'ഫ്ലവേഴ്സിന്റെ തെറ്റുകൊണ്ടല്ല', കോമഡി ഉത്സവത്തിൽ നിന്ന് പിന്മാറിയതിനെ കുറിച്ച് മിഥുൻ

ആദ്യ സീസണിൽ മത്സരാർഥികൾക്കൊപ്പവും അതിഥികൾക്കൊപ്പവും മെന്റേഴ്സിനൊപ്പവും കട്ടക്ക് പിടിച്ചുനിന്ന് ഷോയെ കൂടുതൽ ഹരമുള്ളതാക്കി മാറ്റിയതിൽ വലിയൊരു പങ്ക് മിഥുൻ വഹിച്ചിരുന്നു. കോമഡി ഉത്സവം തിരിച്ചുവരുന്നുവെന്ന് അറിയിച്ചപ്പോൾ മുതൽ പ്രേക്ഷകർ ആവേശത്തിലായിരുന്നുവെങ്കിലും മിഥുൻ രമേശ് ഇല്ലെന്ന് അറിഞ്ഞതോടെ നിരാശയിലാണ്. പലരും മിഥുൻ രമേശിനെ ഷോയുടെ ഭാ​ഗമാക്കാതിരുന്നതിനെതിരേയും രം​ഗത്തെത്തിയിരുന്നു. മിഥുനെ തിരികെ കൊണ്ടുവരണമെന്ന ആവശ്യവും ഉയരുന്നുണ്ട്. ചിലർ മിഥുന് സന്ദേശങ്ങളയച്ചും പിന്മാറ്റത്തെ കുറിച്ച് ചോദിച്ചിരുന്നു.

നിരവധിപേർ ഈ വിഷയവുമായി തന്നെ ബന്ധപ്പെട്ടതിനെ തുടർന്ന് മിഥുൻ പിന്മാറ്റത്തിനുള്ള കാരണം വ്യക്തമാക്കി സോഷ്യൽ മീഡിയയിൽ എത്തിയിരുന്നു. ലൈവിൽ എത്തിയ താരം എന്തുകൊണ്ട് പിന്മാറിയെന്ന് വ്യക്തമാക്കി. തന്റെ പിന്മാറ്റത്തിന് പിന്നിൽ ഫ്ലവേഴ്സല്ലെന്നും ടൈമിങിന്റെ പ്രശ്നം മൂലം സംഭവിച്ചുപോയതാണെന്നുമാണ് മിഥുൻ പറഞ്ഞത്. 'എല്ലാവർക്കും നമസ്കാരം, പലരും എന്നോട് കോമഡി ഉത്സവത്തിൽ നിന്ന് പിന്മാറിയതിനെ കുറിച്ച് ചോദിച്ചിരുന്നു. ഫ്ലവേഴ്സിന്റെ തെറ്റുകൊണ്ടല്ല ഞാൻ രണ്ടാം സീസണിൽ അവതാരകനായി എത്താത്തത്. എന്നെ ആദ്യം സമീപിച്ചത് മഴവിൽ മനോരമയിലായിരുന്നു. അന്ന് കോമഡി ഉത്സവം അണിയറപ്രവർത്തകർ ഷോയുടെ രണ്ടാം സീസണിനെ കുറിച്ച് ആലോചിച്ചിട്ടുണ്ടായിരുന്നില്ല. അതിനാൽ ഞാൻ സൂപ്പർ ഫോർ ടീമുമായി കരാർ ഒപ്പിട്ടു. കരാ‍ർ ഒപ്പിട്ട ശേഷമാണ് കോമഡി ഉത്സവം വീണ്ടും ആരംഭിക്കാൻ പോകുകയാണെന്ന് അറിയിച്ച് ശ്രീകണ്ഠൻ നായർ സർ അടക്കമുള്ളവർ എന്നെ ബന്ധപ്പെട്ടത്. കരാർ ഒപ്പിട്ട് പോയിരുന്നു. ഇനി പിന്മാറുന്നത് മാന്യതയല്ലെന്ന് തോന്നി. കോമഡി ഉത്സവത്തിന്റെ രണ്ടാം സീസണിന്റെ ഭാ​ഗാമാകാൻ സാധിക്കാത്തതിൽ സങ്കടമുണ്ട്. പക്ഷെ മഴവിൽ മനോരമയിലെ സൂപ്പർ ഫോർ ടീം അടിപൊളിയാണ് ഞാൻ ഏറെ എഞ്ചോയ് ചെയ്താണ് ആ പരിപാടി അവതരിപ്പിക്കുന്നത്. ടൈമിങിൽ വന്ന പ്രശ്നം കൊണ്ട് തോമഡി ഉത്സവത്തിന്റെ ഭാ​ഗമാകാൻ സാധിക്കാതെ പോയതാണ്' മിഥുൻ പറഞ്ഞു.

Recommended Video

പിള്ളേര് എടുത്ത് വെട്ടും നിന്നെ ..മുക്തയെ തേച്ച് ഭിത്തിയിൽ ഒട്ടിച്ച് ഒരു ഡോക്ടർ

രചന തന്റെ നല്ല സുഹൃത്താണെന്നും അവൾ ആ പരിപാടി അവതരിപ്പിക്കുന്നതിലെ സന്തോഷവും മിഥുൻ പങ്കുവെച്ചു. കോമഡി ഉത്സവത്തിന്റെ ആദ്യ സീസണിലുണ്ടായിരുന്ന നടൻ ടിനി ടോമും ഇത്തവണ ജഡ്ജിങ് പാനലിലില്ല. ഒരു മണിക്കൂർ അല്ല ഒന്നര മണിക്കൂർ ആണ് ഷോയുടെ പുതിയ സമയം. പന്ത്രണ്ട് മണിക്കൂർ ലൈവായി കോമഡി ഉത്സവം സംഘടപ്പിച്ച് ടെലികാസ്റ്റ് ചെയ്തതിന്റെ ​ഗിന്നസ് റെക്കോർഡ് ഈ പരിപാടിക്ക് ലഭിച്ചിട്ടുണ്ട്.