അപ്പു തമ്പിയോടൊപ്പം വീട്ടിലേക്ക് പോകുന്നു, പറഞ്ഞയച്ച് ഹരി; കണ്ണനോട് മാപ്പ് പറഞ്ഞും അപ്പു

ആകാംഷ നിറഞ്ഞ പ്രൊമോ വീഡിയോയാണ് അണിയറ പ്രവര്‍ത്തകര്‍ പങ്കുവച്ചിരിക്കുന്നത്. അപ്പുവിനേയും ഹരിയേയും വീണ്ടും തങ്ങളുടെ വീട്ടിലേക്ക ്കൂട്ടി കൊണ്ടു പോകാനായി വരികയാണ് തമ്പിയും ്അംബികയും. തന്റെ ചേച്ചിയും ചേച്ചിയുടെ മകളും വരുന്നുണ്ടെന്നാണ് തമ്പി പറയുന്നത്. ആ വാര്‍ത്ത കേട്ടപ്പോള്‍ അപ്പുവിനും ഒരുപാട് സന്തോഷമായിട്ടുണ്ട്. ചേച്ചിയും മകളും വരുമ്പോള്‍ അപ്പുവിനെ ഒന്ന് രണ്ട് ദിവസത്തേക്ക് കൂടി വീട്ടിലേക്ക് വിടണമെന്നാണ് തമ്പി ആവശ്യപ്പെടുന്നത്. ഉടനെ ബാലന്‍ ഹരിയോട് അഭിപ്രായം ചോദിക്കുകയാണ്. പൊയ്‌ക്കോട്ടെ എന്നായിരുന്നു ഹരി പറഞ്ഞത്. ഇങ്ങനെയൊരു കാര്യം ആകുമ്പോള്‍ പോകണം എന്നാണ് ഹരിയുടെ അഭിപ്രായം.

എന്നാല്‍ അപ്പു മാത്രമല്ല ഹരിയും വരണമെന്ന് തമ്പി പറയുന്നു. പക്ഷെ തന്റെ മുന്‍ അനുഭവത്തിന്റെ വെളിച്ചത്തില്‍ ഹരി ആ ആവശ്യം നിരസിക്കുകയാണ്. ക്ഷമിക്കണം, അത് മാത്രം പറയരുതെന്നായിരുന്നു ഹരിയുടെ പ്രതികരണം. പിന്നെ വീഡിയോയില്‍ കാണുന്നത് കണ്ണനോട് സംസാരിക്കുന്ന അപ്പുവിനെയാണ്. കഴിഞ്ഞ ദിവസം ഹരിയുടെ വണ്ടിയെടുത്തതിന് അപ്പു കണ്ണനോട് ദേഷ്യപ്പെട്ടിരുന്നു. കണ്ണനെ ഏറെ വേദനിപ്പിച്ചതായിരുന്നു സംഭവം. ഞാന്‍ ദേഷ്യം പിടിച്ചപ്പോള്‍ എന്തെങ്കിലും പറഞ്ഞുവെന്ന് കരുതി അത് മനസിലിട്ട് നടക്കേണ്ട എന്നാണ് അപ്പു കണ്ണനോട് പറയുന്നത്. പറഞ്ഞതിനൊക്കെ സോറി പറയുന്നുവെന്നും അപ്പു കണ്ണനോട് പറയുന്നുണ്ട്. പിന്നാലെ അപ്പുവും ഹരിയും തമ്മില്‍ വീട്ടിലേക്ക് പോകുന്നതിനെക്കുറിച്ച് സംസാരിക്കുന്നതാണ് കാണുന്നത്.

Recommended Video

അമ്മയുടെ മീറ്റിങ്ങിന് കാറോടിച്ച് വന്ന മഞ്ജു വാര്യരെ കണ്ടോ..പൊളി വീഡിയോ

കുറച്ച് ദിവസം നീയവിടെ ചെന്ന് സന്തോഷത്തോടെ നില്‍ക്കട്ടെ എന്ന് കരുതി സമ്മതിച്ചതാണെന്നാണ് ഹരി അപ്പുവിനോട് പറയുന്നത്. വായ്ക്ക് രുചിയായിട്ടുള്ളത് കഴിച്ച്, കളിയും ചിരിയുമൊക്കെയായി ഒന്ന് റിലാക്‌സ് ചെയ്യെന്നാണ് ഹരി അപ്പുവിനോട് പറയുന്നത്. കഴിഞ്ഞ ദിവസം അപ്പു തന്നെ പറഞ്ഞ കാര്യങ്ങള്‍ പരോക്ഷമായി പരാമര്‍ശിക്കുകയാണ് ഹരി. അത് മനസിലായെന്നാണ് അപ്പുവിന്റെ മുഖഭാവവും വ്യക്തമാക്കുന്നത്. പിന്നാലെ അമ്മയോടൊപ്പം അപ്പു കാറില്‍ കയറി പോകുന്നതും കാണാം. വരും ദിവസങ്ങളില്‍ അപ്പു തമ്പിയുടെ വീട്ടിലായിരിക്കും. മകളെ ഒറ്റയ്ക്ക് കിട്ടുന്നതോടെ തമ്പി അവളുടെ മനസില്‍ സാന്ത്വനം വീട്ടുകാര്‍ക്കെതിരെയുള്ള ചിന്തകള്‍ വളര്‍ത്തുമെന്നാണ് വിലയിരുത്തപ്പെടുന്നത്.വരും ദിവസങ്ങളില്‍ സാന്ത്വനം വീട്ടില്‍ അപ്രതീക്ഷിത സംഭവങ്ങളായിരിക്കും അരങ്ങേറുക എന്നുറപ്പായിരിക്കുകയാണ്.