ഉപ്പും മുളകില്‍ അടുത്ത വിവാഹം! ഭാസിക്കും രമയ്ക്കും പിന്നാലെ കനകവും ചന്ദ്രനും? കാണൂ!

ഓട്ടോ ചന്ദ്രനെ അവതരിപ്പിക്കുന്നത്

ജിജി കലാമന്ദിറാണ് ഓട്ടോ ചന്ദ്രന്‍ എന്ന കഥാപാത്രത്തെ അവതരിപ്പിക്കുന്നത്. ബാലുവിന്‍രെ വീട്ടിലെ അംഗത്തെപ്പോലെയാണ് ചന്ദ്രന്‍. ഓട്ടോക്കാരന്‍ മാത്രമല്ല സകലമാന ഉടായിപ്പും അദ്ദേഹത്തിന്‍രെ കൈയ്യിലുണ്ടെങ്കിലും പൊതുവെ ആളൊരു മാന്യനാണ്. കുട്ടികളുടെ പ്രിയപ്പെട്ട ചന്ദ്രന്‍ മാമന്‍ കൂടിയാണ് അദ്ദേഹം. നാളിത്രയായിട്ടും അദ്ദേഹം വിവാഹം കഴിക്കാത്തതെന്താണെന്ന് ചോദിച്ച് നേരത്തെ കുട്ടിപ്പട്ടാളമെത്തിയിരുന്നു. കുട്ടുമാമനെപ്പോലെ തന്നെ ചന്ദ്രന്‍ മാമന്റേയും വിവാഹക്കാര്യം തങ്ങളേറ്റെടുത്തെന്നായിരുന്നു ഇവര്‍ പറഞ്ഞത്. പെണ്ണുകാണാന്‍ പോവുന്നതിനായി കോലം കെട്ടിയ ചന്ദ്രനേയും പരമ്പരയില്‍ കണ്ടിരുന്നു.

കനകമായെത്തുന്നത്

രോഹിണി രാഹുലാണ് കനകമെന്ന കഥാപാത്രത്തെ അവതരിപ്പിക്കുന്നത്. ചൊക്കലിംഗം മാമന്റെ മകളായ കനകം ഇടയ്ക്ക് ബാലുവിന്റെ വീട്ടിലേക്കെത്താറുണ്ട്. തമിഴ് സംസാരിച്ച് വീട്ടിലേക്കെത്തുന്ന കനകത്തിനോട് നീലുവിന് തുടക്കത്തില്‍ വലിയ താല്‍പര്യമുണ്ടായിരുന്നില്ല. അണ്ണേ എന്ന വിളിയുമായാണ് കനകം എത്താറുള്ളത്. നീലു ഗര്‍ഭിണിയായിരിക്കുന്ന സമയത്തുള്ള ആഘോഷത്തിലും കനകം പങ്കെടുത്തിരുന്നു. ഇടവേളയ്ക്ക് ശേഷം വീണ്ടും കനകം ബാലുവിന്റെ വീട്ടിലേക്കെത്തിയിരിക്കുകയാണ് അതിനിടയിലാണ് വിവാഹാലോചനയുടെ കാര്യം ലച്ചുവും സംഘവും എടുത്തിട്ടത്.

