Click it and Unblock the Notifications
ഇനി ആ ഷോയില് ചാറ്റിനോ ഗെയിം ചെയ്യാനോ പോവുന്നില്ല; സ്റ്റാര് മാജിക് വിഷയത്തില് നിര്മല് പാലാഴി
സന്തോഷ് പണ്ഡിറ്റിനെ അപമാനിച്ചുവെന്ന് ആരോപിച്ച് സ്റ്റാര് മാജിക്കിനെതിരെ വ്യാപക വിമര്ശനം ഉയര്ന്നിരിക്കുകയാണ്. ഈ സംഭവത്തില് പരിപാടിക്കെതിരെ വിമര്ശനവുമായി സന്തോഷ് പണ്ഡിറ്റ് തന്നെ രംഗത്ത് എത്തിയിരുന്നു. ഇപ്പോഴിതാ പരിപാടിയില് നിന്നും പിന്മാറുന്നതായി അറിയിച്ചിരിക്കുകയാണ് നടന് നിര്മല് പാലാഴി. സ്റ്റാര് മാജിക്കിന്റെ പേരെടുത്ത് പറയാതെയാണ് നിര്മലിന്റെ പ്രതികരണം.
തനിക്ക് ലഭിച്ച ഒരു മെസേജ് പങ്കുവച്ചു കൊണ്ടായിരുന്നു താരത്തിന്റെ പ്രതികരണം. നീ കോഴിക്കോടുകാരന് അല്ലേ. ഒരാളെ വിളിച്ച് വരുത്തി അപമാനിച്ചു വിട്ടപ്പോ നിനക്ക് സന്തോഷം ആയോ. നീയൊക്കെ എവിടുന്ന് നിന്നാ തുടങ്ങിയത് എന്ന് നിനക്ക് ഓര്മ്മയുണ്ടോടാ. തൊലി വെളുത്ത രണ്ട് പെണ്ണുങ്ങളെ കണ്ടപ്പോ നിനക്കൊക്കെ അവരുടെ മുന്നില് സ്റ്റാര് ആകാന് വേണ്ടി പണ്ഡിറ്റിനെ നീയൊക്കെ കൂടെ അപമാനിച്ചു വട്ടു ല്ലേ. നിന്റെ പ്രോഗ്രാം ഇവിടെ ഉണ്ടാകും. നീ വേഗം വാ ട്ടാ. എന്നായിരുന്നു മെസേജ്.
താന് ആരേയും അധിക്ഷേപിക്കാന് ശ്രമിച്ചിട്ടില്ലെന്നാണ് നിര്മല് വ്യക്തമാക്കുന്നത്. എന്റെ ജീവിത വരുമാനം ആണ് അത് ശരിക്കും അറിഞ്ഞിട്ടു കൊണ്ട് തന്നെ പറയട്ടെ ആരെയും വേദനിപ്പിക്കുവാനായി ഞാന് ഇനി ആ ഷോയില് സ്കിറ്റ് ചെയ്യാന് അല്ലാതെ ചാറ്റിനോ ഗെയിം ചെയ്യാനോ പോവുന്നില്ല എന്നാണ് നിര്മല് പറയുന്നത്. നിര്മലിന്റെ വാക്കുകളിലേക്ക്.
രണ്ട് വര്ഷമായി എല്ലാവരെയും പോലെ കലാകാരന്മാരുടെയും അവസ്ഥ മോശം ആണ്,അതുകൊണ്ട് തന്നെ ഒരു പ്രോഗ്രാമില് പോയി പങ്കെടുത്തു. ആ ഷോ ഒരു ചാറ്റ് ഷോ ആയതുകൊണ്ട് മിണ്ടാതെ ഇരിക്കുവാന് പറ്റില്ല മിണ്ടാതെ ഇരിക്കുവാന് അല്ല അവര് എന്നെ വിളിക്കുന്നത്, എന്നിട്ട് പോലും ഞാന് ആ ഷോയില് എന്റെ സ്കിറ്റില് സ്റ്റാര്സ് ഇമ്മിറ്റെഷനില് അല്ലാതെ ഞാന് ഒന്നിലും ആക്റ്റീവ് അല്ലായിരുന്നു, അത് എപ്പിസോഡ് കണ്ട സുഹൃത്തുക്കള്ക്ക് അറിയാം.
