ഹരി നഷ്ടപ്പെട്ട് പോകുമോ എന്ന ഭയത്തിൽ സാന്ത്വനം കുടുംബം, ഭർത്താവിന് വേണ്ടി മാപ്പ് ചോദിച്ച് അപ്പു!

സമ്മാനങ്ങൾ കൊണ്ട് മൂടിയാണ് ഹരിയെ തമ്പി സ്വീകരിച്ചത്. തമ്പിയുടെ പതിവില്ലാത്ത സ്നേഹത്തിൽ ഭയന്നാണ് ഹരി അവിടെ താമസിക്കുന്നത്. അതിനിടയിൽ പലപ്പോഴായി സാന്ത്വനത്തിലെ കുറ്റങ്ങളും കുറവുകളും പറഞ്ഞ് ഹരിയെ ഒപ്പം നിർത്താൻ തമ്പി ശ്രമിച്ചെങ്കിലും ഹരി തമ്പിയെ അതിന് അനുവദിക്കാതെ കയർക്കുകയാണ് ചെയ്തത്. സാന്ത്വനത്തിലെ അം​ഗങ്ങളെ കുറ്റപ്പെടുത്തിയതിന്റെ പേരിൽ അപ്പുവും തമ്പിയോട് കയർത്തിരുന്നു. പലപ്പോഴായി സാന്ത്വനത്തിലേക്ക് തിരികെ പോകാൻ ഹരി ശ്രമിച്ചെങ്കിലും തമ്പിയാണ് പലവിധ കാരണങ്ങൾ പറഞ്ഞ് തടഞ്ഞുവെച്ചത്.

വരാനിരിക്കുന്ന എപ്പിസോഡിന് മുന്നോടിയായി സാന്ത്വനം സീരിയലിന്റെ പുതിയ പ്രമോ അണിയറപ്രവർത്തകർ പുറത്തുവിട്ടിരിക്കുകയാണ്. ഹരിക്കൊപ്പം കൃഷ്ണ സ്റ്റോഴ്സിൽ തമ്പി എത്തിയതിനെ കുറിച്ച് സാന്ത്വനത്തിലെ അം​ഗങ്ങളോട് ഭയത്തോടെ വിവരിക്കുന്ന ബാലനാണ് പുതിയ പ്രമോയിലുള്ളത്. ഹരിയുടെ സ്വഭാ​വത്തിൽ മാറ്റങ്ങൾ വന്ന് തമ്പിക്കൊപ്പം കഴിയാൻ തീരുമാനിക്കുമോ എന്ന ആശങ്കയാണ് ബാലൻ പ്രധാനമായും പങ്കുവെച്ചത്. തമ്പിയുടെ നിർബന്ധത്തിന് വഴങ്ങിയാണ് നാട് കാണാൻ എത്തിയത് എന്ന് ഹരി പറയുമ്പോഴും അവനിൽ ചില മാറ്റങ്ങൾ കണ്ടുവെന്നാണ് ബാലൻ ദേവിയോടും മറ്റ് അം​ഗങ്ങളോടും പറയുന്നത്. തമ്പി തിരികെ പോകുന്നതിന് മുമ്പ് പലതും ഉള്ളിൽ വെച്ച് സംസാരിക്കുന്നതായി തനിക്ക് തോന്നിയെന്നും ബാലൻ പറയുന്നുണ്ട്. ബാലൻ ആശങ്ക പങ്കുവെച്ചതോടെ സാന്ത്വനത്തിലെ അം​ഗങ്ങളെല്ലാം ആശങ്കയിലാണ് ഹരിയെ ഇനി തിരികെ ലഭിക്കുമോ ഇല്ലയോ എന്ന ചിന്താണ് എല്ലാവരിലും. കൂടാതെ ഹരി തമ്പിയോട് കയർത്ത് സംസാരിച്ചതിന് അച്ഛനോട് കരഞ്ഞ് മാപ്പ് ചോദിക്കുന്ന അപ്പുവും പുതിയ പ്രമോയിലുണ്ട്.

ശത്രു വീട്ടിലെത്തിയപ്പോൾ ചോദ്യം ചെയ്തതിനെ കുറിച്ച് അഞ്ജലിയോട് സംസാരിക്കുന്ന ശിവനേയും പുതിയ പ്രമോയിൽ കാണാം. സാന്ത്വനം സീരിയലിനെക്കാൾ ആരാധകർ ശിവഞ്ജലി കോമ്പോയ്ക്ക് ആയതിനാൽ തന്നെ ഹരി-അപർണ്ണ-തമ്പി കോമ്പിനേഷൻ സീനുകൾ മാത്രം ഉൾപ്പെടുത്തുന്നതിനെതിരെ നേരത്തെ പരാതിയുമായി രം​ഗത്തെത്തിയിരുന്നു. ആരാധകരുടെ പരാതികൾ പരിഹരിക്കുന്ന തരത്തിലാണ് പുതി പ്രമോ ഇറക്കിയിരിക്കുന്നത്. ഏറെ നാളുകളായി ഏഷ്യാനെറ്റ് സീരിയലുകളുടെ റേറ്റിങ് ചാർട്ട് ഭരിക്കുന്നത് സാന്ത്വനം സീരിയലാണ്. ചിപ്പി, രാജീവ് പരമേശ്വർ, ​ഗോപിക അനിൽ, സജിൻ തുടങ്ങി വലിയൊരു താരനിര തന്നെ സീരിയലിന്റെ ഭാ​ഗമായിട്ടുണ്ട്. കുടുംബവിളക്ക് സീരിയലിനെ പിന്നിലാക്കിയാണ് സാന്ത്വനം റേറ്റിങ് കൈയ്യടി വെച്ചിരിക്കുന്നത്.