ഇതിന് ഉത്തരവാദി ഭര്‍ത്താവ് രാജീവാണ്; നിറവയറിലെ ഡാന്‍സിന് വിജയ് ഫാന്‍സ് തെറി വിളിക്കരുതെന്ന് നടി ആതിര മാധവ്

സോഷ്യല്‍ മീഡിയയില്‍ വൈറലാവുന്ന റീല്‍സുകളെല്ലാം തന്നെ ചെയ്യാറുള്ള താരമാണ് ആതിര. ഇടയ്ക്ക് ഭര്‍ത്താവ് രാജീവും ഉണ്ടാവും. ഇത്തവണ ഭര്‍ത്താവിന്റെ ആഗ്രഹപ്രകാരമുള്ള വീഡിയോയുമായിട്ടാണ് നടി എത്തിയത്. 'അറബിക് കുത്ത്, ഹലാമിത്തി ഹബ്ബി' എന്ന വൈറല്‍ ഡാന്‍സാണ് ആതിര കളിച്ചത്. അതേ സമയം വിജയ് ആരാധകര്‍ എന്നെ തെറി പറയേണ്ടതില്ലെന്നും ഇതിന്റെ പൂര്‍ണ ഉത്തരവാദി തന്റെ ഭര്‍ത്താവ് ആണെന്നാണ് നടി പറഞ്ഞത്.

'ഈ പാട്ട് കേള്‍ക്കുമ്പോള്‍ ഭ്രാന്ത് പിടിക്കുന്ന എന്റെ ഭര്‍ത്താവാണ് ഈ ഡാന്‍സ് എന്നെ കൊണ്ട് ചെയ്യിപ്പിച്ചത്. രാജീവ് ഇതിന്റെ എല്ലാ ഉത്തരവാദിത്തവും നിങ്ങള്‍ക്കാണ്. വിജയ് ഫാന്‍സ് എന്നെ തെറി വിളിക്കേണ്ട എന്നുമാണ് വീഡിയോയുടെ ക്യാപ്ഷനില്‍ ആതിര എഴുതിയത്. പിന്നാലെ നിരവധി കമന്റുകളാണ് വരുന്നത്. കുടുംബവിളക്കില്‍ ആതിരയ്‌ക്കൊപ്പം അഭിനയിച്ച നടി അമൃത നായരും രസകരമായ കമന്റുമായി വന്നിരുന്നു. 'എന്റെ കുഞ്ഞ്' എന്നാണ് അമൃതയുടെ കമന്റ്. പേടിക്കണ്ട ഉണ്ണി, വാവ ഇപ്പോള്‍ സേഫ് ആണ് എന്ന് ആതിര മറുപടിയും നല്‍കി.

പ്രസവത്തിന് പിന്നാലെ വീണ്ടും ആശുപത്രിയില്‍; ഒരു സര്‍ജറിയ്ക്ക് വേണ്ടി ആശുപത്രിയിലാണെന്ന് സൗഭാഗ്യ

അമ്മയെ പോലെ തന്നെ കുഞ്ഞും ഇപ്പോള്‍ ഡാന്‍സ്‌ കളിക്കുന്നുണ്ടാവും. എപ്പോഴും ഇതുപോലെ സന്തോഷത്തോടെ ആതിര ഇരുന്നാല്‍ അത് കുഞ്ഞിന് നല്ലതായിരിക്കും. എന്തായാലും ഡാന്‍സ് കളിക്കുമ്പോള്‍ ശ്രദ്ധിക്കണേ എന്ന് തുടങ്ങി നൂറ് കണക്കിന് കമന്റുകളാണ് ആതിരയുടെ വീഡിയോയ്ക്ക് താഴെ വരുന്നത്. ചിലര്‍ ഉപദേശമായും ചിലര്‍ വിമര്‍ശനമായിട്ടുമൊക്കെ നടിയോട് പറയുകയാണ്. എന്തായാലും നടി ഗര്‍ഭകാലം ഏറ്റവുമധികം ആസ്വദിക്കുന്നത് ഇങ്ങനെയാണെന്ന് വ്യക്തമായിരിക്കുകയാണ്.

കുടുംബവിളക്ക് സീരിയലില്‍ സജീവമായി അഭിനയിച്ച് തുടങ്ങിയതിന് പിന്നാലെയാണ് ആതിര മാധവ് വിവാഹിതയാവുന്നത്. ഏറെ കാലം നീണ്ട പ്രണയത്തിനൊടുവിലാണ് 2020 ല്‍ ആതിരയും രാജീവും തമ്മിലുള്ള വിവാഹം. ഒന്നാം വിവാഹ വാര്‍ഷികം പൂര്‍ത്തിയാക്കിയ അന്നാണ് താന്‍ ഗര്‍ഭിണിയാണെന്ന് നടി വെളിപ്പെടുത്തുന്നത്. പിന്നാലെ സീരിയലില്‍ നിന്നും പിന്മാറുകയാണെന്നും പ്രഖ്യാപിച്ചു. ഇനി കുഞ്ഞ് ജനിച്ചതിന് ശേഷമായിരിക്കും നടി അഭിനയത്തിലേക്ക് മടങ്ങി എത്തുക.