ബിഗ് ബോസ് തെലുങ്ക് സീസൺ 6 ന് വാങ്ങുന്ന പ്രതിഫലം കൂട്ടി നാഗാർജുന; താരത്തിന് ലഭിക്കുന്ന പുതിയ പ്രതിഫലം ഇത്ര!

സീസൺ തുടങ്ങുന്നു എന്ന വാർത്തകൾക്ക് ഒപ്പം ബിഗ് ബോസ് തെലുങ്ക് സീസൺ ആറിനെ ചുറ്റിപ്പറ്റിയുള്ള ചർച്ചകളും സജീവമായിരിക്കുകയാണ്. അതിനിടെ നാഗാർജുന പ്രതിഫലമുയർത്തിയെന്നുള്ള വാർത്തകളും വരുന്നുണ്ട്. കഴിഞ്ഞ മൂന്ന് സീസോണുകളിലായി നാഗാർജുന തന്നെയാണ് ഷോയുടെ അവതാരകൻ. ആദ്യ ബിഗ് ബോസ് തെലുങ്ക് ഒടിടി ഷോയിലും അദ്ദേഹം അവതാരകനായിരുന്നു.

പ്രചരിക്കുന്ന റിപ്പോർട്ടുകൾ പ്രകാരം, വരുന്ന സീസണിൽ ഏകദേശം 15 കോടി രൂപയാണ് നാഗാർജുന പ്രതിഫലമായി കൈപ്പറ്റുന്നത്. നേരത്തെ, ഒരു എപ്പിസോഡിന് ഏകദേശം 12 ലക്ഷം രൂപ വീതമാണ് നാഗാർജുന ഈടാക്കിയിരുന്നത്, അത് ഏകദേശം 12 കോടി വരുമായിരുന്നു, ഇപ്പോൾ അത്15 കോടി രൂപയായി ഉയർത്തിയിരിക്കുകയാണ് താരം.

അതേസമയം, സീസൺ 6-ലെ മത്സരാർത്ഥികൾ ആരെല്ലാമാണെന്ന വാർത്തകളും സമൂഹമാധ്യമങ്ങളിൽ പ്രചരിക്കുന്നുണ്ട്. ദീപിക പിള്ളി, നേഹ ചൗധരി, ശ്രീഹൻ, അവതാരക ഉദയ ഭാനു, നടൻ അമർദീപ്, ആദി റെഡ്ഡി, ചാലക്കി ചന്തി, ഗീതു റോയൽ, കൊറിയോഗ്രാഫർ പോപ്പി മാസ്റ്റർ, ശ്രീ സത്യ, ആർജെ സൂര്യ തുടങ്ങിയ പേരുകളാണ് ഉയർന്നു വരുന്നത്. ഇവർ സിനിമ, ടെലിവിഷൻ മേഖലയിൽ നിന്നുള്ളവരാണ് ചിലർ സോഷ്യൽ മീഡിയ ഇൻഫ്ലുവെൻസേഴ്‌സുമാണ്.

Recommended Video

Dr. Robin At Kozhikode: കോഴിക്കോട്ട് വെറുക്കുന്നവർക്ക് ചുട്ട മറുപടി നൽകി റോബിൻ | *BiggBoss

സ്റ്റാർ മാ ചാനലിലും ഡിസ്‌നി പ്ലസ് ഹോട്ടസ്റ്ററിലുമാണ് ബിഗ് ബോസ് തെലുങ്ക് സീസൺ 6 സംപ്രേഷണം ചെയ്യുക. അതേസമയം, മലയാളത്തിൽ അടുത്ത മാർച്ചിൽ ആകും ബിഗ് ബോസ് സീസൺ 5 വരിക. അതിനു മുൻപ് ബിഗ് ബോസ് അൾട്ടിമേറ്റ് ഉണ്ടാകുമെന്ന വാർത്തകൾ പ്രചരിക്കുന്നുണ്ടായിരുന്നു. കഴിഞ്ഞ സീസണുകളിലെ മികച്ച മത്സരാർത്ഥികളെ ഉൾപ്പെടുത്തി കൊണ്ടുള്ളത് ആണ് ബിഗ് ബോസ് അൾട്ടിമേറ്റ്.