'ഇക്കര നിൽക്കുമ്പോൾ അക്കരെ പച്ച', സിദ്ധുവെന്താണ് ഇങ്ങനെയെന്ന് കുടുംബവിളക്ക് ആരാധകർ!

എന്നാൽ സിദ്ധു പ്രതീക്ഷിച്ച പോലെയായിരുന്നില്ല പിന്നീട് കാര്യങ്ങൾ സംഭവിച്ചത്. സിദ്ധു കെട്ടിയ താലി കഴുത്തിൽ കയറിയപ്പോൾ മുതൽ വേദികയുടെ സ്വഭാവത്തിൽ മാറ്റങ്ങൾ വന്ന് തുടങ്ങി. ഇപ്പോൾ വേദികയുടെ ഏറ്റവും വലിയ ലക്ഷ്യം സുമിത്രയെ സാമ്പത്തീകമായും മാനസീകമായും തകർത്ത് കേസിൽ കുടുക്കി ജയിലിലാക്കുക എന്നത് മാത്രമാണ്. അതിനായി തരംതാണ പല വഴികളും വേദിക ഇതിനോടകം സ്വീകരിക്കുകയും ചെയ്തു. പലവിധ വഴികൾ ആലോചിച്ച് നടപ്പിലാക്കിയെങ്കിലും സുമിത്രയ്ക്കെതിരെ ഒന്നും ഇതുവരേയും ഫലം കണ്ടില്ല. സുമിത്രയെ സാമ്പത്തീകമായി തകർക്കാനുള്ള വേദികയുടെ ശ്രമം സിദ്ധു തിരിച്ചറിഞ്ഞതോടെ വേദികയെ വീട്ടിൽ നിന്നും പുറത്താക്കിയിരുന്നു.

ഇനി വേദികയ്ക്കൊപ്പം ജീവിക്കുന്നില്ലെന്ന് തീരുമാനിച്ചാണ് സിദ്ധു അങ്ങനൊരു തീരുമാനമെടുത്ത്. സിദ്ധു വീട്ടിൽ നിന്ന് പുറത്താക്കിയതോടെ വേദികയ്ക്ക് സുമിത്രയോടുള്ള പക ഇരട്ടിച്ചിരിക്കുകയാണ്. വേദിക പോയപ്പോൾ നെഞ്ചുവേദനയെ തുടർന്ന് ആരും സഹായമില്ലാതെ കിടന്നപ്പോൾ സിദ്ധുവിന് തുണയായി ഓടിയെത്തിയതും സുമിത്രയായിരുന്നു. സിദ്ധു തന്നെ സ്വീകരിക്കുന്നതിന് വേണ്ടി ഇല്ലാത്ത ​ഗർഭം ഉണ്ടെന്ന കള്ളം വരെ വേദിക പറഞ്ഞിരുന്നുവെങ്കിലും അതും അവസാനം പൊളിഞ്ഞു. ശേഷം വേദിക സുമിത്രയുടെ വീട്ടിൽ എത്തി സുമിത്രയെ കുടുക്കുന്നതിനായി സ്വന്തം തലയിൽ അടിച്ച് പരിക്കേൽപ്പിച്ച് സുമിത്ര ഉപദ്രവിക്കാൻ ശ്രമിച്ചതാണെന്ന് കാണിച്ച് കേസ് ഫയൽ ചെയ്തിരിക്കുകയാണ് ഇപ്പോൾ. സുമിത്രയ്ക്കെതിരെ മാത്രമല്ല, സുമിത്രയുമായെ അനുകൂലിക്കുന്ന എല്ലാവർക്കും എതിരെ വേദികയ കേസ് ഫയൽ ചെയ്തിട്ടുണ്ട്.

Recommended Video

മമ്മൂക്കയുടെ വാ തുറപ്പിക്കാൻ നോക്കി..കണ്ടം വഴി ഓടി ലാലേട്ടൻ ഫാൻസ്‌ | FilmiBeat Malayalam

സിദ്ധാർഥ് തന്നെ സ്വീകരിക്കണമെന്നാണ് ഇപ്പോൾ വേദികയുടെ ആവശ്യം. വേദികയുടെ ആവശ്യം താൻ സ്വീകരിക്കണമെങ്കിൽ സുമിത്രയ്ക്കെതിരെയുള്ള കേസ് വേദിക പിൻവലിക്കണമെന്നാണ് സിദ്ധാർഥ് ആവശ്യപ്പെടുന്നത്. അല്ലാതെ ഒരു തരത്തിലും വേദികയുടെ ആവശ്യം താൻ അം​ഗീകരിക്കാൻ പോകുന്നില്ലെന്നും സിദ്ധാർഥ് പുതിയ പ്രമോയിൽ പറയുന്നുണ്ട്. പുതിയ പ്രമോ വന്നതോടെ ആരാധകരെല്ലാം സിദ്ധാർഥിനെയാണ് കുറ്റപ്പെടുത്തുന്നത്. സിദ്ധാർഥിന് അക്കരെ നിൽക്കുമ്പോൾ ഇക്കരെ പച്ചയാണെന്നാണ് ആരാധകർ പ്രമോയ്ക്ക് കമന്റായി കുറിച്ചത്. സിദ്ധാർഥിനെ പുണ്യനാക്കിയാലും സുമിത്രയും സിദ്ധാർഥും ഒന്നിക്കുന്ന സ്ഥിതി ഉണ്ടാകരുതെന്നും ചില ആരാധകർ കമന്റായി കുറിച്ചു. അതേസമയം ഇപ്പോൾ കുടുംബവിളക്കിന്റെ കഥ ആവർത്തന വിരസത തോന്നിപ്പിക്കുന്ന തരത്തിലാണ് സഞ്ചരിക്കുന്നതെന്നും ചില ആരാധകർ കമന്റായി കുറിച്ചു.