ജീവിതത്തിലെ ചില തീരുമാനങ്ങള്‍ തെറ്റായിരുന്നു, സുഹൃത്തുക്കള്‍ ഉപയോഗിച്ചു: ദിയ സന

കുഞ്ഞു നാള്‍ മുതലേ ജീവിതത്തില്‍ അനുഭവിച്ചു വന്ന കഷ്ടപ്പാടും വേദനയുമെല്ലാം എന്നെങ്കിലുമൊരിക്കല്‍ തീരും എന്ന പ്രതീക്ഷയിലാണ്. മകനെ പഠിപ്പിക്കണം അവന്റെ ജീവിതത്തില്‍ അവന് വേണ്ടുന്ന കാലത്തോളം അവന്റെ കൂടെ നില്‍ക്കണം.. തിരിച്ചൊന്നും മകനില്‍ നിന്ന് പോലും ഞാന്‍ പ്രതീക്ഷിക്കുന്നില്ല. എന്റെ ലോകത്തിലെ തന്നെ ഏറ്റവും വലിയ ആഗ്രഹമെന്നും താരം പറയുന്നു.

എന്റെ വിവാഹത്തിലൂടെ ഉണ്ടായ ട്രോമയ്ക്ക് അപ്പുറം എന്റെ ലൈഫില്‍ എനിക്ക് ഇപ്പൊ പ്രശ്‌നങ്ങള്‍ കൂടുതല്‍ സംഭവിക്കുന്നുണ്ട്... ഞാന്‍ തന്നെ എന്റെ ജീവിതത്തില്‍ എടുത്ത ചില തീരുമാനങ്ങള്‍ തെറ്റായിരുന്നു എന്ന് വീണ്ടും വീണ്ടും തെളിയിച്ചുകൊണ്ടിരിക്കുന്നു...
സൗഹൃദങ്ങള്‍, കുടുംബം, കൂട്ട് ഇതൊന്നും എന്റെ ജീവിതത്തില്‍ പറഞ്ഞിട്ടില്ല... എന്നും ഞാന്‍ മറ്റുള്ളവര്‍ക് ഉപകാരി ആയിരുന്നിട്ടെ ഉളളൂ...
എന്നെ നല്ലോണം ഉപയോഗിച്ച ഒരുപാട് സുഹൃത്തുക്കളായിരുന്നവര്‍ ഉണ്ടെന്നും താരം പറയുന്നു.

എന്റെ വരുമാനത്തില്‍ നിന്നും എന്റെ സുഹൃത്തുക്കളുടെ അടുത്ത് നിന്നും ഒക്കെ പണമായും അവരുടെ കാര്യ സാധ്യതകള്‍ക്കും ഒക്കെ എന്നെ ഉപയോഗപ്പെടുത്തിയിട്ടുണ്ട്... അവര്‍ ഇന്നും മറ്റുള്ളവരോടും ഇതേ രീതി തന്നെ ആവര്‍ത്തിക്കുന്നു.. സത്യസന്ധമായി ജീവിതത്തില്‍ നമ്മള്‍ ഇരിക്കണം എന്നത് മാത്രമാണ് എന്റെ തിയറി... എന്ത് തോന്നുന്നുവോ അത് മുഖത്ത് നോക്കി പറയുക.. പ്രവര്‍ത്തിക്കുക.. ഉള്ളില്‍ വച് പെരുമാറാന്‍ എനിക്ക് അറിയില്ല... ഒരിക്കലും എനിക്ക് സാധിക്കാത്തത് അതാണെന്നും താരം പറയുന്നു.

ഇന്നും എന്റെ വ്യക്തിത്വം വിട്ടുകൊടുക്കാതെ ജീവിതത്തില്‍ പിടിച്ചു നില്കുന്നത് മാത്രമാണ് എന്റെ ധൈര്യം... നമ്മള്‍ നമ്മളെ തിരിച്ചറിഞ് സ്‌ട്രോങ്ങ് ആക്കിയാല്‍ നമ്മളെ തോല്പിക്കാന്‍ ആര്‍ക്കും ആകില്ല.. ഇതിവിടെ എഴുതിയത് എല്ലാരുടെയും ജീവിതത്തില്‍ അവരവരുടെ സ്വകാര്യതയില്‍ ഒരുപാട് പ്രശ്‌നങ്ങള്‍ ഉണ്ട് എന്ന് അറിയിക്കാനാണ്.. അതുകൊണ്ട് ഉണ്ടാകുന്ന അസുഖങ്ങളുമെന്ന് പറഞ്ഞാണ് ദിയ സന കുറിപ്പ് അവസാനിപ്പിക്കുന്നത്.

നിരവധി പേരാണ് താരത്തിന്റെ കുറിപ്പിന് കമന്റുമായി എത്തിയിരിക്കുന്നത്. പിന്തുണയുമായി എത്തിയവര്‍ക്ക് ദിയ നന്ദി പറയുന്നത്. ബിഗ് ബോസ് മലയാളം സീസണ്‍ 1ലായിരുന്നു ദിയ സന മത്സരാര്‍ത്ഥിയായി എത്തിയത്. നിലപാടുകളിലൂടെയാണ് ദിയ സന ശ്രദ്ധ നേടിയത്. സാമൂഹിക പ്രവര്‍ത്തകയെന്ന നിലയിലും സജീവമാണ് ദിയ സന.