അടുത്ത വിവാഹം

പരമ്പരയില്‍ അടുത്ത വിവാഹത്തിനുള്ള വഴിയൊരുങ്ങിയെന്ന സന്തോഷത്തിലാണ് ആരാധകര്‍. ഭാസിക്കും രമയ്ക്കും പിന്നാലെ കനകവും ചന്ദ്രനും വിവാഹിതരായേക്കുമെന്നുള്ള സൂചനകളാണ് പുതിയ പ്രമോ നല്‍കുന്നത്. ഭാസിയും രമയും യഥാര്‍ത്ഥ ജീവിതത്തിലാണ് ഒരുമിച്ചതെങ്കില്‍ കനകവും ചന്ദ്രനും പരമ്പരയ്ക്കായി ഒരുമിച്ചെക്കുമെന്നുള്ള റിപ്പോര്‍ട്ടുകളാണ് പുറത്തുവന്നിട്ടുള്ളത്.
കനകത്തെ ആദ്യമായി കാണുന്നതും അതിനിടയില്‍ ഇരുവരും സംസാരിക്കുന്നതുമൊക്കെയാണ് തിങ്കളാഴ്ചത്തെ എപ്പിസോഡിലുള്ളത്. പ്രമോ വീഡിയോ ഇതിനോടകം തന്നെ സോഷ്യല്‍ മീഡിയയിലൂടെ വൈറലായിരുന്നു.

രമയ്ക്കും ഭാസിക്കും പിന്നാലെ

ബാലുവിന്റെ അടുത്ത സുഹൃത്തായ ഭാസിയെ അവതരിപ്പിക്കുന്ന സുരേഷ് കുമാറും രമയെ അവതരിപ്പിച്ച വര്‍ഷയും വിവാഹിതരായിരുന്നു. ഇരുവരും തമ്മില്‍ പ്രണയത്തിലാണെന്ന തരത്തിലുള്ള റിപ്പോര്‍ട്ടുകള്‍ പ്രചരിച്ചതിന് പിന്നാലെയായാണ് അത് സംഭവിച്ചത്. പരമ്പരയില്‍ ഇരുവരും ഒരുമിച്ചിരുന്നില്ലെങ്കിലും യഥാര്‍ത്ഥ ജീവിതത്തിലായിരുന്നു അത് സംഭവിച്ചത്. വിവിധ സീരിയലുകളിലൂടെയായി പ്രേക്ഷകര്‍ക്ക് സുപരിചിതയായി മാറിയ താരമാണ് വര്‍ഷ. അഭിനയം മാത്രമല്ല പരമ്പരയ്ക്ക് തിരക്കഥയൊരുക്കിയും സുരേഷ് ബാബു ഞെട്ടിച്ചിരുന്നു.

ചിത്രങ്ങള്‍ വൈറലായി

വര്‍ഷയുടേയും സുരേഷ് കുമാറിന്റേയും ഹണിമൂണാഘോഷത്തിനിടയിലെ ചിത്രങ്ങള്‍ സോഷ്യല്‍ മീഡിയയിലൂടെ വൈറലായിരുന്നു. ബാലുവും ശ്രീക്കുട്ടനുമൊക്കെ ഇവരോടൊപ്പമുണ്ടായിരുന്നു. ഹണിമൂണ്‍ ആഘോഷിക്കുന്നവരയെങ്കിലും വെറുതെ വിട്ടൂടേയെന്നായിരുന്നു ബാലുവിനോട് ആരാധകര്‍ ചോദിച്ചത്. വിവാഹത്തിന് ശേഷവും ഇരുവരും അഭിനയത്തില്‍ സജീവമാണ്.

വരുംദിനങ്ങള്‍ക്കായി കാത്തിരിക്കുന്നു

അപ്രതീക്ഷിത ട്വിസ്റ്റുകളുമായാണ് ഉപ്പും മുളകും മുന്നേറുന്നത്. ഇടയ്ക്കിടയ്ക്ക് അതിഥികളായി പുതിയ കഥാപാത്രങ്ങള്‍ എത്താറുണ്ട്. പിന്നീട് കുറച്ച് കാലം അവരെ ചുറ്റിപ്പറ്റിയാവും കാര്യങ്ങള്‍ നീങ്ങുന്നത്. അത്തരത്തില്‍ വരാനിരിക്കുന്ന എപ്പിസോഡുകളില്‍ ചന്ദ്രനും കനകയും തമ്മിലുള്ള പ്രണയമായിരിക്കും നിറഞ്ഞുനില്‍ക്കുന്നതെന്നാണ്.