പിന്നെ ഒരു ഷോ ആകുമ്പോള് മരം പോലെ നില്ക്കുവാന് ആവില്ല പറ്റുന്ന പോലെ അതില് കൂടേണ്ടി വരും അതിനാണ് അവര് ക്യാഷ് തരുന്നത്.ആരെയും മനപൂര്വം കളിയാക്കിയിട്ടൊ അപമാനിച്ചിട്ടൊ ഇല്ല അങ്ങനെ ഒരു ശീലമോ ഇല്ല. കൊട്ടാരം കെട്ടാനോ സമ്പാദിച്ചു കൂട്ടാനോ അല്ല ഏത് ഒരു സാധാരണകാരനെയും പോലെ എന്നെ വിശ്വസിച്ചു കൂടെ നില്ക്കുന്ന കുടുംബത്തിനെ നോക്കണം.
ഞാന് ഒരാളെയും അറിഞ്ഞുകൊണ്ട് ഒന്നും പറഞ്ഞിട്ടില്ല പറയുകയും ഇല്ല. ഇങ്ങനെയുള്ള മെസേജുകള് ഒരുപാട് ആയി വരുന്നു. 20വര്ഷമായിപ്രോഗ്രാം അവതരിപ്പിക്കുന്നു ആദ്യമായിട്ടാണ് ഇങ്ങനെ ഇതില് അപ്പുറവും കേള്ക്കുന്നത്, എന്റെ ജീവിത വരുമാനം ആണ് അത് ശരിക്കും അറിഞ്ഞിട്ടു കൊണ്ട് തന്നെ പറയട്ടെ ആരെയും വേദനിപ്പിക്കുവാനായി ഞാന് ഇനി ആ ഷോയില് സ്കിറ്റ് ചെയ്യാന് അല്ലാതെ ചാറ്റിനോ ഗെയിം ചെയ്യാനോ പോവുന്നില്ല.
'പിന്നെ പ്രബീഷിനോട് മാത്രം കോഴിക്കോട്കാരന് തന്നെയാണ് നീ അതല്ല എന്നും അറിയാം .എവിടെ പോയാലും തിരിച്ചു വരാന് ഉള്ള സ്ഥലവും കോഴിക്കോട്ടേക്ക് തന്നെ നീ വാ ട്ടോ.. എന്ന് ഭീഷണി മുഴക്കിയത് കൊണ്ട് ഒരു കാര്യം പറയട്ടെ ഞാന് എവിടെയാ വരേണ്ടത് നിന്റെ വീട്ടില് വരണോ...? വരാം തലയില് കയറി അങ്ങോട്ട് നിരങ്ങല്ലേ...' സ്കിറ്റിനും ഇമ്മിറ്റെഷനും സപ്പോര്ട്ട് ചെയ്ത എന്നെ സ്നേഹിക്കുന്നവര്ക്ക് ഒരായിരം നന്ദി.
താരത്തിന്റെ പോസ്റ്റിന് കമന്റുകളുമായി നിരവധി പേര് എത്തിയിട്ടുണ്ട്. ഷോയ്ക്കും നിര്മല് പാലാഴിയ്ക്കും നിരവധി പേര് വിമര്ശനം ഉയര്ത്തുമ്പോള് മറ്റു ചിലര് പിന്തുണയുമായി എത്തുകയും ചെയ്തിട്ടുണ്ട്. നിരവധി പേരാണ് കമന്റുകളിലൂടെ പരിപാടിയെ രൂക്ഷമായി വിമര്ശിച്ചിരിക്കുന്നത്.
Continue with Google