ഞാന്‍ കഞ്ചാവ് വലിക്കുന്നില്ല! കള്ള സന്യാസി; ബെച്ചീക്കയ്ക്ക് ഇനിയൊരെണ്ണം റോള്‍ ചെയ്യാമെന്ന് റിയാസ്

സോഷ്യല്‍ മീഡിയയിലൂടെയായിരുന്നു ബ്ലെസ്ലിയ്ക്ക് റിയാസ് മറുപടി നല്‍കിയത്. ബ്ലെസ്ലിയുടെ പരാമര്‍ശത്തിന് അതേനാണയത്തിലാണ് റിയാസും മറുപടി നല്‍കിയിരിക്കുന്നത്. ബിഗ് ബോസില്‍ പങ്കെടുക്കവെ സിഗരറ്റ് വലിക്കുന്നത് ഷോയിലെ സ്ത്രീകള്‍ക്കെതിരെ ബ്ലെസ്ലി രംഗത്തെത്തിയിരുന്നു. എന്നാല്‍ പുറത്ത് ബ്ലെസ്ലി സിഗരറ്റ് വലിക്കുന്ന ശീലക്കാരനായിരുന്നുവെന്ന് പിന്നീട് വെളിപ്പെട്ടിരുന്നു. ഇത് ചൂണ്ടിക്കാണിച്ചായിരുന്നു റിയാസിന്റെ പ്രതികരണം.

Also Read: അവളുടെ വീട്ടിലെ മതിൽ ചാടിയതിന് പോലീസ് പിടിച്ചു; കല്യാണത്തിന് മൂന്നാല് മാസം മുൻപ് നടന്ന സംഭവത്തെ പറ്റി താരങ്ങൾ

കുറഞ്ഞത് ഞാന്‍ കഞ്ചാവ് വലിക്കുകയോ സിഗരറ്റ് വലിക്കുന്ന സ്ത്രീകളെ കുറ്റം പറുകയോ ചെയ്യുന്നില്ല എന്നായിരുന്നു റിയാസ് ബ്ലെസ്ലിയ്ക്ക് നല്‍കിയ മറുപടി. കള്ള സന്യാസിയാണന്ന് തെളിയിക്കപ്പെട്ടുവെന്നും റിയാസ് ബ്ലെസ്ലിയോടായി പറയുന്നുണ്ട്. ബെച്ചീക്ക തന്റെ കാര്യം നോക്കാമെന്നും ഒരെണ്ണം റോള്‍ ചെയ്യാമെന്നും റിയാസ് പറയുന്നുണ്ട്. ഇതിനൊപ്പം അമര്‍ അക്ബര്‍ ആന്റണിയിലെ കഞ്ചാവ് നട്ടതിന് പോലീസ് പിടിച്ചു കൊണ്ടു പോകുന്ന നല്ലവനായ ഉണ്ണിയുടെ വീഡിയോയും റിയാസ് പങ്കുവച്ചിട്ടുണ്ട്.

റിയാസിന്റെ പ്രതികരണത്തിന് ഇനി ബ്ലെസ്ലി മറുപടിയുമായി എത്തുമോ എന്നാണ് ആരാധകര്‍ ഉറ്റുനോക്കുന്നത്. 'കിഴങ്ങേശ്വരനായ രാജാവാണ് താനെന്ന് വീണ്ടും വീണ്ടും തെളിയിക്കുന്നുവെന്നും ഫെമിനിസം എന്ന വാക്ക് ഉപയോ?ഗിക്കുന്നത് പോലും സെല്‍ഫിഷായിട്ടുള്ള ആക്രാന്തകത്തിന് വേണ്ടിയും അറ്റന്‍ഷന് വേണ്ടി മാത്രമാണെന്നും' എന്നായിരുന്നു നേരത്തെ ബ്ലെസ്ലി റിയാസിനെക്കുറിച്ച് പറഞ്ഞത്ു. ബ്ലെസ്ലിയും റിയാസ് സലീമും തമ്മില്‍ ഹൗസില്‍ വെച്ച് തന്നെ വലിയ രീതിയില്‍ പ്രശ്‌നം നടന്നിരുന്നു.

ആരാധകരുടെ ചോദ്യങ്ങള്‍ക്ക് മറുപടി നല്‍കവെയായിരുന്നു റിയാസ് ആരതിക്കെതിരെ വിവാദമായ പരാമര്‍ശം നടത്തിയത്. ഹു ദ ഹെല്‍ ഈസ് ആരതി പൊടി? എന്നാണ് റിയാസ് ചോദിച്ചത്. പോപ്പുലറായ ബോയ്ഫ്രണ്ട് ഉള്ളതുകൊണ്ട് മാത്രം പോപ്പുലറായ വ്യക്തിയാണെങ്കില്‍ തനിക്ക് അത്തരം ആളുകളെ അറിയില്ലെന്നും. സ്വന്തം പ്രയത്‌നം കൊണ്ട് പോപ്പുലറായവരാണെങ്കില്‍ താന്‍ ചിലപ്പോള്‍ അറിയുമായിരുന്നുവെന്നും റിയാസ് പറഞ്ഞിരുന്നു. താരത്തിന്റെ വാക്കുകള്‍ക്കെതിരെ കടുത്ത വിമര്‍ശനം ആണ് പിന്നീട് ഉയര്‍ന്നത്. ഇതോടെ റിയാസ് മാപ്പ് പറയുകയായിരുന്നു.

തന്റെ പ്രതികരണം തീര്‍ത്തും അനാവശ്യമായിരുന്നുവെന്നും താന്‍ അങ്ങനെ ചെയ്യാന്‍ പാടില്ലായിരുന്നുവെന്നുമാണ് റിയാസ് പറഞ്ഞത്. ഞാനവരെ അനാവശ്യമായി ഇതിലേക്ക് വലിച്ചിടുകയായിരുന്നു. അതിനാല്‍ താന്‍ അവരോട് മാപ്പ് ചോദിക്കുകയാണെന്നും റിയാസ് പറഞ്ഞു. അതേസമയം താന്‍ മാപ്പ് പറയുന്നത് തന്റെ തെറ്റ് മനസിലായതിനാലാണെന്നും അല്ലാതെ ആരുടേയും ആരാധകരേയോ തന്നേയും കുടുംബത്തേയും കുറിച്ച് അസഭ്യം പറയുന്നവരെ ഭയന്നിട്ടല്ലെന്നും റിയാസ് വ്യതമാക്കിയുരുന്നു. തന്റെ ഭാഗത്തു നിന്നും മോശം പരാമര്‍ശമുണ്ടായ വീഡിയോ പിന്‍വലിച്ചതായും റിയാസ് അറിയിച്ചിരുന്നു.

അതേസമയം റോബിനും ആരതിയും വിവാഹത്തിനായുള്ള ഒരുക്കത്തിലാണ്. ഷോയില്‍ നിന്നും പുറത്ത് വന്ന ശേഷമാണ് റോബിനും ആരതിയും പരിചയപ്പെടുന്നതും പ്രണയത്തിലാകുന്നത്. മോഡലും സംരംഭകയും നടിയുമാണ് ആരതി.