ദുൽഖറിന്റെ സഹോദരിയായി വന്നു; സിനിമയിൽ അഭിനയിച്ച രം​ഗം അവസാനം വെട്ടി മാറ്റി: മീനു പറയുന്നു

കാതോട് കാതോരം സീരിയൽ ഇപ്പോൾ ഒരുപാട് ആളുകൾ കാണുന്നുണ്ട്. ഒരു പരിധി വരെ അതിനു കാരണം മീനുവിന്റേയും അർജുന്റേയും ഇന്റിമേറ്റ്സ് സീൻ തന്നെയാണ്. ഹോട്ട്സ്റ്റാറിലൂടെ തന്നെ നിരവധി പേരാണ് സീരിയൽ കാണാൻ തുടങ്ങിയത്. ഈ സീരിയലിന്റെ സമയം തന്നെ ഒരു പ്രശ്നമാണ്. പ്രൈ ടൈമിൽ ഷോ ചെയ്യാത്തതിനാൽ പലർക്കും കാണാൻ സാധിക്കാറില്ല. എന്നാൽ ഇപ്പോഴത്തെ സാഹചര്യം വല്ലാതെ മാറി.

സാധാരണ​ഗതിയിൽ സീരീയൽ താരങ്ങൾക്ക് ബി​ഗ്ബോസിലേക്ക് പെട്ടെന്ന് ഓഫർ വരും. "അത്തരത്തിൽ അവസരം വന്നാൽ പോകുമോ എന്നത് ഉറപ്പില്ല. ഒന്നാമത് ബി​ഗ് ബോസ് എന്നത് വലിയൊരു പ്ലാറ്റ്ഫോം ആണ്. അതിൽ പോയ് അബദ്ധം പറയാൻ പറ്റില്ല. എന്തു പറയുന്നു എന്തു ചെയ്യുന്നു എന്നതൊക്കെ പ്രധാനമാണ്. അതിനാൽ ആ വിഷയത്തേ കുറിച്ച് വിശദമായി ചിന്തിക്കേണ്ട ഒന്നാണ്." ജാംഗോ സ്പെയ്സ് ചാനലിലൂടെ രാഹുൽ പറഞ്ഞു.

സോഷ്യൽ മീഡിയയിലൂടെ കൂടുതൽ ആളുകളും പറഞ്ഞത് മലയാളം സീരിയലുകൾ ഇത്രയും പുരോ​ഗമിച്ചോ എന്നാണ്. കാരണം സ്ഥിരം പാറ്റേണിൽ ഷൂട്ട് ചെയ്യുന്ന രീതിയിൽ വലിയൊരു മാറ്റം കൊണ്ടു വരാൻ കാതോട് കാതോരം ടീമിനു സാധിച്ചു. ഈ ഇൻ്റിമേറ്റ് സീനുകൾ കുടുംബ പ്രേക്ഷകരെ എത്രത്തോളം ഇഷ്ടപ്പെടുത്താൻ സാധിക്കും എന്നത് ഒരു ചോദ്യമായിരുന്നു. കാരണം ഇത് സിനിമയിൽ ആയിരുന്നെങ്കിൽ ഒരിക്കലും ആരും ശ്രദ്ധിക്കുക പോലും ഇല്ലായിരുന്നു. പക്ഷേ സീരിയലിന്റെ പ്രേക്ഷകർ വേറെയാണ്.

"വീട്ടിൽ ഈ വിഷയം അവതരിപ്പിക്കാൻ കുറച്ച് പേടിച്ചിരുന്നു. കാരണം അവർ ഏത് രീതിയിൽ ഇതിനെ എടുക്കും എന്നത് ഒരു പേടി ഉണ്ടായിരുന്നു. എന്നാൽ അമ്മയോട് ഈ കാര്യം പറഞ്ഞപ്പോൾ അവർക്ക് ഒരു പ്രശ്നവും ഇല്ലായിരുന്നു. കുടുംബ പ്രേക്ഷകർ കാണാതിരിക്കാൻ മാത്രം ഒന്നും അതിൽ ഇല്ല, എന്നായിരുന്നു വീട്ടുകാർ പറഞ്ഞത്. മാത്രമല്ല അവർക്കൊപ്പം ഇരുന്നാണ് ഞാൻ ആ എപ്പിസോഡ് കണ്ടത്. അവരുടെ അഭിപ്രായം കേട്ടപ്പോൾ ഞാൻ ശരിക്കും ഹാപ്പിയായി." രാഹുൽ പറഞ്ഞു.

മീനു എന്ന കൃഷ്ണേന്ദു സീരിയൽ എത്തുന്നതിനു മുന്നേ മോഡലിം​ഗ് ആയിരുന്നു ചെയ്തത്. അതിലൂടെ സിനിമയിൽ അവസരങ്ങൾ കിട്ടിയിട്ടും താരത്തിനു അതെല്ലാം നഷ്ടമായി. "ഞാനിതിനു മുന്നേ ഒരു സിനിമയിൽ അഭിനയിച്ചിരുന്നു. പക്ഷേ അവസാനം ആ ഭാ​ഗം അവർ കട്ട് ചെയ്ത് ഒഴിവാക്കി. ആ വിഷമത്തിൽ ഇരിക്കുമ്പോഴാണ് ആ പരസ്യത്തിലേക്ക് അവസരം വന്നത്. ഒരു ചേച്ചി വഴിയാണ് അവസരം വന്നത്. "

"അവർ അപ്പോൾ പറഞ്ഞു ദുൽഖർ സൽമാന്റെ അനുജത്തിയായിട്ട് ആണ് എന്നൊക്കെ പറഞ്ഞു. പക്ഷേ ഞാൻ വിശ്വസിച്ചിരുന്നില്ല. ഒടിയൻ സംവിധാനം ചെയ്ത ശ്രീകുമാര മേനോൻ ആയിരുന്നു ഈ പരസ്യം സംവിധാനം ചെയ്തത്. ഒരു പ്രതീക്ഷയും ഇല്ലാതെയാണ് ഓഡീഷനു പോയത്. കൊച്ചിയിൽ വെച്ച് തന്നെയായിരുന്നു. ഞാൻ ആ സമയത്ത് കൊച്ചിയിൽ തന്നെ ഉണ്ടായിരുന്നു."

"അങ്ങനെ അവിടെ ചെന്നപ്പോൾ ഡയറക്ടർ ആക്ട് ചെയ്യാൻ ഒന്നും പറഞ്ഞില്ല, നമ്മുടെ ആറ്റിറ്റ്യൂട് എല്ലാം കണ്ടിട്ടാണ് സെലക്ട് ചെയ്തത്. ദുൽഖർ വന്നപ്പോഴും എനിക്ക് വിശ്വാസം വന്നിരുന്നില്ല. കോവിഡ് സമയത്തായിരുന്നു ആ ഷൂട്ട് ഉണ്ടായിരുന്നത്. അങ്ങനെ അവസാനം ഷൂട്ട് കഴിഞ്ഞു ഇതിന്റെ ഔട്ട് കണ്ടപ്പോഴാണ് എനിക്ക് സമാധാനം വന്നത്. ഏകദേശം ഒരു വർഷത്തിനു ശേഷമാണ് ഇത് റിലീസ് ചെയ്തത്."