റോബിൻ വെറും കോമാളി; പുറത്താക്കിയിട്ടും കലിയടങ്ങാതെ റിയാസ്

സീസൺ ഫോർ അങ്ങനെ ഒരു ഒഴുക്കിനു പോകുന്നതിന്റെ ഇടയിലാണ് ബിഗ് ബോസ് വീട്ടിലെ മത്സരാർഥികളുടെയും പ്രേക്ഷകരുടെയും നെഞ്ചിൽ ഇടിത്തീയായി അത് സംഭവിച്ചത്.

വീക്കിലി ടാസ്ക്കിനിടെ റിയാസും റോബിനുമായി നടന്ന കയ്യാങ്കളി. ആകസ്മികമായി സംഭവിച്ചതാണെങ്കിലും റിയാസിന്റെ ശരീരത്തിൽ റോബിൻ ശക്തമായി തള്ളി എന്ന കാരണം കൊണ്ട് താരത്തെ സോയിൽ നിന്നും പുറത്താക്കുകയായിരുന്നു.

Also Read: നൂറ് ദിവസം തികയ്ക്കില്ലെന്ന് പറഞ്ഞത് വെറുതെയല്ല; ടാസ്ക്കിനിടെ റിയാസിനെ വെള്ളം കുടിപ്പിച്ച് ലക്ഷ്മിപ്രിയ

റോബിൻ തിരിച്ച് വരും എന്ന് കരുതി ജാസ്മിൻ ബിഗ് ബോസ് വീട്ടിൽ നിന്നും ഇറങ്ങിപോയതോടെ ഷോ മങ്ങും എന്ന് പ്രേക്ഷകർ പ്രതീക്ഷിച്ചെങ്കിലും പ്രതീക്ഷകളെ എല്ലാം തകിടം മറിച്ച് ഷോ പഴയതിലും കളർ ആവുകയാണ് ചെയ്തത്.

റോബിൻ പോയതോടെ ദിൽഷയാണ് റോബിന്റെ സ്ഥാനം ഏറ്റെടുത്തത്. റിയാസുമായ് ദിൽഷ വഴക്കിടാത്ത ഒരു ദിവസം പോലും എന്നല്ല ഒരു മണിക്കൂർ പോലും ഇപ്പോൾ ബിഗ് ബോസ് വീട്ടിൽ ഇല്ല എന്നുവേണം പറയാൻ.

ടാസ്ക്കുകൾക്കിടയിലും ഭക്ഷണം കഴിക്കുന്നതിനിടയിലും എല്ലാം റിയാസ് ദിൽഷയെ ഇപ്പോൾ പ്രകോപിപ്പിക്കാറുണ്ട്. റോബിന്റെ പേരും ബ്ലെസ്ലിയുടെ പേരും ലവ് ട്രൈയാങ്കിളും ഒക്കെ പറഞ്ഞാണ് റിയാസ് ദിൽഷയെ എരികേറ്റുന്നത്.

കഴിഞ്ഞ ദിവസത്തെ വീക്കിലി ടാസ്കിനിടയിലെയും ഇത് തന്നെ സംഭവിച്ചു. ടിക്കറ്റ് ടു ഫൈനൽ എന്ന വീക്കിലി ടാസ്ക്കിന്റെ ഭാഗമായി ബിഗ് ബോസ് നടത്തിയ ആദ്യത്തെ ഗെയിമിന്റെ ഇടയിലാണ് റിയാസ് ദിൽഷയെ പ്രകോപിപ്പിച്ചത്. ഗെയിമിന്റെ നിബന്ധനകൾ ബ്ലെസ്ലി തെറ്റിച്ചപ്പോൾ ദിൽഷ കണ്ടില്ലേ എന്ന് ചോദിച്ചാണ് തർക്കം ഉണ്ടായത്.

Recommended Video

Dr. Robin About Jasmine | ജീവനെപ്പോലെ സ്നേഹിച്ച ആ ചെടിച്ചട്ടി പൊട്ടിയപ്പോൾ | *Interview | FilmiBeat

തുടർന്ന് പതിവുപോലെ ദിൽഷക്ക് സ്വന്തമായി ഒരു സ്പെയ്സ് ഇല്ല എന്ന് താരം വ്യക്തമാക്കി. ദിൽഷ മറ്റുള്ളവരുടെ തണലിലാണ് കഴിയുന്നതെന്നും റിയാസ് പറഞ്ഞു.

റോബിൻ പോയതോടെ സ്ക്രീൻ സ്പെയ്സ് കിട്ടാൻ റിയാസ് ബിഗ് ബോസ് വീട്ടിലെ പലരുമായി വഴക്കിടും എന്ന് പറഞ്ഞ ദിൽഷ റോബിനെ ബിഗ് ബോസ് വീട്ടിലെ ഹീറോ എന്നാണ് വിശേഷിപ്പിച്ചത്. ഇത് കേട്ട റിയാസ് പ്രകോപിതനാവുകയും റോബിൻ ബിഗ് ബോസ് വീട്ടിൽ വെറും കോമാളി ആണെന്ന് പറയുകയുമായിരുന്നു.