സത്യം പറയുമ്പോള്‍ ഏഷണിയെന്ന് പറയല്ലേ! ജയന്തിയും ലച്ചും ഒന്നിക്കുന്നു; ജയന്തിയ്ക്ക് അഞ്ജുവിന്റെ കൊട്ട്

ലച്ചുവിന്റെ കുത്തിത്തിരിപ്പുകളില്‍ പൊറുതി മുട്ടി നില്‍ക്കുന്ന സാന്ത്വനം വീട്ടിലേക്ക് ജയന്തിയും എത്തിയിരിക്കുകയാണ്. ഇതോടെ ലച്ചുവും ജയന്തിയും ഒരുമിക്കുമോ എന്ന ഭയത്തിലാണ് സാന്ത്വനം വീട്ടുകാര്‍. രണ്ടു പേരും ഒരേ സ്വഭാവക്കാരായതിനാല്‍ അവര്‍ ഒരുമിച്ചാല്‍ അത് വലിയ പ്രശ്‌നങ്ങളിലേക്ക് നയിക്കുമെന്ന ഭയം എല്ലാവര്‍ക്കുമുണ്ട്. എന്നാല്‍ ഭയപ്പെട്ടത് പോലെ തന്നെ ജയന്തിയും ലച്ചുവും കണ്ടുമുട്ടുകയും സംസാരിക്കുകയും ചെയ്തു. കണ്ടമാത്രയില്‍ തന്നെ ഇരുവരും സുഹൃത്തതുക്കളായി മാറുകയും ചെയ്തിട്ടുണ്ട്. ഇത് സാന്ത്വനം വീട്ടില്‍ ആശങ്ക പടര്‍ത്തുന്നുണ്ട്.

തങ്ങളുടെ ആശങ്ക പങ്കുവെക്കുന്ന അഞ്ജുവിനേയും ദേവിയേയുമാണ് പുതിയ പ്രൊമോ വീഡിയോയില്‍ കാണുന്നത്. ഇനം ഇനത്തില്‍ ചേരും എന്ന് പറയുന്നത് പോലെ, ആരോ പറഞ്ഞുവിട്ടത് പോലെ എന്ത് കൃത്യമായിട്ടാണ് വന്ന് കേറിയത് എന്ന് നോക്കൂ എന്നാണ് അഞ്ജു ദേവിയോട് പറയുന്നത്. ജയന്തിയേട്ടത്തിയുടെ ഗണത്തില്‍ പെടുന്ന ആളാണ് ലച്ചുവെങ്കില്‍ ജയന്തിയേട്ടത്തി പറയുന്നത് കേള്‍ക്കാന്‍ താല്‍പര്യമുണ്ടാകുമെന്നാണ് ദേവിയും പറയുന്നത്. ആ പറഞ്ഞത് പോലെ തന്നെ ജയന്തിയും ലച്ചുവും സംസാരിക്കുന്നതാണ് പിന്നെ കണ്ടത്.

നിങ്ങളുടെ കൊച്ചിനെ മര്യാദയ്ക്ക് നോക്കണമെങ്കില്‍ നിങ്ങളാരെങ്കിലും ഇതുപോലെ വന്ന് നില്‍ക്കണമെന്നാണ് ജയന്തി ലച്ചുവിനോട് പറയുന്നത്. ഇല്ലെങ്കില്‍ നിങ്ങളുടെ വീട്ടില്‍ കൊണ്ടു പോയി നോക്കണമെന്നും ജയന്തി പറയുന്നുണ്ട്. ജയന്തിയുടെ ഏഷണിയില്‍ അപ്പുവിനും ഭയമുണ്ട്. പിന്നാലെ ഹാളില്‍ വച്ച് ജയന്തിയെ നിര്‍ത്തി പൊരിക്കുകയാണ് അപ്പവും അഞ്ജുവും ചേര്‍ന്ന്. അങ്ങനെ ജയന്തിയേച്ചിയെ ഏഷണിക്കാരിയാക്കല്ലേ അപ്പു മോളേ എന്ന് അഞ്ജു അപ്പുവിനോട് തമാശയായി പറയുന്നത്. ചെറുപ്പം മുതല്‍ നാട്ടിലുള്ള എല്ലാ വീടുകളും കയറിയിറങ്ങി സത്യം മാത്രം പറഞ്ഞ് ശീലിച്ചു പോയത് കൊണ്ട് അറിയാതെ പറഞ്ഞ് പോയതാണെന്നും അഞ്ജ്ു പറയുന്നുണ്ട്.

Recommended Video

മോഹന്‍ലാലും തല അജിത്തും ഒന്നിക്കുന്ന സിനിമ ഉടന്‍

പറയുന്നതിനിടെ ജയന്തിയുടെ തോളില്‍ അടിക്കുകയും ചെയ്യുന്നുണ്ട് അഞ്ജു. പിന്നാലെ ജയന്തിയ്ക്ക് മുട്ടന്‍ പണിയുമായി തമ്പി സാന്ത്വനം വീട്ടിലേക്ക് വരുന്നുണ്ട്. തമ്പിയെ കണ്ടതും ജയന്തിയ്ക്ക് പേടിയാവുകയാണ്. താനാണ് വിളിച്ചതെന്ന് തമ്പി തിരിച്ചറിയുമോ എന്ന ഭയമാണ് ജയന്തിയ്ക്ക്. ഇതോടെ വരും ദിവസങ്ങള്‍ രസകരമായിരിക്കുമെന്ന ഉറപ്പിലാണ് ആരാധകര്‍. അഞ്ചുന്റ ജയന്തിയോടുള്ള സംസാരം പൊളിച്ചൂ. ജയന്തി ആണ് തമ്പിനെ വിളിച്ചത് എന്ന് എല്ലാവരും അറിയണം, അഞ്ജുകുട്ടി കലക്കി. ജയന്തിക്ക് എത്ര കിട്ടിയാലും നാണമില്ലല്ലോ, അഞ്ജലി പൊളിച്ചു ജയന്തിക്ക് അങ്ങനെ തന്നെ വേണം, അഞ്ചു ജയത്തിയേടത്തിക്കട്ട് കൊട്ടിയത് ഇഷ്ടപെട്ടു കറക്റ്റ് സമയത്തെ അഞ്ചുന്റെ ഡയലോഗ് പൊളി എന്നിങ്ങനെയാണ് ആരാധകരുടെ കമന്റുകള്‍.