കുടുംബവിളക്കിലേക്ക് പുതിയൊരു അതിഥി കൂടി എത്തുന്നു; ആതിര പോയാല്‍ കൂട്ടുകാരിയെ തന്നെ കൊണ്ട് വരണമെന്ന് പ്രേക്ഷകർ

വളരെ കാലമായി കുടുംബവിളക്ക് പ്രേക്ഷകരുടെ പ്രിയങ്കരിയായ നടി ആയിരുന്നു ആതിര മാധവ്. ഡോക്ടര്‍ അനന്യയായി വന്ന് എല്ലാവരുടെയും സ്‌നേഹം നേടി എടുത്ത ആതിര ഗര്‍ഭിണിയാണെന്ന് കഴിഞ്ഞ മാസമാണ് പുറംലോകത്തെ അറിയിച്ചത്. ഒന്നാം വിവാഹ വാര്‍ഷികം ആഘോഷിക്കുന്നതിനൊപ്പം താന്‍ ഗര്‍ഭിണിയാണെന്ന കാര്യം കൂടി ആതിര എല്ലാവരോടും പങ്കുവെച്ചു. ഇതോടെ ഇനിയും നടി അഭിനയത്തില്‍ തുടരുമോ എന്ന ചോദ്യം ഉയര്‍ന്നു വന്നു. ഒടുവില്‍ താനിനി ഉണ്ടാവില്ലെന്ന് അറിയിച്ച് കൊണ്ടാണ് നടി എത്തിയത്.

ഗര്‍ഭകാലത്തിന്റെ അഞ്ചാം മാസത്തിലേക്ക് എത്തിയതേ ഉള്ളു. എന്നാലും സീരിയലുമായി മുന്നോട്ട് പോവാന്‍ വലിയ ബുദ്ധിമുട്ടാണെന്നാണ് നടി പറയുന്നത്. ഇത്രയും കാലം സഹിച്ച് നിന്നെങ്കിലും മുന്നോട്ട് വലിയ പ്രശ്‌നങ്ങള്‍ വരുന്നത് കൊണ്ട് തത്കാലം അഭിനയത്തില്‍ നിന്നും മാറുകയാണ്. ഒരു മാധ്യമത്തിന് നല്‍കിയ അഭിമുഖത്തിലൂടെ കുടുംബവിളക്കില്‍ നിന്നും പിന്മാറുകയാണെന്ന് ആതിര ഔദ്യോഗികമായി തന്നെ അറിയിച്ചു. ഇനി തിരിച്ച് വരുമോ എന്ന ചോദ്യത്തിന് ബാക്കി എല്ലാം കുഞ്ഞ് ജനിച്ചതിന് ശേഷമേ തീരുമാനിക്കുകയുള്ളു എന്നും അറിയിച്ചു.

ഭാര്യയുടെ ഉള്ളിലെ നടിയെ കണ്ടെത്തിയത് ഞാനാണ്; അഭിനയിക്കാമോന്ന് ചോദിച്ചപ്പോള്‍ അവള്‍ സമ്മതിച്ചു, ചെമ്പന്‍ വിനോദ്

അതേ സമയം ആതിരയുടെ കഥാപാത്രത്തിന വളരെ പ്രധാന്യം ഉള്ളതിനാല്‍ ആതിരയ്ക്ക് പകരം ആര് വരുമെന്ന ചോദ്യമാണ് ഇപ്പോള്‍ ഉയരുന്നത്. ആതിരയുടെ ഉറ്റസുഹൃത്തും നടിയുമായ ഡയാന ഹമീദിന്റെ പേരാണ് ഈ റോളിലേക്ക് പലരും നിര്‍ദ്ദേശിക്കുന്നത്. താന്‍ സീരിയലിലേക്ക് വരുന്നതിന് കാരണമായി മാറിയ സുഹൃത്ത് ഡയാന ആണെന്ന് ആതിര മുന്‍പ് പലപ്പോഴും പറഞ്ഞിട്ടുണ്ട്. ആതിരയുമായി ഏകദേശം രൂപസാദൃശ്യം കൂടി ഉള്ളതിനാല്‍ ഡയാന അനന്യ ആവുന്നതില്‍ കുഴപ്പമില്ലെന്നാണ് ആരാധകരും പറയുന്നത്.

കുഞ്ഞുങ്ങള്‍ ഇല്ലാത്തതിൻ്റെ സത്യം ദേവി അഞ്ജലിയോട് പറയുന്നു; അമ്മായിച്ഛന്റെ വീട്ടില്‍ വഴക്കുണ്ടാക്കി ഹരിയും

കുഞ്ഞാലി മരക്കാറായി മമ്മൂട്ടി,സംവിധാനം സന്തോഷ് ശിവൻ,കിടിലൻ തിരക്കഥ | FilmiBeat Malayalam

എന്തായാലും വരും ദിവസങ്ങളില്‍ കുടുംബവിളക്കിലേക്ക് പുതിയൊരു അതിഥി കൂടി എത്തുമെന്ന് വ്യക്തമാണ്. അതിനുള്ളില്‍ കഥയിലും ട്വിസ്റ്റ് കൊണ്ട് വരികയാണെങ്കില്‍ അത് റേറ്റിങ്ങില്‍ വലിയ നേട്ടമായി മാറുമെന്നാണ് പ്രേക്ഷകര്‍ പറയുന്നത്. നിലവില്‍ ഒന്നാം സ്ഥാനത്ത് നിന്നും രണ്ടാം സ്ഥാനത്തേക്ക് തള്ളപ്പെട്ടിരിക്കുകയാണ് കുടുംബവിളക്ക്.

ആദ്യ രാത്രിയിലെ ശബ്ദം ചെയ്യാൻ ബുദ്ധിമുട്ടി; അതിന് സംവിധായകൻ നുള്ളി, ഡബ്ബിങ് ജീവിതത്തെ കുറിച്ച് ഭാഗ്യലക്ഷ്മി