധ്യമാണ് ഡെയ്‌സി. നല്ല കണ്ടന്റുണ്ടാക്കുന്ന ഡെയ്‌സി പുറത്തായെന്നത് ആരാധകരെ നിരാശപ്പെടുത്തുന്ന വാര്‍ത്തയാണ്. അതേസമയം നവീന്റെ പുറത്താകലും ഞെട്ടിക്കുന്നതാണ്. ബിഗ് ബോസ് വീട്ടില്‍ തുടക്കത്തില്‍ ശാന്തനായിരുന്ന നവീന്‍ കളത്തിലേക്ക് ഇറങ്ങിയിരിക്കുകയാണ്. ഈ സമയം നവീന്‍ പുറത്താകുന്നതില്‍ ആരാധകരില്‍ നിരാശയുണ്ട്. എന്നാല്‍ റിപ്പോര്‍ട്ടുകള്‍ ശരിയാണോ എന്നറിയണമെങ്കില്‍ എപ്പിസോഡ് കാണുന്നത് വരെ കാത്തിരിക്കണം.