ജാസ്മിന്‍ 'കിസ് മൈ ആസ്' എന്ന് പറഞ്ഞു, ക്ഷമിക്കാനാകില്ലെന്ന് ധന്യ; തെറിവിളിയെ ന്യായീകരിച്ച് സുചിത്ര

ഇന്നലെ വീക്കിലി ടാസ്‌കിന് ശേഷമുള്ള ജയില്‍ നോമിനേഷന്റെ അവസരമായിരുന്നു ബിഗ് ബോസ് വീട്ടില്‍. മൂന്ന് പേരെയാണ് താരങ്ങളെല്ലാവരും ചേര്‍ന്ന് നോമിനേറ്റ് ചെയ്തത്. ജാസ്മിനും റോബിനും റിയാസുമായിരുന്നു ആ മൂന്ന് പേര്‍. പിന്നാലെ വാശിയേറിയൊരു ടാസ്‌കില്‍ മറ്റുള്ളവരെ പരാജയപ്പെടുത്തി കൊണ്ട് ജാസ്മിന്‍ ജയില്‍ വാസത്തില്‍ നിന്നും രക്ഷപ്പെടുകയായിരുന്നു. ജാസ്മിനെ ജയിലിലേക്ക് നോമിനേറ്റ് ചെയ്യുന്നതും ജാസ്മിന്‍ ടാസ്‌ക് ജയിച്ച് തിരിച്ചുവരുന്നതും ബിഗ് ബോസ് വീട്ടിലൊരു പതിവായി മാറിയിരിക്കുകയാണ്.

ജയില്‍ ടാസ്‌കിന് ശേഷം ധന്യയും സുചിത്രയും തമ്മില്‍ ജാസ്മിനെക്കുറിച്ചും റിയാസിനെക്കുറിച്ചും നടന്ന ചര്‍ച്ച ശ്രദ്ധേയമായിരുന്നു. ജാസ്മിന്റെ അശ്ലീല വാക്കുകളെ ന്യായീകരിക്കുകയായിരുന്നു സുചിത്ര. താന്‍ ജയിലിലേക്ക് നോമിനേറ്റ് ചെയ്യാന്‍ ആഗ്രഹിച്ചിരുന്നത് വിനയയെ ആയിരുന്നുവെന്നും എന്നാല്‍ കുറച്ചൊന്ന് ഒതുങ്ങിയതിനാല്‍ പറയാതിരുന്നതായിരുന്നുവെന്നുമാണ് സുചിത്ര പറയുന്നത്. അത് ശരിയാണെന്ന് ധന്യയും സമ്മതിച്ചു. റിയാസിന്റെ വരവ് കണ്ടപ്പോള്‍ തന്നെ അറിയാമായിരുന്നു അവന്‍ ജയിലിലേക്ക് പോകും എന്നായിരുന്നു ധന്യ പറഞ്ഞത്. വരുമ്പോള്‍ കുറച്ച് അടങ്ങണം. അറ്റന്‍ഷന്‍ കിട്ടാന്‍ വേണ്ടി കളിച്ചതാണ്. ഇപ്പോള്‍ എല്ലാം കിട്ടിയല്ലോ എന്ന് ധന്യ റിയാസിനെ കുറിച്ച് സുചിത്രയോട് പറയുന്നു.

അതേസമയം തനിക്ക് ജാസ്മിനോട് ക്ഷമിക്കാനാകില്ലെന്നാണ് ധന്യ പറയുന്നത്. അവിടെ അത്രയും വലിയ വഴക്ക് നടക്കുമ്പോള്‍ ജാസ്മിന്‍ തുള്ളി കളിച്ച് പ്രോത്സാഹിപ്പിച്ചത് എനിക്ക് മറക്കാന്‍ കഴിയില്ല എന്നാണ് ധന്യ പറഞ്ഞത്. എന്നാല്‍ ജാസ്മിനെതിരെയുളള വിമര്‍ശനത്തോട് സുചിത്രയ്ക്ക് എതിര്‍പ്പായിരുന്നു. എന്ത് ചെയ്താലും തനിക്ക് ജാസ്മിനോട് ദേഷ്യം തോന്നുന്നില്ലെന്നും തന്റെ അനിയത്തിയെ പോലെയാണ് ജാസ്മിനെ തോന്നുന്നതെന്നായിരുന്നു സുചിത്ര പറഞ്ഞത്.

Recommended Video

പോകുന്നതിന് മുന്നേ പുറകെ നടന്ന് സ്ട്രാറ്റജി പറഞ്ഞു കൊടുത്തു | Ronson's Wife Dr Neeraja Interview

ജാസ്മിന് കുട്ടികളുടെ സ്വഭാവമാണെന്ന് അംഗീകരിച്ചുവെങ്കിലും ജാസ്മിന്റെ വാക്കുകള്‍ മോശമാണെന്നായിരുന്നു ധന്യയുടെ മറുപടി. ജയില്‍ ടാസ്‌കില്‍ ജയിച്ചപ്പോള്‍ 'കിസ്സ് മൈ ആസ്' എന്ന ആക്ഷന്‍ കാണിച്ചുവെന്നായിരുന്നു ധന്യ ചൂണ്ടിക്കാണിച്ചത്. താന്‍ ജാസ്മിനെ നോമിനേറ്റ് ചെയ്ത ശേഷം ഓള്‍ ദ ബെസ്റ്റ് പറഞ്ഞപ്പോള്‍ മോശമായി പെരുമാറിയെന്നും ധന്യ പറഞ്ഞു. ധന്യയ്ക്ക് അടുത്തിരിക്കുകയായിരുന്ന ലക്ഷ്മിയ്ക്ക് കിസ് മൈ ആസ് എന്ന് പറഞ്ഞത് കണ്ട് ചൊറിഞ്ഞു വന്നു, പക്ഷെ പ്രതികരിച്ചില്ല. എന്നാല്‍ ജാസ്മിനെ ന്യായീകരിച്ചു കൊണ്ട് സുചിത്ര എത്തുകയായിരുന്നു. അവള്‍ അത് സന്ദര്‍ഭം അറിയാതെ പറയുന്നതാണ് എന്നും, അത്രയ്ക്ക് ഒന്നും അറിവില്ല എന്നുമൊക്കെയായിരുന്നു സുചിത്രയുടെ പ്രതികരണം.

Also Read: കലിപ്പന്റെ ഷോ ഓഫ്, മാസ്‌കും ഇടീച്ച് വീടിന്റെ മൂലയ്ക്ക് നിര്‍ത്താന്‍ പറ്റുമോ ലാലേട്ടാ? അശ്വതി

അതേസമയം പതിവ് പോലെ താരങ്ങളെ കാണാനായി ഇന്ന് മോഹന്‍ലാല്‍ ബിഗ് ബോസ് വീട്ടിലെത്തും. പോയ വാരം നടന്ന അടികളുടേയും നിയമലംഘനങ്ങളുടേയും പശ്ചാത്തലത്തില്‍ മോഹന്‍ലാല്‍ എന്താകും താരങ്ങളോട് പറയുക, നടപടികള്‍ സ്വീകരിക്കുമോ എന്നുമൊക്കെയാണ് ആരാധകര്‍ ഉറ്റു നോക്കുന്നത്. താരങ്ങളും മോഹന്‍ലാലിന്റെ വരവിനായി കാത്തിരിക്കുകയാണ്.