അവര്‍ എത്തരക്കാര്‍ ആണെന്ന് കാണിച്ചു തന്നു! ലക്ഷ്മിപ്രിയ-റോബിന്‍ പരദൂഷണത്തെക്കുറിച്ച് നിമിഷ

റോബിനുമായി തനിക്ക് പ്രശ്‌നങ്ങളൊന്നുമില്ല നിമിഷയുടെ സ്റ്റോറിയ്ക്ക് മറുപടിയായാണ് ഒരാള്‍ റോബിന്റേയും ലക്ഷ്മി പ്രിയയുടേയും സംസാരം ഓര്‍മ്മിപ്പിച്ചത്. നിങ്ങള്‍ക്കറിയുമോ ഇതിന് ശേഷം എന്ത് സംഭവിച്ചുവെന്ന്? അവനും ലക്ഷ്മി പ്രിയയും വളരെ മോശമായാണ് സംസാരിച്ചതെന്നായിരുന്നു ആരാധകന്റെ മെസേജ്. നിമിഷയ്ക്ക് ഗുരുത്വമില്ലെന്നായിരുന്നു ലക്ഷ്മി പ്രിയ പറയട്ടെ. താന്‍ നിമിഷയുടെ അടുത്ത് പോകാതിരുന്നതിനേക്കുറിച്ചും നിമിഷ ഇങ്ങോട്ട് വന്നതാണെന്നുമൊക്കെയായിരുന്നു റോബിന്‍ പറഞ്ഞത്.

എന്നാല്‍ അത് എന്നെ ബാധിക്കുന്നില്ല എന്നായിരുന്നു നിമിഷയുടെ മറുപടി. അവര്‍ എത്തരക്കാരാണെന്ന് കാണിച്ചു തരുന്നതാണ് അത്. എന്റെ ഭാഗത്തു നിന്നും, എനിക്ക് ആരോടും വ്യക്തിപരമായ വൈരാഗ്യമില്ലെന്നാണ് നിമിഷ പറയുന്നത്. ഗെയിമിനെ ഗെയിമായിട്ട് കാണൂ സുഹൃത്തേ, എന്നും നിമിഷ കുറിക്കുന്നുണ്ട്. മറ്റ് ചില മെസേജുകള്‍ക്കും നിമിഷ മറുപടി നല്‍കുന്നുണ്ട്. നിമിഷയുടെ ഗെയിം റോബിനേക്കാളും ജാസ്മിനേക്കാളും ബ്ലെസ്ലിയേക്കാളും മികച്ചതായിരുന്നുവെന്നൊരു മെസേജിന് നിമിഷ നല്‍കിയ മറുപടി സാരമില്ല പോട്ടെ എന്നായിരുന്നു. ജാസ്മിനെ കാണാന്‍ ഇനിയും അമ്പത് ദിവസം കഴിയണമല്ലോ എന്നോര്‍ക്കുമ്പോള്‍ ഉള്ളില്‍ കരയുകയാണെന്നും നിമിഷ പറയുന്നുണ്ട്.

അതേസമയം നിമിഷയുടെ പുറത്താകലിന് ശേഷം ജാസ്മിന്‍ ഒറ്റപ്പെട്ടുവെന്ന് ചിലര്‍ താരത്തെ ചൂണ്ടിക്കാണിക്കുന്നുണ്ട്. വീട്ടില്‍ ആരുമായും ഇരുന്ന് സംസാരിക്കുന്നില്ല ജാസ്മിന്‍. നേരത്തെയുണ്ടായിരുന്ന പോലെ തമാശകളും രാത്രി സംസാരങ്ങളൊന്നുമില്ലെന്നും ആരാധകന്‍ ചൂണ്ടിക്കാണിക്കുന്നു. ഈ മെസേജിനും നിമിഷ മറുപടി നല്‍കുന്നുണ്ട്.

എന്റെ എവിക്ഷന്‍ എപ്പിസോഡ് കാണാനുള്ള ധൈര്യം കൈവരിച്ചിട്ടില്ല. ജാസ്മിന്‍ കരയുന്നത് വീണ്ടും കാണാന്‍ വയ്യ. എനിക്കും അവളെ മിസ് ചെയ്യുന്നുണ്ട്. അവളില്ലാതെ ഒരു ശൂന്യതയാണ്. അവള്‍ക്കൊരു ഹഗ് കൊടുത്തു കൊണ്ട് ഇറ്റ്‌സ് ഓക്കെ എന്ന് പറയാന്‍ ആഗ്രഹിക്കുന്നു. ഇനിയുമൊരു 50 ദിവസമല്ലേ, അവള്‍ ശരിയാകും. അവളൊരു പോരാളിയാണ്. ഞാന്‍ ഇവിടെ അവളേയും കാത്തിരിക്കാം എന്നായിരുന്നു നിമിഷയുടെ മറുപടി.

പോകുന്നതിന് മുന്നേ പുറകെ നടന്ന് സ്ട്രാറ്റജി പറഞ്ഞു കൊടുത്തു | Ronson's Wife Dr Neeraja Interview

നേരത്തെ പുറത്ത് വരുമ്പോള്‍ ജാസ്മിനോടായി എനിക്ക് വേണ്ടി വിജയിക്കണം എന്നു പറഞ്ഞായിരുന്നു നിമിഷ ഇറങ്ങിയത്. ഫൈനല്‍ ഫൈവില്‍ ആരൊക്കെയുണ്ടായിരിക്കും എന്ന ചോദ്യത്തിനും നിമിഷ നല്‍കിയ മറുപടി ജാസ്മിന്റെ പേര് മാത്രമായിരുന്നു. ബിഗ് ബോസ് വീട്ടില്‍ നിന്നും തനിക്ക് ലഭിച്ച ഏറ്റവും വലിയ സമ്മാനമാണെന്നാണ് ജാസ്മിനുമായുള്ള സൗഹൃദമെന്നാണ് നിമിഷ പറയുന്നത്. നിമിഷയുടെ വിധി വായിച്ചത് ജാസ്മിന്‍ ആയിരുന്നു. നിമിഷ പുറത്തായെന്നതിന്റെ സങ്കടത്തില്‍ ജാസ്മിന്‍ റിസള്‍ട്ട് കാര്‍ഡ് വലിച്ച് കീറുകയായിരുന്നു ചെയ്ത്. നിയന്ത്രണം വിട്ട് കരഞ്ഞ ജാസ്മിനെ ഏറെ പാടുപെട്ടാണ് മറ്റുള്ളവര്‍ ശാന്തയാക്കിയത്. രാത്രി താരം ഒറ്റയ്ക്കിരിക്കുന്നതും കരയുന്നതും കണ്ടിരുന്നു. പിന്നാലെ നോമിനേഷന്‍ സമയത്തും തനിക്ക് പുറത്ത് പോകണമെന്ന് ജാസ്മിന്‍ പറഞ്ഞിരുന്നു.